[handsome]

GOVERMENT

يلا حج وسيم بدنا رأيك بكم شغلة صغيرة كتير كتير ..
اهلين بالحج حسن والله
رأيك بهالاعضاء
اي من عيونوي

Gazita
بنت كتير طيوبة وحبابة .. قليل لحتى الواحد يشوفة متدايقة .. وبتعرفي تحكي كتير منيح باللهجة الشامية ( او عالقليلة تكتب!! )
Reemi
عفريتة جبلة مافي منا .. ردودة كتير ظريفي .. ومشرفة كتير مرتبة .. وبالحياة العادية شكلة مثابرة .. خلصت دراسة بسرعة وهلق عما تشتغل .. يعني متل الزدبية الصينية منين ما نقرتة بترن
marioma alghzayala
احلى صوت بالاخوية ... وادبك وحدة بشوفة بحياتي .. وفي عندا كل نقف الدين مصطلح بيخلو الواحد يفرط بأرضو من الضحك
hanny dagher
هاني شب الاكابر كتير .. ما لقيت حدي لهلق اسا ما بيحبو .. انا كمان كتير بحبو لهالولد ... الله يوفقو .. وبركي اذا زبطت نزلتو عسوريا السني منعملنا شي قعدة سوا... ونتعرف عبعض شخصيا .. شيخ الشباب والله
Willi
جاد الواحد بس يحطو عتخويت وتقفيل .. حمصي أوح وفخر لكل الحماصنة .. مشكلتو الوحيدة انو ما عما يقتنع انو مافي مقارنة بين الحمدية ( فوق فوق ) والانشاحات ( تحت تحت ) كتير بحب اتعرف على هالولد .. هوي عنجد ولد .. بس كبير كتير
layla
بنت العم الغائبة المشغولة .. بعرف انا كتير حبابة .. وشغيلة كتير ... بس متل السلم العام تبع التطور بالاخوية .. بس الواحد يصير بمناصب مرموقة بيبطل من مستوى يكتب بالمواضيع العادية .. وبينقي شي موضوعين تلاتي وبيصير يكتب عطول فيون ...
sezar
كمان من شلة المناصب العالية بالاخوية .. ما بيكتب غير من السنة للسنة مرة .. مع انو ردودو عطول بتنقرا وبتنشرب مع المي العكرة .. عندو مواهب كتير حلوي .. وشغلو مرتب كتير
sweetbaby
احلى بنت عم والله .. الواحد اد ما كان عندو ولاد عموم .. بس مستحيل يكون في متل ريتا .. كتير مهضومة ولذيذة .. خطي عما تدور عحدي يعبي غرورة .. مع انو غرورة كتير كبير!! ... ما بعرف ليش عندي شعور انو اخرتة رح تجي طب ؟! .. الا ما نشوف بعضنا بسوريا بالصيف
الحاج متولي
حج الاخوية ... وسفيرنا بالصين .. تعليقاتو كتير حلوي .. في عندو افكار بحسبة بتجنن .. وبنفس الوقت افكار بحسة بتجنن ( بس للجهة التاني )
maged-syrian
المغترب المعزب على اراضي المملكة ... بحسو عايش بالسعودية وكرهانة على قد حبات الرمل الي فيا .. في عندو ردود حلوين وبيسلو .. وافكارو بتعجبني اغلبية الاوقات
butterfly
ما بعرف شو لازم الواحد يحكي عن فراشة الاخوية .. بنت بتجنن ... بس امنيتي اعرف شلون بتزبط وقتة وبتلحق عكلشي بالحياة ... وين ما الواحد طلبة بيلاقية .. وبعتقد هي من القلال كتير الي قدمو للاخوية هالقد . مع انا بتتخوت كتير ... وما بتستنى حدي ليتشكرة .. بس بنت كتير حساسة وطيوبة وكتير سهل حدي يجرحة ..
وشم الجمال
للحقيقة وشم الجمال ما كنت اعرف عنا شي قبل هاي المقلاية ... بس عنجد يعني الواحد يقول الحقيقة ... بنت كتير مرتبة ... وافكارة بتجنن .. طريقة نقاشة كتير حلوي .. واسألتة مقتناة بزكاء .. بس بينقصون الترتيب شوي حسب الموضوع ..
