[Syrian Gay]

matya

مية اهلا ، حقيقة اني ما كنت بدّي اجي..بس لمّا عرفتك انك بالمقلاية قلت ما معقول تمرق بدون ما اسألك..
وكالعادة بقول انّو اسئلتي يا عمتي قليلة يعني ما تخاف .. اسئلتي هي ::
فيكي ماتيا ..
بس شو هالاسئلة هدول إذا فهمت ربعون منيح


*بدايةً تعريف الزواج المضمون هو : انو في زلمة بيبعت اعلان انو بدّو يتزوج بنت مقابل مبلغ ما من مال او بيذكر انه هو غني وعندو خيرات الله من المصاري والفيللات و و و... وبدو بنت يتزوجها ورح يعيّشها عيشة رفاهية.
وانو اللي بدو يعطيه بنتو يحط صفاتها وهو بيختار ، بيقوموا في ناس بتبعت صفات بناتها بدون ما تعرف شي عن هالزلمة غير اعلانو.. بيقوم هالزلمة بتعجبوا صفات صبية ما...بيختارها..بيقوموا بيبعتوها اهلها لعنده مقابل مبلغ ما من المال او بدون استلام مبلغ انو بس بيكتفوا انه هو غني ورح يعيّشها برفاهية.. وهيك بتكون تزوجت البنت بالبريد..واسمو مضمون انو على اساس مضمونة حياة البنت مع رجل غني..وهكذا..

من هنا:::

1)شو رايك بـ (الزواج بالبريد المضمون)؟! غلط بغلط .. البنت مانها سلعة لبتباع وتشترى .. اوكي ما اختلفنا يعيشها حياة رفاهية طيب بس مو هالبنت عندا مشاعر ممكن تحب هالزلمة .. ممكن يكون اختلاف اعمار شاسع .. هيك ما بيتفقوا .. وبتعيش هي حياة جحيم .. وبتضل أداة جنسية بأيد زوجها .. ورح تحاول تخونو كمان إذا قدرت لأن هي مو بأختيارها قبلت فيه
أما إذا كانت البنت بتحب تظلم حالها أو أنها تخاف لا تكون عار على اهلها إذا ما ضاينت معو فـ تصطفل هي حرة

2)صف ذوي هذه العقلية(عقلية الزواج بالبريد المضمون)؟ عقلية استغلالية .. ما بيهمها مشاعر الاخرين بس بيهمها جيبها ..

3)حسب رايك ما هي تداعيات هذه الخطوة؟! شبعرفني

4)ما هي اسباب هذا التصرف؟!! النقص والحاجة للوصول

5)بالنسبة لتقمص شخصية الاخر .. برايك من اين ينبع ,.. من جهل..الخ..؟! من ضعف .. الضعيف هو يللي بتقمص شخصية الأخر

6)برأيك هل يستطيع القلب استيعاب اكثر من حب في نفس الوقت ؟ أيه فيه

7)هل يستطيع العقل استيعاب اكثر من حب في نفس الوقت؟هنا الحب بمعنى حُب الحبيب ... لاء

8 ) برايك : هل الحب الاول لا يـُـنتسى؟؟! برأيي بينتسى

9)الحب عبر الانترنت.. الى اي مدى تؤمن بـ وجود هذا الحب؟!! ما بحبو .. هللا التعارف اوكي .. بس بعدها يصير لقاء حقيقي .. ما بقدر ضاين ع انو حب حدا ع النت كتير .. بحس هالانسان مانو حقيقي كتير ع النت وما بيبنوا كل مشاعرو الحقيقة

10) ان تكونت علاقة عبر الانترنت وانتهت بالزواج...هل برايك سيستمر هذا الزواج ام ينتهي بالفشل؟!
ان كان جوابك نعم فـ لماذا.. وان كان لا.. ايضاً لماذا؟!! هللا اذا تعارف وبعدين حب ع النت + الواقع اوكي بينجح .. لأن هون تعرفوا ع بعض بشكل كافي .. وقدروا يتبادلوا المشاعر حقيقية بين بعض .. بس إذا كل شي كان عالنت بس فـ بعتقد ما بينجح .. لأن متل ما قلت سابقاً المشاعر بتكون مخدوعة عالنت .. بتتحرف بسهولة ..
11)لا فرق لديك اذا ما كان الزواج نتيجة حب انترنت او نتيجة حب على ارض الواقع اي انهما سواسية بالنسبة لك ام تخالف احدهما ؟!! اخالف هالشي .. الحب الواقعي هو الافضل اكيد

12) شو هو الزهد بمفهومك؟! مو تجي تقلي صفة حلوة ومنيحة والخ...
لانو انا ما طلبت توصفه..انا طلبت تعريفه بمفهومك..شو بتعرف عنه وعن معناه؟!
يعني في ناس بتفكّر انو هو بـ انك تاكل اكل بسيط وتلبس لباس بسيط وتتشحتف بس هيدا غلط..بقا انت شو بتعرف عنّو؟
واذا بدك شرح اكتر لـ هالسؤال انا مستعدة..
والله ما بعرف أو بالاحرى ما بيهمني يعني .. بالنسبة الي ماني كتير معو

