[نيقولا]

هلق هاي اسباب السعادة عنا وماني عارف ؟؟؟
ضيفولي هالكام سبب على العشرة اللي مرقوا :
- سعيدين على قد ما رقصونا ودبكونا بكل انتخابات حتى انتخابات البلدية منرقص ومندبك من قبل بشهرين لبعد بشهرين
- الأفراح الوطنية ما في أكتر منها وما منلحق نخلص من عرس حتى نفوت بالحيط .. عفوا حتى نفوت بالتاني. ومين مبسوط قدنا ؟
- السرافيس الصغيرة الله يعطيه عافية يلي جابها قديش حلت أزمة تعداد السكان الآخذ بالإزدياد , لأنو بتقصف الأعمار بالجملة وبالتالي بيصير في توازن بعدد السكان وبتنحل الأزمات الإقتصادية معها !!!
- كيف ما التفتت شمال ويمين بتشوف أحدث السيارات وآخر الموديلات يلي بتعطي الصورة الحلوة عن البلد وبتخلي السائح الأوروبي يعرف بلدنا وشعبنا قديش مرفه وعايش بنعيم .. وما تقولو لحدا أنو هالسيارات كلها لكام واحد بيطلعوا 5 بالمية من السكان .. خلوها بيناتنا !
- أميركا تاركة العالم ولاحقة سوريا وحاطة دابها من دابنا , وهيدا بيدل على أنو سوريا من الأهمية الكبيرة لتكون دولة عظمى .. مو حيلاّ .. انتبهوا يا شباب
بقا اللي بيقدر يحكيلنا كمان ليش نحنا سعادين .. عفوا سعيدين يتفضل في كتير اسباب للسعادة مو متذكرها هلق .