اقتباس:
كاتب النص الأصلي : yass
ارجاع مية سنة لورا!!! أيوااااااااا
بالجزيرة كان في كذا نوع من الناس عايشين... عندك:
أهل المدينة: اللي كانو مبلشين يشتغلو بالتجارة و الحرف اليدوية و هيك قصص
أهل القرى المتاخمة للمدن: يعني غالبا يا على ضفة الفرات يا البليخ يا الخابور, يشتغلو بالزراعة الري و تربية حيوانات عالخفيف جدا... هلأ الزراعة المروية تاخد معك جهد لأنو بدك تسقي و بدك تشتغل بالأرض كتير..
هالنوعين من البشر يسمونهون "الحضر"... منيح؟
أهل القرى البعيدة عن المدن (نسبيا) و اللي ما عندها مصادر مي غير الآبار.. هدول بيشتغلو زراعة بعلية (يعني طش البذار و على ألله المطر), فشغلهون كلو بالزراعة يكون وقت البذار و وقت الحصاد بس, باقي السنة كانو يشتغلو بتربية الماشية (مو الابل و لا النوق) انما الماشية الصغار, خرفان و ماعز و من هالقصص, و ينزلو عالمدينة كل فترة يبيعو المواد اللي يطالعوها (لبن, صوف, ذبايح...الخ).. فلهالسبب تسمو بالشوايا نسبة الى شاة..لأنو نزلتهون عالمدينة كانت مشان يبيعو منتج الشاة و يشترو اللي يلزمهون
البدو... معروفين
ما عدا البدو (هدول قبايلهون و عشايرهون غير..) الأنواع الـ 3 اللي فوق تقريبا من أصل عشائري واحد أو متشابه, يعني مافي اختلافات أصلية (طبعا ما عدا السريات و الآثوريين و الكراد.. هدول ع طرف)
هاد الأصل التاريخي للكلمة
|
بالزبط ... هادا الحكي المزبوط .
وكمان الشاوي ماعندو اي مشكلة ازا قلتلو انك شاوي بالعكس هدا فخر الو ..
ولكل واحد بفكر يسب حدا تاني بهالكلمة يجي ويقرا هون مشان ماكتير ينسبط ع حالو ..
وهو بيعرف حالو داك التركي اللي ببالي
ونفس الشي بندوء .. اللي بدو يسبا ويجي يقرا هالموضوع
يعني هي صار مسبتين توضحت فكرتن .. مشان يكونوا هالشباب الطيبة والصبايا الطيبة يسبوا وهنن عبيعرفو شو عبسبو
مو مسبة وخلص ..