Syrian__Angel
بالعادة ما كتير سهل حدي يخليني غير رأي بشي شغلة .. بس هي خلتني ( بطريقة مباشرة او غير مباشرة ما بعرف ) اني غير توقيعي ... كنت كتير بحبو .ولهلق اساتني كتير بفتخر فيه .. بس قدرت تخليني حس اني عامل شي غلط اني كاتبو بتوقيعي ... غير انو ما لقت شي تسألني اياه غير انو ليش انا حمار بالعربي؟؟.. كتير بحب طريقة نقاشة
أبو شريك,
بتزكر هيك اسم . بس هلق ماني متزكر مين كان صاحبو
Hashtnasht
اب نهلة الاله التقفيل بلا منازع .. الله لا يوقع حدي بايدي .. فينو من اشي شغلة انت بتقولة يطلعك شي قصة ويستلمك فيا ... افكارو بالحياة كتير منطقية .. ومن اهم امثالو الشعبية الرائجة .. " بلا حب بلا طبيخ .. لولا المصالح ما كان حياك انسان " .. شو ما الواحد حكا عن حشت نشت بيضل قليل
ASH
اش دخل عالاخوية بقوة كتير .. هاي الشغلة الي انا ما قدرت اتحملة كتير .. لانو بشكل عام ما كتير بحب العالم الي بيكتبو بكل محل .. بس للحقيقة مع الوقت بلشو مشاركاتو تتحول من العدد للنوعية ... شب راصو مفتوح ..و بيتاخد وبينعطا معو ... بس كمان انا متل ما قال ياس سابقا ما كتير بحبز فكر وضعو لصورة الشخصية بملف الاخوية .. بس مع هيك هي حرية شخصية انا ما دخلني فيا ..
ٍٍٍSyrian Gay
رامي كمان دخل الاخوية بالعرض . بس دخل مشان يفرض حالو .. دخل وعرفان شو رح يصير بدخلتو .. بس مع هيك ما تراجع .. انا بتعجبني في اصاروا عالشي الي بدو اياه .. وطريقة حكيو كتير حلوي .. بيعرف انو كتير صعب المجتمع تبعنا يتقبلو .. بس بيعرف كمان انو بحياتو ما هالرب هوي الحل .. رامي شغلة .. وقلبو طيب كتير ... يا ريت لو الي بيكرهو يتعلمو منو شوي
Fares
عحكيكي ميمو قال فارس قريان اكتر منا!!! ما بعرف شلون معقول يكون شخص قريان هالقد ؟؟ ما كتير بعرف عنو شغلات .. ردودوا كتير قليلي.. وغالبا بتكون باقسام انا بتحسس من الغبرة تبعيتة.. ساكن بعيد من مدينتي شي 70 كيلو .. بس ما بعرف اذا رح تجي الفرصة وشوفو شي مرة ..
Geeny
جيني ؟ سمعان فيا قبل بمرة, بس وين ؟؟؟ هاي البنت ما طبيعية بنوب ... ما بعتقد انو في كتير عالم بيعرفو مزبوط... بس عنجد ما طبيعية شو حبابا وما طبيعي شو بحبا . كتير بانبسط لما بكون عما احكي معا .. الله يكون معا يا رب
yass
كبير الاخوية بلا منازع ( ما بعمر ) افكارو اكتر من رائعة .. طريقة طرحو لافكارو كمان ما طبيعية... بينطقي كليماتو بعناي فائقة ... ما بعرف .. شغلة ما طبيعية ياسين
كهربجي
ما كتبر بعرف عنو شغلات .. بس بيحب التصوير ... وكان كهربجي ... شغلتين كتير بحبون... بس اكتر من هيك ما بعرف ... افكارو بالمنبر اوقات بتكون حلوي .. وطريقة نقاشو ما اشبا شي
راديا
ما عندي اي فكرة
SABE
صعيد ... ما حلو الواحد يحكي عن اخو بالعاطل ما ؟؟ متل متل كل البقين اصحاب المناصب .. ما بعرف ما عما ققدر ققرالو غير .. تم التفعيل ... تم التغير ... اهلا وسهلة .... ما عما ققدر شكل فكرا عنو .. بس مشاركاتو القديمة كتير حلوي ... خربشاتو بتجن .. مقصر بحق الاخوية بنظري ... .... بالنسبة للواقع مافي منو .. صعب الواحد يلاقي اخ ورفيق اعز من هيك على قلبو... مشكلتو اخر 25 سنة كان طايش شوي ... عما فكر حطلو سكرتيرة .. مشان صير اخد منا موعد ايمت بيكون فاضي مشان احكي معو !!!
