[handsome]

وشم الجمال


ويللا كما جولة مع الاغاني
لمين بتهدي هالاغاني
بشكل عام ماني كتير صحبي مع الاغاني , بس هلق منشوف شو بيطلع من امرون

خدني معك
بعدك على بالي
ضمني على صدرك
سلامتك من الاه
انا بعشقك
الأماكن
مستني مني ايه
الحب والوفاء عجبني اسما , فسمعتا, فطلعت غير الي كنت متوقعة تكون .. بس كتير حلوي... ما بهدية لحدي
أناديكم شباب اخويتنا المعتقلين
كن صديقي
أين ستهربون
اغضب

بالعادي هي بتقلي شو لازم اسمع, فبقلة تسمع هدول الاغاني وتقلي شو الحلو منون
غير تبعيت أناديكم بعرفة منيح

نصيحة بتوجهها للتالية اسماؤهم

بلاك : خليك هيك خيو
بترفلاي : الله يديمك زخر النا وللاخوية
هاني : خليك عحالك كمان,عفكرة التحشيش بيفيد النظر
بريف هارت : ما بعرف, مش
سيريان غاي : بنصح الباقين انون يصيرو بطيبة قلبك
جاد : جاد شغلة هيك .. رجاع كتلبنا شي قصة من قصصك الحلوين
محمد ابراهيم : طول بالك عجماعة الاشراف شوي يا شيخ .. وعباقي الشعب كمان
طارق : كمان كويس هيك
ذا لايت : بقا كتر زيارتك عالاخوية شوي , شتقنالك
بارليب : صرلنا زمان كمان معد شفنا متل قبل .
ياس : انا انصح ياس اما العكس؟
امرأة من ورق : اشتقنالة كتير, بنصحة ترجع عالاخوية
حكومة_غوفرمنت_ : سلم بالامر انو ما بيطلعلك مع الحماصنة
سويت بيبي : بنت العم خفيفي شوي من متطلبات غرورك
ريمي : شغلة ريمي هيك, خليكي عحالك
ووشوم : كمان منيحة هيك بس اسألتك كتار بس حلوين

اكتر كلمة بتحب تحكيها : حياتي
اكتر كلمة بتحتاج تسمعها : عيونا
اكتر كلمة بتكرهها : مادخلك
اكتر كلمة بتنرفزك : كمان ما دخلك
اكتر كلمة بتحسها سامية : حبيبي / حبيبتي
شو بتعنيلك كلمة ندل : ما شي معين
بتعرف ترقص : لاء ما كتير
بتحب الفلفل الحار : اي كتير
شو بتكره تاكل : ما بعرف , في كتير شغلات كنت ما ققدر اكلة بنوب بس هلق عما ققدر شوي شوي ... بس بيضل في شغلة ما بقدر اكلة بنوب .. وهي الموز
شو مشروبك المفضل : حسب المزاج, بس بشكل عام الكولا
شو اكتر منظر بتحبو؟ وقت الواحد بيطلع من بوابة القادمين بمطار دمشق الدولي وبشوف العالم عما تستنا غيابا هي كمشهد .. وكشغلة بحب اتطلع عليها, القمر
عمرك حسيت بانو الدنيا ضيقة وحابب تغادرها؟متى وليش؟
اي مرة وقت كنت صغير , وكتبت وقتة على لوح انو بدي موت ( ما من زمن مرقت سيرة هاي القصة ) وليش , لانو كنت اكل قتلة

الغروب والشروق شو وفعهم على نفسك؟
تنيناتون كتير حلوين, بلا الشروق ما بيصير غروب .. وبلا الغروب ما بيصير شروق
مستني وقعون على نفسي وقت بكون مع نصي الكويس

بتحب تكتب؟عمرك جربت تكتب؟ وشو صار؟
بشكل عام لاء. اي جربت . ما صار شي كتبت خربوشة

ليش دوم معصب وما بتطلع من المنبر؟
هيك

الحب الو معاني كتير ارقاها حب الام...كلمة بتوجهها لامك...ولابوك...
الله يخليلي اياكون عطول وانشالله ققدر ردلكون الشغلات الي قدمتولي والي عما تقدمولي اياها لهلق

تخيل انو هاي اخر لحظة بحياتك...بعيد الشر عنك...شو رح تحس حسب توقعك؟؟
بحس انو اخر لحظة بحياتي
وبعتقد رح حاول اهرب , لانو ما بحب حدي يزعل عليي

شو وصيتك بالحياة؟؟؟
مافي حاليا

كلمة بتوجهها للحكام مع حصار غزة
الله يجعلكون بشر
التجديد باخوية هل انت ضد الو؟؟وهل انت ما بتؤمن بالجدد يللي باخوية؟؟؟
كل واحد مننا كان جديد بيوم من الايام, وبكل محل في الكويس والسيء
بعتقد المهم انو الواحد يقدر يميز الكويس ومن العاطل بالشعب الجديد, وكل فكرة جديدي معقول تكون خطوة مهمة لاخويتنا
اذا النت ما عادلو وجود بالحياة شو معناه بالنسبة الك؟
كنت مفكر اني متعلق بالنت اكتر, بس طلع العكس.
ما بعتقد اني رح اتدايق كتير , غير انو رح يصير التواصل مع سوريا اصعب
مين اهم النت والا الكتب؟؟
بالنسبة الي النت... لانو بالنت فيني لاقي كتب, بس العكس لاء

شو يتشعر لما تسمعها...