13) بيعنيك الرد على الاحاديث الطائفية ام انك ما بتفضّل ترد وتناقش؟! وليش؟! ما برد .. لأن قديش ما حكينا هو هو .. امر صارلو مثات سنين عم يتناقش وما حدا قدر يقنع التاني .. نقاش لا نهائي

14) لمين بتقول من المنتدى او برا المنتدى الاقوال التالية،
(يعني كأنك بحوار مع شخص بتقوم بدك توصفه فبتقلو قول من هالاقوال) ::

أ- "وما خاطبتُ جاهلاً الا وغلبني". لشخص ما .. ما بيعرف يفكر ويحلل الامور بمخو ..

ب- " ولا خير في ودّ امرئ متملق حلو اللسان وقلبه يتلهبُ". مع احترامي للصفات التانية لأخواننا المصريين .. بس بقولها لكل مصري

جـ-"ولا خير في ودّ امرئ متلون اذا الريح مالت مال حيث تميلُ". لشي واحد عندو هالصفة
د-"سلامٌ على الدنيا اذا لم يكن بها صديقٌ صدوقٌ صادقُ العهدِ منصفا". لصديق مــا

15)كلمة توصف هؤلاء او توصف صوتهن او اغانيهن( كلمة واحدة فقط-مو تطحش بالوصف):

أ- فيروز. ذكريات
ب- اصالة. قنبلة موقوتة
ج-ميادة الحناوي. اغاني معتّة بس صوت رائع
د- ميادة بسيلس. صوت مخلوع
هـ- لينا شاماميان. ما كتير بعرفا

16)رأيك بـ هؤلاء ولو اضطريت انك تتعامل معهم شو بيكون موقفك وتصرفك اتجاههم ؟!!

ذوي المصالح: بسايرهون شوي وبعدين بحلقلون

ذوي الافكار السطحية والساذجة: بحاول عطول اتجنبهون .. عطول

ذوي الاقنعة والوجوهـ المتلونة ( بالعامية "اللعب على الحبلين"): اني جيب الطرف الاخر الملعوب عليه ونتواجه

امرئ حلو اللسان وقلبه يتلهب: ما بعطيه وش

الحاسد : حاول فرجيه انو الشغلة البدو ياها ماننا منيحة متل ما هو متصور
الحاقد : بتجنبهو بس إذا اضطريت اقعد معو فـ رح ضل دائماً بظهرلو الوجه الحسن بالشي الحاقد عليه

المنافق والكاذب والمخادع: ببعد عنو عالسريع

الغدّار: ما بعطيه كل شي .. ما بقولو عن كل شي .. واذا كنت واثق منو بحاول مكّن حالي لما يقدر يغدر فيني وانو إذا غدر فيني بيكون هو كمان تأذى من هالشي

الجهلة بمعنى انو بتناقشهم بتناقشهم وبتطلع انو عقولهم مقفلة يعني حق باطل ما رح يقتنعوا معك: بتمسخر ع النقطة الماسكين فيا

وقلي اذا صار وتعاملت معهم او مع بعضهم قلي مين ؟ ما فهمت شو يعني
واذا " عبالك " توصف احدى الصفات او كلها او بعضها لحدا من المنتدى فيك توصفه وقلنا لمين؟ واذا مو عبالك توصف انت حر لو حكيت رح اعمل مشاكل .. فخليني ساكت بكون كتير احسن


17)لمين بتقول من الاعضاء "اذا" بتقدر تقول ، يعني يمكن تخجل تقول لكن لو بتقدر لمين بتقول:

وقد سقط ما تبقى من ورقة توت لم يعد دونها شئ مستور، على مين بتحس انها بتنطبق: ع شخص شخصين بس ما بقول مين هني

وُلِدتَ فاشل وما زلت فاشل ورح تبقى فاشل: مافي حدا فاشل .. كل واحد بيقدر يبدع بطريقة او بأخرى

الكذب عندك صنعة: ههههه هاي بقا بقولها لحالي اول شي .. لأن انا بكذب كتير بس والله لأسباب طارئة .. يعني بكذب بشان اهرب من شي معين .. بس ما بكذب بشان أأذي حدا .. لأ ابداً

18 ) يـُـقال ان قوة المرء في كظم غيظه لا بـ ان يرد بالمثل ومن هنا :::

أ)هل انت ممّن يكظمون غيظهم أَم ممّن يجيبون بالمثل ؟؟؟! لا ما كتير برد .. عادة بضلني مسالم مرحلة معينة وبعدين بشتى بكافة السبل أني رد بالمتل

ب)اذا كنت من كاظمي الغيظ الى اي مدى تستطيع كظم غيظك ؟؟؟! ما كتير كتير .. لأن ما بفضل هالشي

تعبتيني ولو .. صعبين