[Syrian Gay]

Raw

1. لو حطيناك مع محمد ابراهيم بغرفة وحدة و سكرنا الباب عليكون شو بتعمل ؟؟
شو هالسؤال .. عصني قلبي عليه ..
ما رح اسمحلك تسكر الباب علي قبل ما تعطيني سكينة حادّة ..
لأن رح اجرحوا بعدد الجرحات يللي جرحني فيون .. وبعدين بقص وريدي الرئيسي عند الرقبة وبموت مرتاح .. الموت اهين بيكون من القعدة معو

2. شئد وزن اللاب توب تبعك ؟
3 كيلوات ونص هيك شي

3. عم تعمل رياضة كلّ يوم ولا لأ ؟
بعد الانقطاع الطويل .. عملت من فترة صغيرة وبطّلت .. بس هللا رح ارجع وبقوة

4. اشتريت لاب توب جديد و لا لأ ؟
لا لسى .. بس ليش عم تسأل ؟!
ما رح بيعك القديم ولا رح اهديك ياه .. رح اتركوا لأن ميزاتو خيلاوية .. رح اتركوا هادا مكتبي والجديد استعملو عالروحة والجاية ..

5. ليه لمّا الواحد بدئلك ما بتردّ؟ يعني و الله فهمنا إنّو مشترك بخدمة عالرنة بغنيلك!
لأن اكره ما عندي الموبايل .. بستعملو نادراً للضرورة بس .. ولمّا سافر ..
لأن بحس الموبايل مزعج كتير .. بيتدخل دائماً بالاوقات يللي ما بدي حدا يكون موجود ..
تصور انت بلقاء عاطفي ومبسوط ومافي منك وبيدقلك حضرة الوالد او الوالدة ويقولك قوم تعا بدنا ياك .. اي مو بس رح تكره الموبايل .. رح تسب يللي اخترع شي اسمو موبايل
فـ الموبايل دائماً صامت ومزتوت .. ولما بطلع بنساه أو بالاحرى بتناساه ..
وحاطط رنة بغنية بشان ما ملل المتصل فيني وخليه يسمع أغاني لأن لما بشوف متصلين فيني كتير .. بنبسط