[handsome]

sweetbaby
ابن العم الغالي....
اهلا ببنت العم والله
اشتقنالك ياخيووو
والله وانا بالاكتر يا شيخة
استلملي هالكم سؤال كرمالي عيوني
لك عراصي انتي وعيونك والله

عمرك؟ 21 وعشر تشهر
مهنتك؟ طالب هندسة كهربة
حالتك الاجتماعية؟ مرتبط
بتدخن؟ لا والله
ازا اي من ايمت؟
اي يلا كم سيجارة بتدخن بالنهار؟؟؟
شو نوع الدخان اللي بتدخنه؟
بتشرب؟ اي
ازا اي من ايمت؟ من وقت ما بوعا الدني بتزكر اني كنت اشرب ( قصدي شي غير المي )
واديش؟ كل ما صاري شي شغلة بدا شرب
وشو اكتر نوع بتحبه؟ كل مرة شكل. حسب الجو يعني ... بس اكتر الشي بشرب بيرا وفودكا وكوبا ليبري
انت ليش هيك؟؟؟ ما قدرت كون احسن من هيك
شو اكتر غنية بتحبا؟؟ وليش؟؟؟ مزاجية الشغلة .. باخر فترة حابب شأم للينا , لانو صوتا كتير حلو وكلمات الغنية كتير حلوي
مين مطربك المفضل؟؟ اب وديع شيخ الشباب , لينا شماميان
.شو المواضيع اللي تقراها بالمنتدى؟ اكتر الشي بقرا جديد المواضيع .. وبعدين حسب المزاج .. مواضيع المنبر تقريبا بقراها دائما
شو الصفات اللي بتكرهها بالانسان؟ مافي شي معين .. في عالم بحبون وعالم لاء .. بس الغباء بحسو سبب مهم لحتى اكره حدي من وراه
والصفات اللي بتحبها؟ كمان نفس الشي ... وبحب الصديق الصادق والي بلاقي جنبي بس احتاجو, مافي صفات معينة
شو حكمتك بالحياة؟ اذا لم يكن ما تريد فارد ما يكون
شو هيي صفات امراة احلامك؟ هادا السؤال لحالو بدو موضوع
بس بشكل عام بحبا لما بكون ماني منيح او متدايق من شي انا تعرف بدون ما احكيلة شي باقي الصفات بس تتعرفي عليه بتعرفية
اذا ربحت مليون دولار, شو بتعمل فيها؟؟ بكفي دراسة فيون .. وبساوي شي مشروع صغير .. بشتري يخت .. والباقي بعطي للبابا
انت سعيد بحياتك وليش؟ انا اخو
بشكل عام اي ... اوقات بتمر علي بكون كرهان كلشي حواليي بس مع هيك مافيني قول اني ماني سعيد بالحياة
اذا لاء كمان ليش؟ لاء اي
.اذا فشلت بتحقيق حلمك شو رح تكون ردت فعلك؟ ما رح افشل, واذا فشلت رح غير الطريق بس مشان وصل بالنهاي لنفس الحلم
وشو هي اكتر مادة بتكرها و كمان ليش؟ كنت اكره العلوم بالمدرسة, وهلق بكره الالكترونيات
هل بتامن بالابراج ؟ و علل جوابك؟ لاء بنوب ... لانون ما بيخرطولي مشطي بنوب .. وكلون ضحك عاللحي
هل بتامن بالقدر؟ علل جوابك؟ اوقات اي .. وقت بيصير في كتير شغلات ما بعرف شلون معقول تصير غير بمساعدة شي اسمو القدر ... بس باغلب الاوقات فينا نتحكم نحنا فيه كمان
هل بتامن بالسحر و المشعوذين؟ علل جوابك؟ احلى الشي ... هادا الناقص
عرفلي البيروقراطية والديكتاتورية؟ ايوا ... ترى سمعان فيون هاه ... بس انو عرفون . صعب شوي
شو اكتر شي بيعصبك؟ ما بعرف ... في كتير شغلات,
شو اكتر شي بيفرحك؟ كمان كتير شغلات ,
شو رايك بقضية الشرق الاوسط؟ مشربكة
