القانون هو عماد الدولة
ويجب أن لا يستعملوه كالمطاطة
لاحظ هناك علاقة تناسبية كبيرة بين تنفيذ القوانين
ودرجة اللحمة الوطنية بكل أمانة عبحكي لأنه بحب بلدي
وقت بتلاقي قضايا صلى 15 سنة ولسا عبتداول بتلاقي الداعي والمدعي عليه صارو رجليهم قصب
وكل واحد يا أما صار أسمه كركر والتاني فرفر
الموضوع بالاساس موضوع قانون
بعطيك مثال حي ولايف
بيجي موظف لعندي مسؤول عن دفع الضرائب للنظافة
بيسحب كرسي وبيكعمز وبيطلع على المحل ببيشقشلو من فوق لتحت
بيقول هذا صاحب المحل بدي أشق راسه
بيجي بقا بيقلي أنت مساحة محلك غير ألي مكتوب في الصحيفة عنا والارمة ماو مدفوع عليها 15 سنة
والأعلان بده دفع و ال وال وال + كلمتين عن الشرف والأخلاق وريحة الجرابات
طيب سؤال فني أنا العبد الله الدرويش المنتوف لمين بدي أشتكي ماهو القاضي والمدعي
معناتا الشغلة شغلة قانون ومافي بعدا كلمة ولكن قانون فقط يعني
كلياتنا تحت القانون وما لازم يكون في
خيار وفقوس ورشاد وراس قرنبيط
هي مشكلة من المشاكل
ما بدي أفضي خرجي وأطالعلك مشاكل الدنيا كلها من جورة الهم
تقبل تحياتي
(إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآَخِرَةِ وَاللهُ يَعْلَمُ وَأَنْتُمْ لاَ تَعْلَمُونَ) [النور:19]