اقتباس:
ما فهمت برأيك و برأي بترفلاي بما انكن متفقين شو لازم نعمل يعني .. قلي شو لازم نعمل
كمان قلي ليش ...
|
هلأ ما تقلي ليش هالتعصيبة يابي؟ قتلنالك حدا لا سمح الله؟ أخي ماني حدا لقلك شو لازم تعمل و ليش لازم تعمل هيك... رأيي ببساطة أنو شاطرين نزت مآسينا كلها عالغرب... اي شو خلفنا و نسينا الغرب؟؟
اقتباس:
|
ليش حقوق الإنسان لناس و ناس .. يا أخي يتركونا بحالنا لكن .. أصلاً هيي حجة و مسمار جحا تبعن ..
|
ما فهمت يعني حقوق الانسان شو دخلها بالموضوع.... قصف حماس عم يصفقلو العرب قبل الغرب... ليش زات الحق عالغرب يعني.. اساسا الغرب كجمعيات أهلية و منظمات دولية اشتغل لفلسطين بقدر بحياتهون كلها العرب ما راح يشتغلوه.. يكفي تاخد احصائية و تشوف الغزاوية وين يدرسو و بمنح و معززين مكرمين لما مافي دولة عربية وحدة تستقبلهون... يكفي شحنات الأدوية اللي انبعتت ع غزة من جمعيات اهلية محلية هون مانها مجبورة بحدا و مع ذلك اشتغلو متل الحمير مشان يلمو (أنا شاركتهون و لميت و شاركت بالشحن)... و النتيجة؟؟ نص الشحنات سرقوهون المصريين
اذا بتحكي عن الحكومات الحكومات بتدوّر مصلحة... و لو ماننا مستوطين حيطنا و عاملين بلادنا مواخير للطالع و الفايت كان ما حدا اجا يدور مصلحة عنا
اقتباس:
|
ليش لما بتموت قطة بالغرب بيبكوا عليها أكتر من ميت طفل فلسطيني ؟
|
و ليش مجبورين يبكو عليهون؟؟؟ اذا أخوتهون عم يصفقو بدك الغريب يجي يبكي عليهون؟ شو ذنبو الغريب؟ يعني العرب عم يبكو عالغزاوية؟ شو عملو العرب للغزاوية لحتى جاي تسائل الغرب؟ مظاهرة وحدة طلعت؟؟ هون في اعتصامات قدام سفارة اسرائيل... يعني شو مشان؟
و ع فكرة.... اعلاميا القضية الفلسطينية بالغرب محافظ عليها أكتر من الاعلام العربي المعت تبع استقبل وودع
اقتباس:
|
ليش لما منحاول نجيب أسلحة نقوي حالنا بتفتل سفن الشحن كل موانئ العالم و بترجع بالأخير لروسيا و اسرائيل أسلحتها حدث ولا حرج ...
|
لأنو اسرائيل عارفة تشتري مصلحتها و العرب لبخة.. هيك ببساطة, يعني العرب هنن المستثمر رقم 1 بالولايات المتحدة, لو بدهون يحكمو الدنيا كان حكمو... بس بدك ناس تفهم مو بطيخات بدولارات
اقتباس:
ليش ايران مع كل ذرة يورانيوم بتتخصب بتتعاقب بقرار جديد و اسرائيل عندها قنابل نووية من الستينات
ليش قرارات الأمم المتحدة اللي مفروضة على سوريا 1559 لازم تتنفذ بأسرع وقت و اسرائيل بتتمسخر عليها ليش ليشششش ؟؟!!!
|
لأنو ما حدا مشتري العرب بفرنك لأنو العرب مو مشترين حالهون بفرنك.... يعني العرب شغالين ع بعض و لو استخدمو نص.. مو كل .. نص نفوذهم الاقتصادي الموجود كان من زمان محلولة القضايا
بعدين حدا حكالك أنو أنا أمين عام الأمم المتحدة شي؟
اقتباس:
إنتو حكيكن يعني لازم نحارب الله أو نجيب عصا سحرية و نقلب العالم
بدك تقوى و قدامك أميريكا و الناتو و الأمم المتحدة ؟!
|
عمي حاج زت الحق عالغرب.... لما الفلسطيني يصفق و يكيف على موتة الفلسطيني التاني, و نص العرب مع الفلسطيني اللي بيصفق و النص التاني مع الفلسطيني اللي بيموت.... الحق عالغرب؟ بدك يجو يحاربو عنك؟ يدافعو عن قضيتك؟؟ اذا انت ما تقدر تدافع عن قضيتك لا تستنى غيرك يجي يدافع عنك
و بعدين ما قدامك أميركا و الناتو و الأمم المتحدة... قبل كل شي قدامك اللي ع أساس أخواتك بالقضية... خلي سوريا تجيب نووي (فرضا).. راح تنط السعودية و الاردن قبل اسرائيل حتى.. و أميركا راح تجي تدافع عن حلفائها, و نفس الشي بالنسبة لايران... معناتو الحق مو على اللي يجي يدافع عن حلفائو لأنو أولا و أخيرا عم يدافع عن مصلحتو... الحق على اللي استقوى فيهون.. مين فوت أميركا بالعراق غير اللي استقوى فيهون من 15 سنة ليفوتو "يحرروهون".. هاي سياسة ملوك الطوائف