HUS
حكيم الكل .. متل كل اصحاب المناصب .. لولا ما كنت بكون بالمقلاي هلق ... ما عما ققدر اتخيل اديش مساوي شغلات بحياتو ... وبس يشتغل شغلة بيساوية عالاصول وهاي الشغلة بتخليني احترم كل العالم الي هيك .. مقصر كمان بحق الاخوية .. غير هيك فخر للحماصنة
Barleb
كتير عالم بيقولو عن حالون حشاشين ... بس هادا واحد من القلال الي بالاخوية الي بعترف انو حشاش اصلي .. علي سحبات ما طبيعية كمان.. بس شكلو مشغول شوي باخر فترة
باشق مجروح
هوي والتقرير الجوال ماني عما ققدر لاقي فرق بيناتون ؟ بحسون متل الروسية ... كل الوقت خناق مع بعضون ..
the light
شب مرتب كتير .. وشغيل .. وطموح .. محترم كتير كمان ... ما بعرف ليش بيخافو منو العالم؟؟ بس كتير بحبو ..
سرسورة
ما كتير بعرفة منيح ... بعرف انا دكتورة وبالشام .. ودايرة بالة عالسقيفة ...
محمد ابراهيم
هادا الشب بيغيب بغيب وبيرجع متل ما كان .. افكارو وطريقة نقاشو بتعجبني ... بيحكي اوقات مع الاشراف كانو عضو صرلو يومين هون وما بيعرف الطنجرة وغطاها ... بس شب كتير مرتب ومحترم حالو كتير
GOVERMENT
حسون شغلة ما طبيعية بالاخوية .... الكل بيعرفو وبيحبو .. اساتو صغير شوي .. وبيبين عليه اوقات انو صغير .. بس مع هيك بحبو لهالولد ..
صياد الطيور
كمان من اخواتنا المتغربين بالسعودية ... مزوق بيحب اب وديع .. بتزكر انو كان ايامات زمان من رواد المنبر الفزين ... بتزكر انو كان يحكي بطريقة حلوي .. بس هلق صار عندو شي اهم من الاخوية .. ايامو .. وعقبال الجميع
اسير التشرد
بحسو شب مرتب .. اوقات بيصير غريب شوي .. او كتير .. بس بشكل عام كتير مرتب وخدوم العادي .. ما بعرفو كتير بس مع هيك بعزو
phoenixbird
طارق شب مرتب العادي .. نقاشو حلو كتير .. حتى لو كنت معارضو .. بيضل عما يحكي بطريقة حلوي .. شب بحترمو
the morrning
ما بعرف ليش بتكرهني هالقد وزتتني هالزتي .. بس انا شخصيا كتير بحترمة .. ما كتير صحبة انا والاداب .. بس مسرحيتة كتير حبيتة .. يا ريت لو بتكفية ... بحسا بتحب كل العالم .. وما بتعرف شي اسمو كره .. كلمة صباح الخير منا ايامات زمان كان الة نكهة كتير مميز
COSTA
كتير غريب هالشب .. اوقات بيعجبني كتير واوقات ما بيعجبني بنوب .. بشكل عام عندو ردود كتير جريئة ... وحكيو حلو
handsome
كل ما بيفكر بانو بال 45 يوم الجاين عندو 6 فحوصة .. بيصير معو حالة من الشغلات الي ما بتنوصف .. وبتتكمل هاي الشغلات لما بيتزكر انو قاعد بالمقلاي وعما يروح ساعات عالرد عأسألة حسن الي بتساعد عالانتحار ..