شلون تعرفت على أخوية ..؟ تعرفت علية من زمان من ايام الكرمس بسيدة السلام .. وسعيد كان عضو فيا من زمان .. وانا فت علية لما فتحو قسم الالعاب
شو هدفك بالحياة ...؟ جاوبت عليه .. وصل للحلو
مين أكتر أعضاء بتقارلون بالأخوية .. في كتير , منون ياس بلاك زا لايت ميمو ..... ما بعرف كتير عاد مافيني عدون كلون
كم اخ و اخت عندك؟ واحد
مين من اخواتك هوي المفضل عندك وليش؟ اخي الرابع بحسو بيفهمني منيح
شو هوي فيلمك المفضل وليش؟ اوف في كتير ... مامينتو.. 21 غرام .. بالب فاكشين .. بحب هادا النوع من الافلام لانو
مين ممثلك المفضل وليش؟ مافي
شو اكتر شي بتحبو بالحياة وليش؟ حياتي ... لاني بحبا
شو امنيتك بالحياة؟ وصلة
شو ناوي تدرس؟ دكتورة بتصليح الصرامي
شو أكتر معادلة كيمياء حفظتها بحياتك؟2H+O2=> 2H2O
شو أحلى قصيدة مرقت معك؟
ولقد زكرتك والرماح نواهل مني وبيض الهند تقطر من دمي
فوددت تقبيل السيوف لانها لمعت كبارق ثغرك المتبسم
شو درس العلوم المفضل يلي حفظتو؟ بحياتي ما طقت درس علوم
شو حدود سوريا الجغرافية؟ من الشمال بيحدا تركيا .. من الشرق العراق .. من الجنوب الاردن وفلسطين ومن الغرب لبنان والبحر الابيض المتوسط .... للاسف انو في عالم اسا ما بيعرفون
شو طبيعة لبسك : سبور -فنكي -رسمي ؟ سبور كتير .. وبضل لابس نفس التياب لحتى يتوسخو وحطون بالغسيل
شو اكتر موقف محرج صار معك؟ ما مبين
بتعتبر حالك ن الناس ياللي بيحكو كتير؟ لاء بنوب
شو اكتر اسم بتحب للشب وللبنت؟ مافي
مين قضوتك بالحياة ؟ اب سعيد شيخ الشباب
شو رأيك بالطفولة و الولاد ؟ كتير حلوين طول ما هني هادين ... وبس يبكو بيوجعو الراص ... غير انو في الون قصة حلوة
مين أعز شخص على قلبك و ليش ؟ هوي نفس الشي الاكتر الشي بحبو بالحياة .. ولنفس السبب
إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟ لا تدخلنا في تجربة لكن نجنا من الشرير .. امين
شو أحلا أيام حياتك؟ 21 يوم مرقو من سنة وشهر
شو الحياه بالنسبه إليك؟ نفس جواب تبع قبل شوي
شو بنظرك بياثر اكتر دموع الفرح أم بسمة الفرح؟ دموع الزعل
شوالشي الذي تتمنى أن يرجع؟ 21 يوم حلوين من حياتي
موقف صار لك ولا تقدر تنساه؟ سفرة من حمص عالشام بالبولمان .....
شو أفضل لديك بمراحل النمو هل هو الطفوله ام المراهقه ام الشباب أم الشيب؟ الطفولة ما بتزكرة .. والشيب اسا ما جربتو ... بس لهلق مبسوط بشبابي .. ومراهقتي كانت بتجنن
زيت المقلاية عم يحرقك شي؟ اي نسبيا ... لانو اجا بالوقت الغلط تماما .. بس لا حيلة في احكام زا مورنينغ


ازا اضطريت انو تختار بين تتين من رفقاتك شو بتعمل
بختارون تنيناتون



الاجوبة لازم تكون مختصرة بمالايقل عن ست اسطر
اجوبة شو؟



وبالتوفيق

ميرسي

وخلينا نشوفك
عحسابك كل الوقت بنت العم ...