[ملكة الغرام]

كاتب النص الأصلي : Ghiath

يعني ما بعرف الواحد شو لازم يحكي شي فعلاً بيعصب ...
لأنو ما شاء الله كل ما بتجي سيرة مرض الإيدز و خصوصاً عنا نحنا العرب ما بيروح فكرنا إلا لعند الجنس ...
و كأنو ما بينتقل غير بهالطريقة ... و هادا و إن دل على شيء فهوي بدل على قلة الوعي الموجود عنا..
في عدة طرق لحتى ينتقل هيك مرض و خصوصاً ببلدان فقيرة متل دول إفريقيا أو غيرها حيث العناية الصحية قليلة و ببعض الأماكن غير موجودة و منها عن طريق استعمال الحقنة نفسها من أكتر من شخص و هاي بتصير أكتر الأحيان مع متعاطي المخدرات بس ببعض البلدان الفقيرة و ممكن بسبب الاهمال الموجود هنيك استخدام الحقنة الطبية نفسها مع أكتر من شخص و من الطرق الأخرى هي التبرع بالدم و أكتر الأحيان بيكون الدم المنقول غير مفحوص إذا فيه إيدز ولا لاء
و في أسباب أخرى ما بعرفها كلها... بس الهدف من الحكي إنو ما نقول عن هيك مرضى إنون بيستاهلو و يلي من إيدو الله يزيدو لأنو هادا دليل جهل و بعدين بالنسبة لمريض الإيدز ممكن ما يعرف حالو إنو حامل للفيروس أحياناً لبعد فترة طويلة ممكن توصل لعدة سنوات ... و بالتالي هادا الشخص يلي عم تحكو عليه ممكن كمان ما يكون عرفان حالو إنو حامل للفيروس...
بتمنى إني كون حكيت شي مفيد ... و بعدين بتمنى إذا في دكاترة بالمنتدى يشرحولنا أكتر عن المرض و يعطوا الأسباب الممكن تأدي إلو ... و مشكورين سلف ..
.
.
.
و دمتـــ ـــم