شي ظريف ..
يعني مو بس بدك مقاومة ، لاء وبدك ياهن حصراً عرب ومسلمين ..
واذا خليت شو بيصير ؟ خربت!؟
بنعطيهون البلد انو " سوري يا جماعة ، لقينا كل المدافعين اللي عنا مو مسلمين .. تفضـّلو خدوها مشان الله ما تواخزونا "
لاء ولا قلك ؟ تعال نبلش وحدة وحدة ... بخاف انسى شي نقطة ..
اولاً : مافي داعي لاسلوب X تاج ع راس Y ... مانـّا عم نتقاتل هون ، هئ تأكد انو مو قتال الشغلة .. مجردّ نقاش بيجوز يصير حادّ ، بس بيبقى ضمن الاصول ..
وبالنقاش احتمال وارد جداً انك ما تكون معي - شي طبيعي ، وبتقبــّلو - ، بس ما بتكسرلي راسي وبتقللي انا الصح وبلدي وبس ومن بعدنا الطوفان - هاد ما بتقبـّلو - ..
لانو هيك بتكون رجعت للقتال - واللي هو غير محبّــذ فيه - ، وبعــّدت كتير عن الاخد والعطى بالنقاش - اسمعني وبسمعك ، بكل هدوء - ...
النقطة التانية : " نحنا عرب وبنفتخر ببعضنا" ، رأيك .. وانت حر فيه ، بس انا ما بتــّفق معك !
بركي انا عربي بس ما بفتخر بهالشي ؟ وبركي انا مو عربي وبفتخر بهالشي ؟؟
بركي يا اخي انا هيك !؟
بئا لا تعمــّم حالتك عالكل ...
+ السوريين وان كانو بينادو بالعروبة ، بس نسبة كبيرة منهم مو عرب ( القصد ، اصولهم غير عربية ) .. - هي معلومة جانبية تاريخية .. مشان اذا حابب تتأكد -
النقطة التالتة : وقت اللي بيكون عدوّك واقف عالباب ، و جيرانك خونة .. برأيي رح تتحالف مع الشيطان على انــك ترضى ترضخ الو - طبعاً وجود الكرامة شي اساسي هون ، لانو في عالم بتبيعا بثانية لتأمــّن ع حالا -
والمشكلة اللي صايرة انــو اللي عرب اباً عن جد ، هنن اوّل من بيبع العروبة !! و " بلا عروبة بلا يبرق " ...
النقطة الرابعة : وين صار التهجــّم بالموضوع ؟ على شعبها !؟؟ وين ؟
بالنهاية ..
اهلين .. تحياتك وصلت ..
~*¤ô§ô¤*~ No Pain ... No Gain ~*¤ô§ô¤*~
المقاومة مخاطبة الحكّام العرب : لعن الله أناس مثلكم ، فقد أردت لكم الحياة فأردتم لي الموت ...
نسيَ الطينُ ساعةً أنــّه طينُُ ُ حقيــرُ ُ ... فـصالَ تيهاً وعربـــَد ...