مرحباً ,,,
هاد يا جماعة الخِير ما رح يتركوا الناس تفرغ هالشحنات اللي بصدورها بالنت ولازم يعرفوا بهالحالة انه بخففوا من الضغط اللي على صدور الناس جراء كتابتهم ,,,
لتقريب الصُّورة أكثَر واكثر للاخوة هنا ,,, بالبيت إذا كان عندك أخ صغير أو ابنك وبنتك ازا كنت متزوج أو أي واحد انت بتمون عليه من حيث كبر السِّن مثلاً حاول انك تفتح له مجال ليفرغ اللي بقلبه ان كان باتجاهك او باتجاه الوضع اللي بالبيت ولا تجبره على مبدأ اللبن لونه أسوَد بالقوة والتعنت والحيوَنة ( متل ما بقولوا بالعاميَّة )
فبيطلع حيوان متل يلِّي عوَّده لانه هيك بتطلع اخوك الصغير امَّعة ومخه طلطمِيس بين النَّاس وخوَّاف وجبان ومرتبِك على طول بحياته إن أخد هاد المسَار بحياته ....!!!
فحاول انَّك تعوده على الصَّراحة مهما ارتكب من ذنوب او قام بشيء خاطىء عوده
بالطرق الجميلة والكلام الحلو ورح تلاقيه مستجيب لانه دائماً الكلمة الحلوة هي
الأقوى مفعولاً مع عامل الصَّبر ...
وللأسف يا اخوان نحن بالشَّارع العربي بشكل عام والسوري بشكل خاص _( بما انه
نحن عمنحكي عن بلدنا وحكومتنا ) عميطلع الشَّعب جبان وبخاف من خياله ومن الحيط
لا يسمعه عند تفريغ شحنة بسبب هذه الظروف التعيسة الَّتي يمر بها معظم النَّاس )
هذا من جهة ...
ومن جهة تانية بتلاقي فئة اُخرى روح قلبها تمسيح الجوخ والكولكة والكذب والنِّفاق
وعلى طول نعم نعم مافي شي عندهم اسمه لا وبمجدوا وبعظموا ومو ناقِص غير انهم يعبدوا هالحكَّام ويتركوا رب العالَمين ويتهافتوا نحوَ الحكَّام وكانه بعمرهم
مو شايفين ناس متلهم ...
طبعاً هي الفئة معظمها مستفيدة من وضع البلَد من وظائف ومناصِب طالما صاحح لهم مناصب حلوة فيها دخل جيد من رشاوي وغيره وغيراته وواسطات على
أبو موزة وأكل خ** بشكل عام .
هلأ هالفئة لو سألوك بخصوص وضع بلدَك وما يحيط به من مخاطر هل انتَ مع بلدك وحكومتك أم ضدَّها فالجواب بالتَّأكِيد انت مع بلدك ضد أي خطر خارجِي مهما كان بسبب حبك لوطنك وغيرتك عليه وهنن رح يأيدوك بهالكلام
بالمظاهر فقط لا غير لكن وقت الجَد ويصير شي خطَر علينا لا سمح الله ولا قدَّر رح تشوف هدول التيوس اول ما رح يرفع الرَّاية البيضا ويركب على دبابات العدو لما يهاجم بلدك مع انهم مستفيدين من البلد بشكل عام إلا انَّ الخائِن
يبقى خائِن ومنافِق ويتظاهر بالحب والإخلاص أمَّا أنتَ يامن تحزن على أوضاعك وأوضاع بلدك فتبقى إلى جانب وطنك مهما كلَّف الثَّمن لأنَّك شريف وستبقى شريف إبن أصل ...