أخوية - عرض مشاركة واحدة

handsome · 10/02/2008

وشم الجمال

لعيناك جاد
اهم الشي انك تسمعي كلمة جاد عطول

هلأ مرحبا وسيم ويللا بس لاسليك كمان مو اكتر يعني والك الحق باي دعوة علي

اهلا والله, بعد كام يوم بتلاقي دعوتي واصلتك

اول شي شو اسم كاتبكـ المفضل؟
حاليا مافي حدي..
بتحب الشعر ؟؟ لمين بتقرا؟؟
بشكل عام لاء, بس اوقات بيمر شي بيت شعر بالحياة العادية بحسو كتير معبر او مأثر , بس ما بتخيل حالي اني ماسك شي قصيدة وقاعد عما ققراها غير ايام المدرسة
ما كتير صحبي انا والقراي

( انا غير مثقف عقولة ميمو

)
شو رأيك بالحب؟؟؟
احلى أحساس بالعالم, الي ما بيعيشو ما فينو يعرف شي عنو , بس لما بيعيشو .. بيشوف اديش الحياة فيا شغلات حلوي
شو رأيك بالسلام؟؟؟
السلام شي كتير حلو .. بس ما رح يصير لحتى تنقرض البشرية
عمرك حسيت بالظلم؟؟؟ وشو الموقف؟؟
ماني متزكر اي حادثة هلق
شو طموحكـ في الحياة؟
خلص دراسة بسرعة مشان ققدر اشتغل وصير مع نصي الكويس

شو بتعنيلك السياسة؟؟
اصعب شغلة بالعالم, حاولت كتير اني افهم منا شي .. بس كل ما قربت عشي فكرة .. بانصدم انو اساتني بالقبو تبع ناطحة سحاب
مشان هيك ما بعتقد انو السياسة بتعنيلي اي شي حاليا
شو اسم الشب و البنت المفضل عندكـ؟
مافي اسماء معينة
بشو بتوصف علاقتك بالاخوية؟؟؟
علاقة اخد كتير كتير ,وعطا شوي صغيري
هل بتعتبر الوضع بالبلدان العربية حاليا على شفا جرف هار؟؟؟
بعتقد انو صرلنا زمان من سيء لاسوء
الاغتصاب ... شو الشعور اللي بتخلقو هاي الكلمة بأعماقك؟؟؟
الكره
هل تؤمن بالسلام ؟
بؤمن انو مستحيل يصير سلام
وشو حل القضية الفلسطينية برأيك؟؟؟
اوفف بس يخلصو الاسرائيلة تقتيل بالفلسطيني , بيصيرو الفلسطينية يقتلو ببعض.
ما كتير صحبة مع السياسة , بس بعتقد بس يتصافو القلوب بين الفلسطينين مع بعضون. وبعدا مع الاسرائيلة, وقتا بتنحل القضية ...
شو قمة الصدمة عندك؟؟؟
ما بعرف شو قمة الصدمة, بس بعرف اني قبل شوي انصدمت لما عرفت اني بالمقلاية