الأطلال
أغدا ألقاك
سيرة الحب
قارئة الفنجان
رسالة من تحت الماء
زي الهوى
أحن
تحية طيبة يا والدي الطيب
كان في طفل صغير عم يلعب بالحارة
انا وليلى
فوق النخل
كلمات
يا رايح صوب بلادي
وطني(سامي كلارك)
عصفور طل من الشباك

ما بحس بشي لاني ما بعرفون كلون .. وما كتير صحبي مع الاغاني

عندك هالقضايا يللي خطرت ببالي ....اعطيني شي حل ممكن يخطر ببالك الها وكلمة موجهة الها كمان وا>ا هي ظاهرة شو رايك فيها

التســـول : ما حدي بيكون متسول وهوي مبسوط. بعتقد بس تتوزع الخيرات بشكل عادل نسبيا بيبطل في شي اسمو تسول

الاغتصاب : بس يروح الكبت الجهنمي الي بمجتمعنا بتخف هاي الشغلة كتير. بس للاسف بعتقد انو مستحيل تروح عالاخر

الإرهاب : بس يصير كل طرف يقبل انو الطرف الاخر مانو غلط ولازم يموت بيخف الارهاب , بس كمان ما بيروح عالاخر
غلاء الاسعار : بعتقد هي سنة الحياة ... ما بيصير يضل كلشي عحالو كل العمر ...

الإدمان عالمخدرات : كلشي اسمو أدمان بكرهو كتير .. بعتقد انو الواحد ما يبلش بهيك شي اسهل بكتير من التوقف عنو .. لانو الوقاية خير من العلاج... كمان هالشغلة مستحيل تروح عالاخر, شوية توعية زيادة عن الموضوع معقول تخففة .. بس بحياتو ما كان التخويف هوي الحل
التعارف عن طريق النت : شي كتير طبيعي .. ومعقول كتير انو تنين يتفقو عالنت بس ما يتفقو عالواقع .. بس هي مانا مشكلة بنوب .. متل اصدقاء المراسلة كمان نفس الشي

الحب عن طريق النت : وقت ما بيكون في طريقة للتواصل بين تنين غير النت , فبعتقد انو الشغلة عادية كتير

الهجرة : ما حدي بيهاجر عكيفو .. بس كمان الشغلة مانا غلط .. هي طبيعة الانسان انو بيحب لحالو عطول الشي الافضل .. حتى لو كان بعيد عن اهلو وبلدو ..

اللجوء : اذا اللجوء السياسة ..فبحسة اغبا شغلة . وازل شغلة ممكن تصير لشخص .
اذا لما حدي بيلجئ لشخص لحتى يساعدو .. فطبيعي كتير ... لانو ما انا اليوم محتاج مساعدة غير رح يحتاج بكرا

الواسطة : لما انا بكون عما دور عشي شخص لشي وظيفة معينة .. كتير بيكون كويس اذا حدي من الي عما يشتغلو بيعرفو للشخص الجديد, لانو نظريا لازم يكون بيشبهو شوي او متفق معو عالقليلة .. وانا متفق مع الشخص الي عما يشتغل سلفا .. فرح يكون كلشي اوكي ..
اما لما بيتصل في ابو مدري مين وبيقلي دبرلي وظيفة لابن حارتي .. هون بتكون الواسطة اكل *را عالاخر

الانتحار : الهروب من الواقع .. شي غبي جدا .. وبعتقد بس الواحد يوصل لهالمرحلة .. فاحسنلو ينتحر . لانو حرام هيك شخص يضل عايش .. مرة تاني غباء شديد جدا, في الف حل لكل المشاكل , بس الانتحر مانو ولا واحد منون

المتاجرة باعضاء الانسان : المتاجرة العادية باعضاء من جسم ميت حديثا بحادث او بشي معين بعتقد شغلة كتير كبيرة .. وشي كتير حلو انو الطب وصل لهالمراحل ... بس لما بتصير انو نقتل واحد من الموزمبيق مشان ناخد كليتو لواحد غني ببلاد الواق واق .. هون بتصير اسا الشغلة ابشع من الحرب

الفن الهابط : لو ما كان في فن هابط ما كان بيكون في فن صاعد.. في حدي كان كاتب ايامات زمان بتوقيعو .. شي بما معناه انو لو كل الحياة شغلات حلوي فبتفقد الشغلات الحلوة معناتا ...



بدي انتحر