اقتباس:
كاتب النص الأصلي : أسير التشرد
احـم..
يا سادة..
انا شايف هون النابل فايت بالحابل والحابل ما بدو يفوت بالنابل..
جماعة من المسلمين عم يقولوا الاسلام دين حق ودين الله الاوحد.. وجماعة بتقول من بعد المسيحية لا جعل الله دينا..فالمسيحية خلاص ودين الله الاوحد..
وطائفة نازلة بطائفة تانية من جماعة الاسلام..والتانية نازلة بالاولى..!!
من بين كل هالمعمعات...لو اجى هندوسي الدين وقال يا قوم..(لاحظ جملة يا قوم..!!) انا قررت اني آمن برب واحد..فهل رح لاقي عندكم اجابة..؟
اكيد رح يشوف عرضين كبار..العرض الاول من جماعة الاسلام..والعرض التاني من جماعة المسيحية...
وطلع هالزلمة حقاني كتير..قام فض العروض ودرس العرضين ع مهل وبكل تأني..وقرر انو يتخذ طريق واحد ونهج واحد..بس بتعرفوا بالنهاية شو اخد..؟
يا حلوين.. اخد طريقتو الهندوسية..بكل مساؤى هالديانة اللي هو شافها بحياتو..
السؤال ليش..؟
لانو ما قدر يوصل لا للاسلام الصحيح ولا للمسيحية الصحيحة...ازا بكل دين في كذا طائفة وكل طائفة عم تشتغل ضد الطائفة التانية.. لهيك قرر هالزلمة انو يبقى ع دينو..ويموت ع علتو..
قصة ع الماشي..(قصة مالها كتير بالموضوع..بس ذكرني بالتعصب الديني الاعمى الاخرق والاجوف..)
المقدمة..ما بتذكر ازا حكيت هالقصة من قبل ام لا... المهم ببعض الاحيان الاعادة بتفيد من باب المثال..
مرة من المرات احتجت شي لوزام مكتبية..وطلعت ع الحلبوني..كون طلبي رح لاقيه هنيك..وهالشي كان بعد احداث 11 سبتمبر بفترة.. دخلت ع مكتبة وسالت صاحب المكتبة عن حاجتي وقال ع عيني تفضل..ومن خلال الحديث هيك وهيك والحكي بجر الحكي..حكينا عن بن لادن...وبذكر هالاسم قام الزلمة كبر وهلل..وقال صعد إلى السماء...
قلتلو مين هاد اللي صعد ع السما..!!؟ جاوبني وبثقة بن لادن..صعد إلى السما..!!؟
فدخلنا بناقش طويل..ما لقيت منو غير التمسك بهاد اليقين..قال شو ما عمل الامريكان بجبال تورا بورا..هالزلمة صعد وخلص وهلأ هو مع الانبياء والصالحين..ونيالو ع هيك طلعة..
سألتو انو ممكن نحن بهيك عصر...تحصل هيك معجزات.. قال طبعاً زلمة محب للبشرية وبدو ينشر السلام بكافة ارجاء المعمورة..كيف ما يكون عندو مدد غيبي(لاحظ ع تصريحو..عم يقول مدد غيبي..)..
من ناحيتي قمت شرحتلو انو هالزلمة قاتل..قتل الالاف الاشخاص اللي مالهم ذنب...
جاوبني بكل بردة اعصاب...نهج هالطريق بدو تضحيات من قبل الابراء..
سكتت ولميت حالي..وطلعت وانا عم حك شعري..واول شي عملتو بعد طلعتي من المحل..اني اشريت شندويشة شاروما..
يا هلا..
__________________
صحيح ع الهامش.. التاريخ الاسلامي بشكل عام..بكرر بشكل عام..تاريخ دموي..ع نقيض ما عم ينذاع هون وهنيك..
|
سكت دهرا و نطق كفرا....
يعني هذا رأيك , مثل ما أنا بشوف أنك إنسان يطلق الكلام جزافا, وإنطلاقا من مرجعية معينة و غير محايدة رغم ما تحاول إظهاره من موضوعية و حياد وهذا رأيي.....
ثانيا لا أرى أية طاءفة نازلة في الثانية, الكلام هنا بين ثلاث ديانات: الإسلام و المسيحية و الرافضة.
سئل أعرابي كيف عرفت ربك فقال البعرة تدل علي البعير والأثر يدل عل المسير فبحار ذات أمواج وارض ذات فجاج وسماء ذات أبراج الا يدل ذلك علي اللطيف الخبير......
http://www.dhr12.com
http://www.youtube.com/watch?v=LsPTBKsrygw
|