[اممي]

كاتب النص الأصلي : ظل جيفارا

مرحبا شباب والله قصة غريبة جدا فيكن تقولوا انو إلهام من سعدو فيكن تقولوا لإني مطوق بالحب صرت نبي
بس شوفوا شو صار معي ..

وانا نايم اليوم او بالاحرى بهيدي الليلة الممتدة من ما بعد منتصف الليل تبع مبارح لحتى صباح اليوم حلمت حلم صغير كتير شوفوا شو الحلم
الحلم كان انو انا فقت من النوم طبعا متل العادة حملت المنشفة ورايح على الحمام مشان اتحمم وانا لسا عم فكر سكر باب الحمام بيرن موبايلي بتفرج بالرقم بغرابة كوني لساتني نعسان بيطلع رفيقي وانا كاتب اسمه rami the boy خلاصته بيحكي معي رامي برد عليه _ هيدا كله بالحلم _ برد بقله الو بيقلي بسرعة كم مادة بدك لحتى تترفع بجاوب انا ببلادة بدي مادة بربك بهالوقت عم تحكي مشان تسألني هيك سؤال
بقلي اي قول لحالك مبروك طلعلك تلات مواد شلت منهن مادتين وهون خلص الحلم


لما فقت اليوم الصبح متل عادتي اليومية حملت المنشفة فايت على الحمام مشان اتحمم بيدق التلفون بيطلع رامي بيني كم مادة بدك لتترفع وبيتكرر الحلم تماما بكل حرف من حروفه ...
معقول انا صرت نبي كيف حلمت شغلة وفقت الصبح صار معي تماما بكل حرفيتها
وحتى بالمعدلات يعني رامي عطاني بالحلم معدلات طلعت نفسا اللي حصلت عليها بالحقيقة .." ما حدا يقلي قديش علاماتك "
خلاصته ما رح قول لحدا اي سنة مشان ما تشمتوا فيني بس خلاصته اني بعد عناء دام طويلا جــدا انتقلت من سنة لسنة وهانت قربت اتخرج من الجامعة
باركولي اترفعت بعد عناء طويل جدا ...
تحياتي الحارة
ظل جيفارا

قبل كلشي مبروك رفيق وانشالله التخرج
وما نبي ولا شي يعني هي بيفسروها ان الدم كان طالع من الشق اليمين للشمال بالمخ شيتك قام اتخر شو شي باجزاء الثانية وبالتالي حسيت حالك حضران هالمقلب قبل
يعني كيميا رفيق ...