اقتباس:
كاتب النص الأصلي : معلم شاورما
روح اسال عصاحب المكتب قبل ما تعلق..قصص النصب مالها نهاية مو بس بعقود العمل..واي مرشح بيحصل على عقد عمل بيقدر يتأكد من قانونية العقد قبل مايسافر ويتورط..
واللي مو قد هالفوتات وبينضحك عليه بيستاهل..
مع احترامي لحضرتك..ولصاحبك كمان
|
عم تحكي كأن السعودية دولة عم تطبق القانون الدولي بحذافيره!
يااستاذ هون الكفيل هو الدولة ...هو بيحطلك خروج نهائي ايمتا مابدوا .. هو بيعطيك خطاب مشان تفتح حساب بالبنك .. هو بيعطيك خطاب مشان تطلع رخصة قيادة هو بيحطلك خروج وعودة ... الخ
ياحبيب هون بيحطوك بالامر الواقع ... يعني بعد ماتضحك المكاتب اللي بسوريا عالمواطن السوري((الهدف هو العمولة)) وبدفع تقريباً شي 200 الف حق الفيزا هاد من عدا الدفع اللي بدوا يدفعوا بالسعودية كمان لمن يصل مشان اجراءت الاقامة ونقل الكفالة لأول مرة ودفتر الاقامة والفحص الطبي شي 30000 ليرة تقريباً ,, بيتفاجأ بأن الكفيل مالتزم بالعقد ,, واذا راح اشتكى لمكتب العمل هو راح يتبهدل اكتر من الكفيل والكفيل راح يحطله خروج نهائي ((
ملاحظة : الكفيل اللي بيستقدم هذا الشخص بيحقله يسفره نهائي بدون اي مبرر)) وبهالحالة المواطن السوري اكل هوا لأن خسر مبلغ كبير فوق البهدلة والشرشحة
الخلاصة في خيارين :
1- أما ان ترضى بالامر الواقع وتسلم أمرك لله
2- أو انك ترجع لبلدك طبعاً بدك ماتكون خسرت اللي فوقك وتحتك ... وفي بعض الناس المعترة بتكون خسرت شقا عمرها لأن حق الفيزا بس وصل لل 250 الف ليرة بالوقت الحالي ... هاد من عدا الدفعات التانية
انصح اي شخص بيفكر يجي عالسعودية انه يجي بفيزا مستثمر اجنبي لأنه لايوجد كفيل سعودي بتلك الفيزا
ملاحظة : هاي الفيزا بتكلف 500 الف ليرة سوري
يا ايها الرجلُ المعلمُ غيرهِ..............هلا لنفسكَ كانَ ذا التعليمُ