اقتباس:
كاتب النص الأصلي : قاتل الملك فهد
والله يا حبيب عنا االحكومة ما بتتعدى على حدا الا ازا ما الشخص تعدى على الحكومة
على مستوى واحد مطير جريدة موقع جريدة البعث السورية الناطقة باسم حزب البعث العربي الاشتراكي
عنا شحطوه 3 شهور وفرجو عنو .
بس فما بالك بــ 7 شهور وممنوع الزيارات والاهل ؟ معناتا شغلتو اكبر من هيك بكتير .
ما فينا نقول غير الله يفرجها عليه
الله يفك سجنو ويفرجها عليه لكريم يا رب
|
حلوة هي الحكومة ما بتتعدى على حدا اولا خليك دقيق بكلامك شو هي الحكومة اللي عنا شو دخل الحكومة باجهزة المخابرات اللي بيطلعوا شي 20 بعين العدو ماالحكومة نفسها بتعينها اجهزة المخابرات
تانيا بدك تعرفلي شو يعني عامل شي بقاموس القمع المخابراتي الاسدي يعني مثلا حاكي على الفساد اللي عم يديروا بيت الاسد ومخلوف بهالبلد متل عارف دليلة ورياض سيف ولا كاتبلو شي تعليق على الانترنت معبر في عن رايو ولا حاكيلو شي نكتة ولا متل تفضلت يا رفيق متعدي على الكتاب المقدس تبع حزب البعث
اللي ما بيسوى فرنكين هو وجريدتو
قلي لشوف كم بلد بالعالم بيعتقل الانسان على تعليقات ومناقشات كتبها على الانترنت؟؟؟ وطالما شغلة كريم كبيرة متل ما عم تتهموه ومدري منلك هالمعلومات فليش ما اعتقلوا رسمي وعرضوا على قاضي وفضحو ونشروا التهم الرهيبة اللي وجهولو ياها بدل ما يخطفو متل العصابات تماما
على كل كريم مو محتاج لتعاطف اللي متلك لانو اللي بيحمل الضحية المسؤولية وبيجي ليدافع عن المجرمين لايقل اجراما عنن