هاي رح اعملها اول واحد .......... لحقوني اخواتي.
----------------------------------------------------
السن:
21 سنة و اربع شهور و 11 يوم
1- ما هي خلفيتك الدينية (أيام الطفولة و المدرسة، الخ)؟
كاثوليكي في الطفولة المبكرة بحكم العائلة
و ارثوذوكسي في أيام المدرسة
, و بعدين بروتستانتي في المراهقة
شكلي مجمع كنائس الشرق الاوسط
2- هل لديك قانون شخصي للأخلاق؟ (مثال: ما تحب أن يفعله الاخرون لك، افعله بهم)
اخذ كل حالة على حدة , أحاول ان لا اوذي الناس , و احترم جميع البشر
3- ما هو موقفك من مسألة
أ) الاجهاض
اعتقد انه خيار مشروع لكل انثى , ولا اعتبره جريمة ما لم يكن في اوخر الحمل, عموما انا مع الاجهاض.
ب) الابحاث العلمية بخصوص التناسخ
فتح جديد للعلم و للبشرية.
ج) موانع الحمل
ضرورية جدا في اية علاقة , يعني تخيلوا كل ما هادا بيصير حمل .... مصيبة
د) الجنس خارج اطار الزواج
أنا اعتقد ان الجنس وسيلة للتعبير عن الحب , يعني اذا في علاقة حب بين تنين , فشو المانع ؟
4- هل لوجهتك الدينية او الفلسفية اسم معين تفضله؟ ما هو؟
(أمثلة، ملحد، لاديني، لاأدري، مسيحي، مسيحي كاثوليك، سني، شيعي...)
بتصور ملحد هيي الكلمة.
5- إلام تعزو أفكارك الدينية/الفلسفية و النتائج التي توصلت إليها؟
يعني التفكير و التامل بالكون خصوصا
6- أجب بصدق: هل مررت أو هل تمر بمراحل تشك فيها بمعتقداتك الدينية و الفلسفية؟ هل يحدث هذا مرارا؟
يعني لو ما مريت بالشك , ما انتقلت من المسيحية الى ما انا عليه الان.
برايي انو التفكير و الشك شيئ واحد , و الوصول الى قناعة مطلقة او نتيجة مطلقة غباء , بالتفكير بوصل من الشك الى الشك المطلق .....بلا بلا بلا بلا
7- هل أنت على نفس الدين/الفلسفة التي وُلدت عليها؟
لا
اذا كان الامر ليس كذلك، كيف تصف مشاعرك حين غيرت معتقداتك؟ خوف، فرح، قلق، ارتباك... ؟
يمكن طمئنينة , ناتجة عن الراحة , يعني فيني قول انو ارتحت اكتر .
8- سم أهم ثلاث كتب في حياتك الدينية/الفلسفية من ناحية تأثيرهم عليك و على أفكارك.
للحقيقة كل شي بقراه بتصور بيأثر على قناعاتي , يمكن يغيرها او يرسخها , بس كتب كتير حبيتها او بعتبرها محورية
الاغواء الاخير للمسيح
النبوة ,من علم العقائد الى فلسفة التاريخ
الكتاب المقدس
9- سم أهم شخصية تاريخية او معاصرة غيرت نظرتك بالنسبة لفلسفتك الشخصية او الدينية.
ملاحظة: يُرجى استثناء محمد و المسيح، و إلا ستكون جميع اجابات الدينيين متشابهة.
والله في كتير ناس , بحب من الطفولة التاريخ , و كنت معجب ببومبي كتير , و ابن خلدون شب ظريف , الماغوط و حنا مينة , و مكسيم غوركي و في بشر ما خاطرة على بالي هلاء
10- هل تجد أفكارا جيدة او بناءة في دين او فلسفة مغايرة و مناقضة لك؟
مثال: اذا كانت ملحد، فهل هناك عبارة او فكرة في الانجيل او القران تعجبك؟
و اذا كنت دينيا فهل تجد فكرة او عبارة إلحادية او علمانية تعجبك؟ الخ.
