[oliver68]

كاتب النص الأصلي : Golden_Skull_Jordan

مسا الخير بدي حل هالحزورة لشوف مين رح يقدر يحلها منكم...

الحزورة

هاد كان في بهالزمانات سلطان وعنده وزير مدايقه كتير لانه هالوزير ذكي والسلطان مزعوج منه المهم فبده يتخلص منه بطريقة ذكية وحتى يأكد للناس انه هالوزير مش ذكي فشو عمل حط الوزير بغرفة هالغرفة الها بابين وعند كل باب في حارس واحد جزار (((يعني قاتل))) والتاني حارس عادي(((يعني باب النجاه))) المهم واحد من هدول الحراس كذاب والتاني صادق ومع الوزير سؤال واحد حتى يسأل اي واحد من هدول الحراس
واكيد هالوزير ذكي فهو رح ينجو بس السؤال انه شو هو السؤال اللي رح يسأله هالوزير لاحد الحارسين لحتى ينجو ؟؟؟؟

يالله لشوف..

يو ريكاااااااااااااااااااااا
يا سيدي الحل هوي كالتالي: إنو يسأل أي حارس السؤال التالي: "إذا سألت الحارس التاني أي باب هوي باب النجاة شو رح يجاوب؟" وبياخد الباب عكس الباب يللي جاوب عليه الحارس، وهي كل الحالات مع الأجوبة:

الحالة الأولى:
أ-1) نفرض إنو الكذاب عندو باب النجاة والصادق عندو باب الهلاك والوزير صاحبنا سأل الكذاب السؤال الماضي، رح يجاوب الكذاب :"رح يقللك الحارس التاني إنو باب النجاة عندو" فالوزير بياخد الباب التاني، يعني يفوت عند الكذاب.
أ-2) كمان الكذاب عندو باب النجاة والصادق باب الهلاك، والوزير صاحبنا سأل السؤال للصادق، فالصادق رح يجاوب: "رح يقللك الحارس التاني إنو باب النجاة عندي" فبكل بساطة الوزير رح يفوت من الباب التاني، يعني باب الكذاب.

الحالة الثانية:
ب-1) نفرض إنو الكذاب عندو باب الهلاك والصادق عندو باب النجاة، فالوزير سأل الكذاب السؤال، الكذاب رح يجاوب: "الحارس التاني رح يقللك إنو باب النجاة عندي" فبهالحالة رح يروح عالباب التاني يعني رح يفوت من باب الصادق.
ب-2) كمان نفرض إنو باب الهلاك عند الكذاب والنجاة عند الصادق، بس بهالحالة الوزير سأل الصادق السؤال، رح يجاوب الصادق: "الحارس التاني رح يقللك إنو باب النجاة عندو" وهيك بفوت من الباب التاني يعني باب الصادق.

:adal :