السن : مواليد 28.11.83
اقتباس:
|
- ما هي خلفيتك الدينية (أيام الطفولة و المدرسة، الخ)؟
|
مسيحي .. روم ارثوذوكس
اقتباس:
|
2- هل لديك قانون شخصي للأخلاق؟ (مثال: ما تحب أن يفعله الاخرون لك، افعله بهم)
|
هني شغلتين الطموح والسعادة .. و بالنسبة لقانون للأخلاق ... بعمل كلشي بشوفو صح بالنسبة إلي و ما بيدايق غيري ..
اقتباس:
- ما هو موقفك من مسألة
أ) الاجهاض
|
إضاعة فرصة بالحياة ممكن تعمل تغير ....
اقتباس:
|
ب) الابحاث العلمية بخصوص التناسخ
|
مؤيد لفكرة التناسخ .. و التطور العلمي و لحد الان ما عمبقدر إقتنع ليش مرفوض هالرفض الدولي .. و محارب كل هالمحاربة
اقتباس:
|
د) الجنس خارج اطار الزواج
|
بس ما يكون بشكل حيواني ... و خارج عن إطار الحب
اقتباس:
- هل لوجهتك الدينية او الفلسفية اسم معين تفضله؟ ما هو؟
(أمثلة، ملحد، لاديني، لاأدري، مسيحي، مسيحي كاثوليك، سني، شيعي...)
|
مسيحي بالأسم .. و بالمضمون بآمن بس بوجود الله ... و الباقي كلشي لا ...
اقتباس:
|
- إلام تعزو أفكارك الدينية/الفلسفية و النتائج التي توصلت إليها؟
|
القناعة المطلقة ... و الكثير الكثير من المناقشات مع الكثير من الناس من جميع الأديان و الطوائف ...
اقتباس:
|
6- أجب بصدق: هل مررت أو هل تمر بمراحل تشك فيها بمعتقداتك الدينية و الفلسفية؟ هل يحدث هذا مرارا؟
|
في مرحلة من مراحل حياتي كنت عمحاول وصل للحقيقة أو الإيمان متل ما كنت فكر .. ووقتها كنت مرّ بكتير أوقات من الشك و التساؤلات .. و كنت دائماً إسأل الخوري عن كل الشغلات اللي عمفكر فيها ... و كان يقلي ... هاي التجربة ما تخليها تغلبك .. ومن هالحكي ... و أنا كنت ضيع بزيادة كل مرة عن مرة ..
بس هلأ لا ما بمر بشي من الشك .. و صلت لقناعة شبه مطلقة ...
اقتباس:
- هل أنت على نفس الدين/الفلسفة التي وُلدت عليها؟
اذا كان الامر ليس كذلك، كيف تصف مشاعرك حين غيرت معتقداتك؟ خوف، فرح، قلق، ارتباك... ؟
|
لا .. غيرت أفكاري كذا مرة .. و هلأ و صلت للقناعة متل ما سبق و قلت ... و هلأ أكتر مرحلة بحياتي بشعر فيها بالراحة و السعادة الداخلية ...
اقتباس:
|
8- سم أهم ثلاث كتب في حياتك الدينية/الفلسفية من ناحية تأثيرهم عليك و على أفكارك.
|
كل مرة ببلش إقرأ كتب دينية .. معد إقدر ركز .. ما بحياتي كفيت كتاب ديني عالآخر ... و الكتب الفلسفية كمان ما كتير بتستهويني .. بس قريان كام كتاب و ما أثرو فيي بنوب .. ما بفضل هيك نوع من القراءة ...
اقتباس:
سم أهم شخصية تاريخية او معاصرة غيرت نظرتك بالنسبة لفلسفتك الشخصية او الدينية.
ملاحظة: يُرجى استثناء محمد و المسيح، و إلا ستكون جميع اجابات الدينيين متشابهة.
|
بصراحة أنا كل الأشخاص يلي أثروا فيي من هالناحية هني أشخاص بعرفون من الواقع .. رفقات أو معارف و بتعجبني آراؤن ... بس ولا مرة حاولت إلبس شخصية كاملة لبس .. يعني آخد نفس الآراء و المعتقدات ... لأنو بيعجبوني بس شوية أفكار و أفكار تاني بتكون ضد الشغلات يلي بآمن فيها ..
