أيام الانتداب الفرنسي على قولهم والاحتلال على قولنا
سرت إشاعة بالبلد قال بده يجي يوم بتكبس الظر تشعل القوة ( الكهرباء ) العالم ما صدقت قال أشو هاد تخريف وسحر وشعوذة
قاموا الفرنسيين حطوا شركة كهرباء عنا بحلب
والعالم كيفت وراحت تسجل وفي ناس ما حبيت الكهرباء قللك مصروف تاني يا أخي
قناعتنا أني الغرب هم أفهم منا أجت متأصلة من السنوات الماضية
في مثل يقول
الفرنجي برنجي
وكمان متل بينقال
متل القط الفرنجي ( يعني قط أشقر مو أسمر محنتش )
طلعت سنوات السبعينيات بالهبيز وما سواه
لاقينا محمود ياسين ونجلاء فتحي وجماعتهم الميمونة
وكل واحد مربي شعر خنافس وباكيت كنت داخل القميص الشفاف الجورسيه
معناتا هي القصة قصة قديمة طيب سبب هالقصة
أني ما عمنقدر نثبت وجودنا على الساحة العالمية ويجوز موضوع تجارة وحكر وأقتصاد وأعلان
ناس بتقول غزو ثقافي
وناس بتقول انتهاك لحرمة عاداتنا وتقاليدنا
وناس بتقول لازم نكون ديناميكيين منشان نلحق وكب التطور
بس مشكلتنا أني مناخد التطور من قفاه مع اعتذاري لهال كلمة
ما بشتري إلا من عند غوتيه
ما بعطر حالي إلا من لابيدوس
مع أنه عنا العطارين بحر بنقطة غوتيه وأمثاله
بس هيك
الفرنجي برنجي
شخصيتي ما بتكتمل إلا إذا كنت
كول
كلاس
مخملي
موضجي
أرستكرتز
ديموكراتيك
وكل شي بيتعلق بمنتج بلدنا
هذا صفر مبقجة
ما هو أنتاج البلد من عند أبوك وأبوي وجدك وجدي
بس هيك تقدر تقول عليها جكارة إذا فهمت معنى التطور يا أنت بتاع جدك وجدي
بالنسبة للأغاني
بقلكم شغله وحدة
ما بيصح إلا الصح
هلق أنا مو لأنه حلبي
لازم أسمع لصباح فخري
أو سمير جركس
الموضوع بيكون موضوع مود لا أكثر ولا أقل
وبتدخل موضوع العمر
بتطلع بتاكسي
بتلاقي واحد شالح من شحاطته والريحة مخنقة بالتكسي تقول
قاعد بحظيرة سامحونا على هال كلمة
ومشغل شريط تلبيست عرسه من خمس سنين
وحاطط صورة أبنه ملبسه بدلة عسكرية وبارودة
وعبيسمع بهالتلبيسة وباهالعرس والصوت على الأخر
وبتطلع مع تاكس تاني بتلاقي حالك قاعد بكزينو أضوية خافتة وحاطط خوليو أو ابنه
هيك رفيقو قله أسمعه وأنسا الأحزان ( قال عميواكب يعني )
بتطلع مع شخص عمره 60 سنة بيكون متقاعد ولابس بدلة شوفرية التكاسي وحاطط ملقاط على الحزام وحاطط غنية ياوبور قلي رايح على فين
موضوع الأغاني هي حرية شخصية بتعبرها وموضوع المشروبات هي حرية تقليدية فقاعية لأنه بيوم من الأيام
بده يصحى صاحبها من هالاوهم وتفقع البالونة وتنحجز أمواله بأميركا وتطب أسهم الشركة ألي حاطط فيها ومحسبها شركة ذات ثقة عالية وعمل دؤوب
موضوع حلو كتير ولطيف ومنعش وحبينا نشارككم أفراحكم وأتراحكم والله يبعد الأتراح
وشكرا لكاتب الموضوع والأعضاء
تقبلو مروري
(إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآَخِرَةِ وَاللهُ يَعْلَمُ وَأَنْتُمْ لاَ تَعْلَمُونَ) [النور:19]
|