ABU WILLIAM
شو الجنسية يلي بتتمنى تحصل عليها
بتمنى احصل عجواز سفر سوري بقدر روح فيه عكل بلدان العالم بدون ما روح عالسفارة قبل بسنة... غير هيك ما عندي امنية اني احصل عغير جنسية بنوب
تعليق على كم شغلة
الإلحاد
طريقة تفكير ما بتتفق مع الله, بالنسبة لكل ملحد صح وبالنسبة لكل مؤمن غلط ... بس الغلط الاكبر بيكون لما كل واحد ما بيعترف بالتاني
الطائفية
وقت مجموعة من العالم ما بتلاقي سبب لتبلش مشاكل مشانو.. فبيكون اسهل الشي القناعة العمياء عند كتير عالم .. وخاصة لما بتكون قناعة وإيمان محطوطين بقلب خزنة من الرصاص... للاسف هيك بيصير باي شي بينفهم غلط.. وبينمسك من رجلو
العنصرية
نفس الطائفية بس بغير اسم .. غباء ناخد فكرة اولية عن شخص بسبب لون بشرتو او طريقة تفكيرو او .....
المثلية الجنسية
طول ما الشخصين مبسوطين بالشغلة فأيامون ... ما عندي اي مشكلة مع شخص عندو رفيق من نفس جنسو .. المهم تيناتون يكونو مبسوطين وما عما يدايقو غيرون
نظرية داروين
نظرية انحطت .. وتم اثبات غلطة .. بس لهلق بحس انو منطقية اكتر بالف مرة من قصة السبع تيام
الحرية السياسية ولا المال
ليش ما بيمشي الحال التنين ؟ بس يكون في حرية سياسية فينو الواحد يساوي الي بدو اياه ويقدر يساوي مال بجهدو .. وبس الواحد يكون معو مال بيكون فينو يأثر عالسياسة بطريقة او بأخرة فبتصير السياسة بتطبق عحريتو ....
بس بشكل عام بفضل الحرية
بمحل مين بتحب تكون
محلي عاجبني كتير , اجباري غيرو؟
اخر مرة كم ساعة نمت
هلق مبارح كانت حالة خاصة اني نمت عالصوفاي شوي وبعدين انتقلت اليوم الصبح عالتخت .. وبعدين ما كنت منزل الابجور فرقعت الشمس بعيوني من طيز الضو ومعد قدرت نام متل الخلق والعالم ... بس بالنهاي كانو شي ست ساعات يمكن
بتحط نضارات و لا و لا عدسات
والله نظارات
شو رئيك بالشعر الطويل للشب مياعة و لا موديل موضة
يعني انو صعب جاوب عهالسؤال حاليا باعتبار شعري طويل  بس بشكل عام خيو فينك تقول انو ما دخل هي بهاي .. يعني عالم بيتمايعو وهني حالقين شعرون عالقرعة .. وعالم شعرون طويل كتير وبيضلو كتير كلاسيكين وبلا اي موضة .. يعني انا حاليا شعري طويل .. بس ما بتزكر ايمت اخر مرة وقفت قدام المراي وزبطت شعري عالقليلة من شي خمس او ست تشهر ... ومن وقتا لهلق الله يخليلنا الطواقي شو بتخبي فضايح تحتى
أطيب أكلة
الشغلة كتير مزاجية خيو ... بس يكون في جوع كل الاكل بيكون طيب .. في عندك مثلا المجدرة بحبا كتير .. بس من كام يوم طبخت طنجرتين عبيانات للشفة ( بسبب خطأ صغير بالعيارات ) فضليت اكل منا لحتى طلعت من عيوني .. في عندك المشاوي بانواعا بحبة .. في فخضة حيوان معين ما بياكلو كل العالم , شي اكتر من رهيب ... جقات ... المدة .. وتطول اللائحة وتطول ....
أنت بعد خمس سنين شو لازم تحققي
بعتقد كاتب ال ي زيادي .. بس ما بيناتنا ..
بعد خمس سنين ... اسا ما فكرت بهاي الفترة كتير ..بس هلق وانت عما تسأل , انو بركي بكون صرت مهندس .. اسا ما بعرف وين رح كون .. اصلا ما كتير مهم وين .. المهم مع مين ... وبركي من هلق ل 5 سنين لازم يكون مشي الحال ... دعيلنا خيو 
ايلي رجعة
عحسابك يا غالي ... هيك اسألة حلوين ما اشبون شي .. سلسين بينشربو مع الكاظوظ بسهولة
عراصي والله
انا لست على هذا العالم كي اكون كما يردني الغير ان اكون
العلم يخبرني انه لابد من وجود الله
عقلي يخبرني اني لن استطيع فهم هذا الالله
وقلبي يخبرني انه لا داعي لكي افهمه
We ask the Syrian government to stop banning Akhawia
|