اقتباس:
هل تجد أفكارا جيدة او بناءة في دين او فلسفة مغايرة و مناقضة لك؟
مثال: اذا كانت ملحد، فهل هناك عبارة او فكرة في الانجيل او القران تعجبك؟
و اذا كنت دينيا فهل تجد فكرة او عبارة إلحادية او علمانية تعجبك؟ الخ.
|
بصراحة هلأ ما خاطر على بالي شي ... بس بشكل عام بتستهوينس الأفكار يلي طرحها بوزا ... كمان موكلون ... بس عندو كام شغلي بيعبوا الراس ....
اقتباس:
|
11- كيف تصف موقفك السياسي؟
|
شو يعني سياسي ؟؟؟ :P هالشغلات كلها ما بتعنيلي شي ...
اقتباس:
|
12- اذا كنت ممن غيروا دينهم/فلسفتهم، فهل قمت بإعلان ذلك على الملأ؟ كيف كان موقف الناس منك؟
|
ما بعتبر حالي غيرت ديني ... غيرت قناعتي مناسبة أكتر .. لا ما بلشت روح لعند كل و احد و قلو أنا هيك هيك صار فيي ...بس إذا شي مرة إنفتحت السيرة ما بحاول خبي الواقع .. و بناقش بهالشي لأني مقتنع فيه ...
اقتباس:
|
- هل أنت متزوج من شخص لا يشاركك الدين او الفلسفة الشخصية؟ كيف تصف علاقتكما؟
|
لا و الله ماني متجوز ... و أنا بفضل الأشخاص المنفتحين أكتر من المطويين على نفسهم و مسكرين باب الدين و النقاش .. و بصراحة بفضل الملحدين من هاي الناحية أو يلي مانون شديدي الإيمان ... لأنو الواحد بيقدر ياخد و يعطي معون بسهولة ...
اقتباس:
- هل تؤمن بأمور فائقة للطبيعة؟
مثال: العرافين، ذكريات حياة سابقة، أشباح، رجال فضاء و صحون طائرة، الابراج، الخ.
|
لا والله ... و لا بحاول فكر بالموضوع بنوب ..
اقتباس:
|
15- ما هو رأيك في الموت؟ هل تؤمن بالحياة الاخرى او بالتناسخ؟ أم أن الموت نهائي؟
|
الموت نهاية ... مشان هيك الواحد يلحق يعيش حياتو .. في متل اتذكرتو هلأ (( مبارح بالماضي فهو ليس موجود . بكرا في المستقبل فهو لم يوجد بعد . لذلك لم يبق لنا إلا أن نعيش اليوم ))
اقتباس:
|
- اذا كنت تؤمن بإله، فما هو هذا الإله؟ هل هو شخص أم طاقة أم أنه هو و الكون واحد، الخ؟
|
هو كلمة متعلقين بها البشر ... لا أكثر .. ووجدو فيها راحتهم ... أو بالأحرى الراحة من التفكير في كلمة بديلة أو سبب بديل ..
اقتباس:
17- اذا لم تكن تؤمن بوجود إله، فما هو الإله الأكثر إحتمالا بنظرك؟
مثال: إله يرسل من لا يؤمن به الى الجحيم، أو طاقة عمياء، أو إله محب جدا لا يهتم بالدين و يرسل كل الاشخاص الجيدين الى الجنة بغض النظر عن ايمانهم... الخ.
|
لا تعليق...
اقتباس:
|
- ما هي وظيفتك الحالية؟ ما هي الوظيفة التي ترغب بتجريبها غير وظيفتك الحالية؟
|
طالب لغة (( طالب كيمياء سابقاً )) و بصراحة بحب تكون الوظيفة يلي بدي إشتغلها بالمسقبل و ظيفة حرّة ... يعني بلا دوام وراتب و موظفين و هالوجعة الراس كلها ...
شكراً عالأسئلة يلي عنجد بيخلو الواحد يعيد التفكير بالآراء و الأفكار يلي براسو ...
مع إنون بيلخبطو الراس شوي ...
مشكور إبن العم ...
