اقتباس:
كاتب النص الأصلي : وهج البراءة
ماتت قلوب الناس....ماتت بينا النخوة....يمكن نسينا في يوم ان العرب اخوة....
هي من كلمات الضمير العربي
شو بتحس/ي من هالكلمة؟؟؟؟
هالكلمات ما بتزيدنا إلا ألم وحسرة ع كل شي....احنا مشاكلنا بحكامنا....بدنا ضمارهن تصحى شوي....أما الألم والحسرة فشي أكيد كل الناس بتحس فيه .....
قولكن العرب رح تصحي ضميرها يمكن هلأ لما بيسمعوا هالكلام رح تصحى ضمايرهن بس بعدين رح ينسوا ورح ينسوا كمان انو العرب أخوة....ويا للأسف في ناس باعوا عروبتهن وضميرهن على شو ما بعرف.....
هالحلم شي أكيد مستمر داخل كل عربي وبقول انو انا عربية وبفتخر بعروبتي وبفتخر أنو إلي أجداد عرب وحضارتي عربية .....والأجايل الجاية العربية....
هالضمير حرك فيني اشيا كتيرة....احنا كعرب شو عملنا لأخوانا بالاراضي المحتلة ولا شي بنتفجر عليهن وبنشوف كل يوم شهيد بكل مكان .... انو هالشيد عم بيدافع عن بلدو ما بده شي غير انو يكون ببلده وعايش بأمان وبين أهله وأحبابه بس شو طالع ابيده ما بيقدر يساوي شي ....
بس متل ما قلت بالبداية الضمير العربي غاب واحنا لازم نحس بالأمة العربية....ما بحكي غير الله يرحم الضمير العربي....
بتمنى لاقي ردود ع هالموضوع لأنو بجد ....ما بعرف بس انو احنا عرب ....
|
الضمير العربي,,, ان وجد
الضمير بشكل عام غايب,, وبدنا مين يصحّيه
هلأ انا انسان عربي,, قاعد عم دوّر على لقمة آكلها,, واديش بدي اصرف واديش فيني وفّر من الراتب
آخر شي بفكر فيه هوي القضية الفلسطينية,,
يعني شلون منئول نحنا (( انو القضية الفلسطينية ما رح تطعمينا خبز))
وقت منبطل نهتم بتامر شو لبس
وشو آخر افلامو ,, وشو آخر اغانيه
وقت منسمع مارسيل,, وحتى في اغلبنا بيسمع مارسيل,, على انو مارسيل صوتو حلو بس
وقت منفهم مارسيل,,
وهج ,, الشغلة ما بالحكام,, ما بعرف بس ما بحب حطّ اللوم عالحكام
لأنو شغلة اللوم عالحكام صايرة عادة ,, انو ازا شرطي ارتشا ,, بيكون الحق عالرئيس
فينا نلوم بعض الحكّام على اعترافهن باسرائيل
بس اكيد نحنا كشعب عربي ما منعترف باسرائيل
واكبر مثال على كل حكيي
مصر,,
مصر الاوضاع المعيشية صعبة بشكل ما طبيعي
يعني الواحد دوبو يدبر اكلو
وما بيهمو ازا رئيسو عمل معاهدة سلام ولّا عمل حرب مع اسرائيل
المهم يتجوز ويعيش حياتو,,
اقتباس:
انو هالشهيد عم بيدافع عن بلدو ما بده شي غير انو يكون ببلده وعايش بأمان وبين أهله وأحبابه بس شو طالع ابيده ما بيقدر يساوي شي ....
|
يا عيني عليكي,.,
هون منوضح انو نحنا مانّا عرب ,, نحنا سوريا,, لبنان,,, مصر,, فلسطين
هلأ هوي عم يدافع انو يكون ببلده وعايش بأمان,,
ونحني كمان عم ندور على هالشي
هوي بدوو يعيش بين اهله واحبابه
ونحني بدنا نعيش بين اهلنا واحبابنا
ما في شي اسمو الضمير العربي,,
في شي اسمو المصالح العربية
ميرسي عالطرح الحلو