اكيد يعني , هلاء الاديان بتضل فكر و بالفكر الانساني في شي كتير مميز, و الاخلاق اللي بتدعيلها المسيحية رائعة , و بحب كتير ايات من القران , اللي خاطر على بالي هلاء , ولا تجعل يدك مغلولة الى عنقك ولا تبسطها كل البسط فتقعد ملوما محسورا .
11- كيف تصف موقفك السياسي؟
اها, هون حطنا الجمال . يعني علماني , امتعض الاشتراكية , و بتصور انو الراسمالية افضل بكتير , بس لازم الدولة تتدخل بكتير قضايا متل الطاقة و الضمان الاجتماعي و المشاريع الكبرى .
12- اذا كنت ممن غيروا دينهم/فلسفتهم، فهل قمت بإعلان ذلك على الملأ؟ كيف كان موقف الناس منك؟
يعني ما بخبي اني ملحد اذا كان في نقاش , و في كتير ناس بتدايق وقتا بحكي بها المواضيع ,و بينصدموا من اني كنت متشدد بوقت من الاوقات , و خابز وعاجن الدين, خصوصا انو الشعب بسوريا بيحب الله كتير ( ما بعرف ليش ) :P
13- هل أنت متزوج من شخص لا يشاركك الدين او الفلسفة الشخصية؟ كيف تصف علاقتكما؟
لا ماني متجوز , يعني ما بتصور اراء شريكتي المستقبلية بالدين رح تأثر على علاقتنا الا اذا كانت متطرفة كتير , يعني اذا المخلوقة متقبلتني على ما انا , فما رح يصير مشاكل , و ما بشترط انو تكون افكارها متلي لحتا نرتبط , يمكن المخلوقة تحب الله , المهم ما تحبوا اكتر ما بتحبني
14- هل تؤمن بأمور فائقة للطبيعة؟
مثال: العرافين، ذكريات حياة سابقة، أشباح، رجال فضاء و صحون طائرة، الابراج، الخ.
بتصور انو كل شي من ضمن الطبيعة و ما في شي خارق للطبيعة , واذا ما عندنا تفسير علمي حاليا لها الشي , فرح يجي يوم و يكون الو تفسير و وقتا ما رح يكون خارق للطبيعة,
و مع اني ما بامن بالغيبيات ابدا , بس انا احسن مين بيفتح فال بالفنجان
جد.
15- ما هو رأيك في الموت؟ هل تؤمن بالحياة الاخرى او بالتناسخ؟ أم أن الموت نهائي؟
الموت نهائي...... اها
16- اذا كنت تؤمن بإله، فما هو هذا الإله؟ هل هو شخص أم طاقة أم أنه هو و الكون واحد، الخ؟
صعب
17- اذا لم تكن تؤمن بوجود إله، فما هو الإله الأكثر إحتمالا بنظرك؟
مثال: إله يرسل من لا يؤمن به الى الجحيم، أو طاقة عمياء، أو إله محب جدا لا يهتم بالدين و يرسل كل الاشخاص الجيدين الى الجنة بغض النظر عن ايمانهم... الخ.
لشو وجع القلب؟؟؟؟ :P
18- ما هي وظيفتك الحالية؟ ما هي الوظيفة التي ترغب بتجريبها غير وظيفتك الحالية؟
والله طالب حاليا ( اقتصاد)
يعني ما بحب كون بوظيفة ..... انا كسلان كتير ... يعني العمل الحر , بعشق فن الطبخ فبتمنى افتح شي مطعم صغير كون فيه الشيف , و بحب كون نجار كتير , او اي عمل بيتضمن اعمال يدوية , بس النجارة بتستهويني .
يا عبد متى رأيتني في الضدين رؤية واحدة, اصطفيتك لنفسي.