اقتباس:
كاتب النص الأصلي : اممي
يمكن الي راح يقرا هالموضوع راح يعتبر تحشيش بس عنجد هاد الموضوع جاد وللغاية
قبل شي 10 سنين قريت هالعبارة عالحيط...يسقط سامر
عنجد شو اضحكت علي الي كاتبها بس هلق حاسس ان قديش كانت عبارة عميقة
سامر هالشي الي كان حارقلو قلبوا بكل الشغلات السودة الي كانت عم تنغص حياة هالاكس من الناس
الي كتب هالمسبة
يمكن هالعبارة بالتحديد بتريح كتير
يعني علي ايام ابي كانوا بيطلعوا بالمظاهرات بيرددوها كتير يسقط الملك او تسقط الامبريالية لوصلوا بعدها للجوع والامية ...
ابي كان بيقلي ان كلما كان بيعلوا اصواتهن اكثر كلما كان بيرتاح وبيحس انهم عنجد عم يحقق هالاحلام
هلق اليوم ماصفي غير سامر ليسقط يمكن ما سامر كان المقصود بس يمكن من كتر ماصارت الشغلات الي صارت بتارق علينا حياتنا كتيرة صار من الصعب نسميها باسمها وبالتالي بنحاول نسقطها من قواميسنا
وكرمز لكل شي اسود بهالحياة بتمني ان تخلص من ....ولحد ماتخلص من
فاليسقط سامر
وليسقط سامر
|
طيب .... كنا آخدين الموضوع مزح و ما عجبكون
هلأ اذا بدنا نحكي جد
فكرة هالموضوع كتير ضعيفة و سطحية ....و بتدل على سطحية و روح انهزامية الشعب العربي
هالشعب يللي احدا سماتو ... هي الجعجعة بلا طحين
يعني .... لما بسب على الاستعمار ... بفكر حالو حقق شي
لما بسب الحاكم يللي عم يستغلو .. بفكر حالو تحرر ..بس بالحقيقة ... هالحاكم آخدو على قد عقلو ... لا بل مكيف عليه
و الاشيا السودا الموجودة بحياتك .. ما بتتخلص منها لما بتسبها ... حتى اذا حسيت حالك ارتحت
لا على العكس .. اذا حسيت حالك ارتحت بهيك شي .. فهون المصيبة الكبيرة