 صارعين سمانا بشغلة حقوق الأنسان ؟ !!!
لأيمتى رح يضل بمنظورنا .. انو حقوق الإنسان .. قضية غربية  وأنو الغرب لازم يدافع عنها .. ولازم يتبناها ..
عمي نحنا منستهجن شي اعتداء على غيرنا ؟ منتعاطف مع غير قضايانا ؟ " منبكي على ضحايا .. غير ضحايانا "
حقوق الإنسان و " إن استخدمت كغطاء لكتير قصص تانية " من الأشيا اللي لازم كتير كتير نحترما  ..
العزلة اللي عاملينا حولنا .. نحنا شاركنا كتير بصناعتا ..
والتدخل اللي عم يتدخلوه الدول الغربية .. فينا .. نحنا " او قاداتنا وحكوماتنا بالمنطقة .. هية اللي عزمتن .. وهية اللي مصاحبتن .. " بوش قبل ضحايا غزة كان عم يدور بالبلدان العربية
نحنا من زمان ما عم نموت إلا بمنطق عربي ..وما عم نتحارب إلا من العرب .. انفسن
بدنا يساعدونا ببلاش ؟ ليش ؟ مقطوعين من شجرة ؟
هادا سياسة مانو نزاع سلمي بين بيتنا وبيت الجيران حول غسيل الدرج .. هادا صراع مصالح .. اقتصادية وسياسية
وحكومات .. بتصلي كل يوم المسا انو الله لا يحرمها من اميركا .. لتحافظ على سيطرتا .. على شعوبا
وتاني يوم الصبح .. بتلقي فينا خطبة .. عرمرمية عن الاستعمار والامبريالية ...
دود الخل منو .. وفيه .
ماني بصدد الدفاع عن الغرب .. بس كمان ما تعودت انو حل المشاكل بيبدا بإلقاء اللوم على الآخرين ..
وبس
|