أنا بزماني كنت ماشي بالشارع ...قمت شفت بناية مكتوب على حيطها :
يللي بدو يكب زبالة هون .... بدي العن ********** و بدي ********** و اعمل و سوي بكل عيلتو
هلأ انا بالبداية استغربت أنو ليش الزلمي معصب و عم يحكي هيك
بس بعد فترة عرفت .... أنو الجيران هالكين سما ربو ... بالزبالة يللي عم يرموها عند شباك بيتو
و الظاهر هالزلمي موفاضي يقعد ينطر مين عم يكب زبالة .... أو يمكن حكي معهون ... بس ما عم يفهموا بالحسنى
لذلك كاتب هالحكي مشان اذا شي حدا شاف هالعبارة ...... يستحي و يبطل يكب شي
بس الغريب أنو قدام العبارة في كومة زبالة كبيرة
يمكن يللي استحوا ماتوا
ملاحظة .... القصة قابلة للاسقاط على كتير شغلات .... و الزبالة بتكون زبالة مادية أو معنوية ....أو أي شي