[جينو]

السن:24 سنة و شهر و 10 أيام

1- ما هي خلفيتك الدينية (أيام الطفولة و المدرسة، الخ)؟
روم أرثوذوكس
2- هل لديك قانون شخصي للأخلاق؟ (مثال: ما تحب أن يفعله الاخرون لك، افعله بهم)
ما في عبارة محددة بس في كلمة وحدة: المحبة
3- ما هو موقفك من مسألة
أ) الاجهاض: أحياناً بيكون ضرورة لما بيكون في حالة مرضية معينة بالجنين ليش لحتى يجي على هالدنيا يشقى و يشقي أهلو
ب) الابحاث العلمية بخصوص التناسخ: تطور حتمي للحياة بس بدنا كم سنة لنبلش نتعامل معو بصورة طبيعية
ج) موانع الحمل: مجرد وسيلة ضرورية لتنظيم الحياة متلها متل السيارة :P
د) الجنس خارج اطار الزواج: لما بيكون بين اتنين بيحبو بعضون بيكون شي و لما الجنس لمجرد الجنس شي تاني يعني في مصطلحين بالإنكليزي بيعبروا عن كل الحكي: Makeing Love or haveing Sex و في فرق كتير كبير بيناتون
4- هل لوجهتك الدينية او الفلسفية اسم معين تفضله؟ ما هو؟
(أمثلة، ملحد، لاديني، لاأدري، مسيحي، مسيحي كاثوليك، سني، شيعي...)
مسيحية علمانية
5- إلام تعزو أفكارك الدينية/الفلسفية و النتائج التي توصلت إليها؟
التفكير المنطقي
6- أجب بصدق: هل مررت أو هل تمر بمراحل تشك فيها بمعتقداتك الدينية و الفلسفية؟ هل يحدث هذا مرارا؟
أكيد
7- هل أنت على نفس الدين/الفلسفة التي وُلدت عليها؟
يعني ما نفسها بالضبط أكيد في كتير تعديلات و اشيا جديدة دخلت على الدين و أكيد عالفلسفة كمان
اذا كان الامر ليس كذلك، كيف تصف مشاعرك حين غيرت معتقداتك؟ خوف، فرح، قلق، ارتباك... ؟
8- سم أهم ثلاث كتب في حياتك الدينية/الفلسفية من ناحية تأثيرهم عليك و على أفكارك.
الكتاب المقدس أكتر شي و كل شي يقراه بيأثر فيي و في كتير عبارات و مواقف بتغير من نظرتي للحياة
9- سم أهم شخصية تاريخية او معاصرة غيرت نظرتك بالنسبة لفلسفتك الشخصية او الدينية.
ملاحظة: يُرجى استثناء محمد و المسيح، و إلا ستكون جميع اجابات الدينيين متشابهة.
بوذا
10- هل تجد أفكارا جيدة او بناءة في دين او فلسفة مغايرة و مناقضة لك؟
مثال: اذا كانت ملحد، فهل هناك عبارة او فكرة في الانجيل او القران تعجبك؟
و اذا كنت دينيا فهل تجد فكرة او عبارة إلحادية او علمانية تعجبك؟ الخ.
بيعجبني كتير أفكار بوذا و لو ما كنت مؤمنة بالمسيح كنت بحب كون بوذية، يلا الأيام جاية و ما حدا بيعرف شو رح يصير :P
11- كيف تصف موقفك السياسي؟
يا عمي لا موقف و لا هم يحزنون
12- اذا كنت ممن غيروا دينهم/فلسفتهم، فهل قمت بإعلان ذلك على الملأ؟ كيف كان موقف الناس منك؟
13- هل أنت متزوج من شخص لا يشاركك الدين او الفلسفة الشخصية؟ كيف تصف علاقتكما؟
لما بدي اتجوز لازم ما تكون قناعات الإنسان اللي بدي ارتبط فيه معاكسة لقناعاتي ، يعني ما ضروري يكون عنا نفس الأفكار.
14- هل تؤمن بأمور فائقة للطبيعة؟
مثال: العرافين، ذكريات حياة سابقة، أشباح، رجال فضاء و صحون طائرة، الابراج، الخ.
هي إشيا ما بقدر أكد وجودها بس ما بقدر إنفيه كمان ، بالنسبة للأشباح ما بعرف ليش بس بحس إنو موجودين بس ما أشباح الأفلام أكيد أنا عم إحكي عن الأرواح
15- ما هو رأيك في الموت؟ هل تؤمن بالحياة الاخرى او بالتناسخ؟ أم أن الموت نهائي؟
الموت هو نهاية حياتنا على الأرض و بحب فكر إنو بداية حياة جديدة بس ما بعرف وين
16- اذا كنت تؤمن بإله، فما هو هذا الإله؟ هل هو شخص أم طاقة أم أنه هو و الكون واحد، الخ؟
بآمن بالخالق اللي خلق الكون و الإنسان، و بآمن بالمسيح
17- اذا لم تكن تؤمن بوجود إله، فما هو الإله الأكثر إحتمالا بنظرك؟
مثال: إله يرسل من لا يؤمن به الى الجحيم، أو طاقة عمياء، أو إله محب جدا لا يهتم بالدين و يرسل كل الاشخاص الجيدين الى الجنة بغض النظر عن ايمانهم... الخ.
18- ما هي وظيفتك الحالية؟ ما هي الوظيفة التي ترغب بتجريبها غير وظيفتك الحالية؟
سكرترية تنفيذية، بحب الصحافة، و بحب البيت و بعشق الأولاد و حتى إسألو عبير، صح عبورة؟؟؟؟