abosleman
كتير بحسو شب مرتب .. وردودو كتير حلوي وبتنهضم بسلاسة .. حلوين نقاشاتو
LiOnHeArT (سابقا)
ما بعرفو
betty_palestine
بنت صغيري ما بيصير الواحد يحكي علية ... بس مع هيك بحسة شرسة اوقات
yamen_h
شب مرتب وطموح .. ومعدو كتير صحبة مع الاخوية .. بس بعرف انو موسيقي ناجح .. الله يوفقو بدراستو . وبمستقبلو
BL@CK
شب ما طبيعي شو بيعجبني ... كل ما كون عما ققرا شي موضوع وبدي رد عليه .. بلاقي بلاك سابقني ورادد بنفس الرد الي كنت بدي اكتبو .. طريقتو بالسخرية عالعالم كتير بتعجبني .. ولعيب بوكر عاساس .. كتير من افكارو بتنطبق عافكاري .. شغلة ما طبيعية بلاك
MadMax
سمايلي الاخضر تبعو صار اشهر من النار عالعلم ... علي كل سحبة ما طبيعية ... وباي موضوع عادي بيطلع شي نقطة وبيسحب علية شي سحبة وبيحط سمايلي الاخضر تبعو ... بيكفي انو بحب زياد الرحباني لحتى الواحد يعرف اديشو مزوق .. سامرة نهفة من نهفات الاخوية
وائل76
سياسي فز .. ما كل افكارو بتنطبق عافكاري .. بس طريقة نقاشو بتعجبني ... الله يكون بعونو
مسطول ع طول
ما كتير بعرفو
شامي من طوكيو
كمان ما كتير بعرفو
أمرأة من ورق
بنت كتير راكزة ... الواحد بيحس من حكيا انا فهمانة وردودة كتير حلوة .. صرلة زمان معد بينت
Roaa
رؤى كتير لزيزي ومهضومة ... وبتضحك كتير .. كل ما شوف اسمة بحس انو كتب شي بيضحك وطالع من القلب .. كتير بحب حكياتة .. وبتضل دلوعتنا كلنا
مايا*
ما بعرف عنا كتير
لبندا
كمان ما كتير
fofo besset syria
من بعد المقلاي عرفت انا مدعومة من قبل ريمي .. فأكيد رح تكون شي مرتب متل ريمي... اجوبتة عطول بتكون كتير ظريفة .. اسا ما كتير بعرفة
Abu Guzef
شب لذيذ .. الواحد بيحسو عندو كتير طاقات عما يفرغة هون وهون ... مهضوم كتير كمان ... ومحترم
الموسيقار,
ما كتير بعرفو .. بس بعتقد انو شب مثقف ومرتب كتير
فاوست
ما بحب طريقة تهجمو .. فينو يوصل افكارو بطريقة افضل .. بس مع هيك بيعجبوني افكارو اوقات
ظل جيفارا
شب مرتب .. كمان ما كتير بعرفو .. بس مبين عليه حباب كتير ومرتب ..
ملاك السعودية
من اسما في شي كتير بحبو .. وشي كتير بكرهو .. بس الكره غالب
محمد السعودي
ما بعرفو ..
التقرير الجوال
في كام مرة قريتلو ردود حلوة كتير .. بحسو شب فهمان , وبيتقبل الغير .. منحاز لجهة بوضوح .. بس مانو متعصب .. كان عندو مشكلة بالميزان .. ب عالاغلب انحلت!
secular سابقا
ما بعرفو
Nirvana
حشاشة الاخوية الاولة بعد كريم . بنت الواحد بيحسة عند مزيع رائع بين الجدية والمزح .. وقت الجد بتناقش بطريقة بتجنن .. ووقت المزح بتمزح مع الكل .. شتقنالة كتير
Raw
عالم الاخوية .. ما كتير بعرف افكارو بالحياة بشكل عام .. بس عندو اتطالع كبير بمجال العلوم .. وطريقة شرحو حلوي كتير .. بتوقعلو مستقبل ناجح بالتعليم
طفوله
ما كتير بعرفة
Marwa
كتير بحسة مهضومة ولذيذة .. طريقة حكيا حلوي .. وثقافتة ما اشبا شي .. ومحاورة فزة .. وبتسكت عالظلم
يمان
حباب كتير هالشب .. بحسو كتير طيوب.. خطيتو عما يشتاق لسوريا بس يكون بالاردن شكلو .. بحسوكتير محترم هالشب
was616im
دكتورنا ببولندا .. يا خطيتو .. شو كان بدو بوجعة هالراص تبعيت الطب ما بعرف .. بس مع هيك عما يمشي الحالو شكلو .. عما يحس حالو مغترب شوي .. بس اكيد الصبايا ببولندا بيخلو الواحد يغير شكل شوي .. وطول مافي فودكا بيكون في رواق
وماتيا
عمتو ماتيا ما حاكي معا قبل مبارح .. بس شكلة كتير حبابة .. كانت عما تبهدلني .. وضحتلة فكرتي .. اقتنعت .. عجبتني ردة فعلة .. حكياتا كتير حلوات ... ولهجتة لبنانية.. هي لبنانية شي؟
Sandra
ما كتير بعرفة
cuty
كمان ما كتير




هي احلى للكل ... وحلى لمورنينغ وحسن يعني مونينغ وحسن بياخدو وردو ومطرقة سوا .. شايفين الجخ

بالوقت الي جاوبت فيه عهدول الاسماء .. كان فيني جاوب عتلت ارباع اسألة المقلاي