شو موقع وسيم من الإعراب يعني انت وين وصلت ولوين بدك توصل ؟؟؟
اساتني لهلق مش, بس عطريق اني صير الشخص الي كنت بحلم كونو من وقت ما كنت صغير , وساعدتني الحياة بكتير شغلات لحتى ققدر ضلني على هالطريق.. وخط النهاي تبع هادا الطريق هوي اني كون انا وفتاة احلامي بمحل كويس وعنا مستقبل كويس
شو الشي اللي ما فيك تستغني عنو؟؟؟أساسي بحياتك؟؟؟
بشكل عام ما بحب كون متعلق بشي مشان ما اتعرض لهيك موقف بشي يوم من الايام, بس بعتقد مافيني استغني عن الشخص الي بقدر لاقي بكل لحظة انا بكون محتاج فيا لأي شي
جربت الخيانة؟؟؟ عمرو حدا خانك وعمرك خنت حدا ؟؟ وشو تعريف الخيانة بالنسبة الك؟
كرهة كتير, الله لا يدوقا لحدي
الخيانة هي الخيانة, هادا احسن تعريف
شو لونك المفضل ... غنيتك المفضلة؟؟؟
ازرق ... حسب المزاج, في شأم بصوت لينا كتير بحبا
بلد نفسك تزورها؟؟
ما بعرف, اسا ما فكرت بالموضوع ولا مرة, بس بعتقد اليابان رح تكون بلد كتير مميز
حدا باخوية نفسك تقلو شي معين...
بس يكون في حدي حابب قلو شي بقلو اياه شخصي
مين العضو يللي اعجبك كتير تفكيرو ونقاشو
كتير اعضاء عندون طريقة نقاش كتير حلوي .. كل المعتقلين كان عندون افكار اكتر من رائعة
وفي ياس نقاشو كتير كتير راقي وبيوصل فكرتو بطريقة كتير حلوي
اكتر عضو حبيتو
ما بعرف
شو بيعنيلك الشهيد؟؟؟
شخص مات وهوي عما يدافع عن فكرة معينة... ما فينو الواحد غير انو يقدس هيك شخص
لما تشوف الوضع والحصار بغزة شو بتقول بنفسك؟
الله يلعن ابو هالزمان
فلسطين احكيلي عنها بسطر.
بعتقد انو احلى بلد بالعالم والكل طمعان فيا مشان هيك رح تضل كل عمرة عايشي حياة صعبة
يحيى عياش ... شو بيعنيلك؟؟؟
شهيد بكل معنى الكلمة
شو رأيك بنزار قباني... مظفر النواب... محمود درويش... فدوى طوقان...
ما كتير صحبة انا والقراي متل ما سبق وقلت .. بس كل ما ققرا بالصدف شي لنزار بحس انو الاله
بتقرا شعر جاهلي....
لاء بنوب
ازا حبيت وحبيبتك كانت بتحب صديقك شو رح تكون ردة فعلك لما تصارحها وتكتشف هالشي؟
اذا كنت بحبا فاكيد رح اتمنالة الخير معو ...
شو أبشع منظر شفتو بالانتفاضة ... يعني اسرائيلي ...
مشهد خمس او ست جنود عما يضربو واحد شكلو مدودخ عالاخر وما عما يقدر يساوي شي .. بعدين بيستشهد وبيصيرو يشحطو شحط عالارض والدم عما يسرح منو
شو أبعد شي ممكن يوصلو خيالك؟
اسا ما وصلت لهالشي...
بتحب القهوة؟؟؟
اي كتير
عمرك كتبت شي خاطرة ادبية؟
كام خربوشة ما اكتر
بتحب الادب؟
ما كتير
شو نقطة ضعفك؟
مافي حدي ما عندو نقطة ضعف, وانا عندي كتير . بس بيضلو يتغيرو, مافي شي ثابت عطول
شو نقطة قوتك؟
كمان نفس الشي. حسب الموقف
كلمة بتوجهها لكريم
لو كنت ما بتخوف ما كانو خافو منك...
قلال الي تركو أثر بالاخوية متلك
شتقنالك كتير
شو رأيك بهالعبارات... عقب عليها يعني....

1-ايها المارون بين الكلمات العابرة
كالغبار المر مروا اينما شئتم ولكن
لا تمروا بيننا كالحشرات الطائرة
خلنا في ارضنا ما نعمل
و لنا قمح نربيه و نسقيه ندى اجسادنا
:و لنا ما ليس يرضيكم هنا
حجر.. او خجل
فخذوا الماضي،اذا شئتم الىسوق التحف
و اعيدوا الهيكل العظمي للهدهد، ان شئتم
على صحن خزف
لناما ليس يرضيكم ،لنا المستقبل ولنا في ارضنا ما نعمل
حكي كتير حلو

2-من أقاصي اليأس يولد دائما منتهى الأمل.
على نفس مبدء " الحاجة أم الاأختراع"
غير هيك كان ضل الي فوق فوق والي تحت تحت
3-أما اسرائيل فلم تعد بحاجة إلى الإعلان عن شئ يخص حدود اعتباراتها الأمنية من> تطوعت الأدوات العربية لخوض حربها مع الفلسطينيين ... ومن> تزايد عدد حراسها العرب...
ليش في بيوم من الايام اعلنت فيه اسرائيل حدودها؟
4-لبرميل النفط سعر يعلو ويهبط ... ولكن لا سعر لبرميل الدم لا في السوق السوداء ولا في السوق البيضاء.
برميل الدم بحياتو ما كان الو سعر, كل عمرو الدم هوي حق الارض والحرية
5-جزء كبير من الرحيل هو في حقيقته تحدي الأنا للعالم الخارجي. العالم عتيق كالصخور ومتبدل كالبحر .والأنا ترغب في الوصول الى الاماكن البعيدة سالمة وفي الوقت المحدد
الانهار ما بيكون طريقا مستقيم .. بس مع هيك بتوصل لهدفا

الاسألة كتير حلوين .. وبيبينو اسهل بكتير لما الواحد بيكون عما يقرا جواب غير حدي عليون