[^M^]

كاتب النص الأصلي : روح الحق

اشكرك اخ ام على ردك واعتبره بداية للحوار
ولكن يبدو انك لم تقرا رسالتى جيدا فانا اوردت ايات تحرم السكر بالخمر من الكتاب المقدس وهذا احقاقا للحق ولكن ماذا عن التوصية باعطاء الهالكين خمرا لينسوا تعاستهم وفقرهم اليس هذا امرا بالسكر حتى ينسوا وهو ما يناقض تحريم السكر

بالنسبه للعهد القديم والتوراه انا ما عندي كتير معرفه فيه , العهد الجديد واعمال الرسل والسيد المسيح بهموني اكتر .. من شان هيك بترك هدا الموضوع لحدا بعرف اكتر مني

ثم القليل الذى يذكره بولس ولم يحدده فهل تعلم ان هناك انواعا من الخمور يسكر القليل منها اذن هو قليل حسب وصية بولس

"ولا تسكروا بالخمر الذي فيه الخلاعة، بل إمتلئوا بالروح"
بفكر انو هدا جواب كافي .. كل اشي ممكن يسكر الانسان لازم نبتعد عنو

تحويل يسوع الماء لخمر فى عرس جلس اصحابه يسكرون واكررها يسكرون بالخمر كما وضحت من قبل

اول اشي خلينا نتفق انو القليل من الخمر ما فيها اشي وخاصه في المناسبات الاجتماعيه ..
اما انو سكروا بالخمر في العرس , جيبلي الايه من الاناجيل الاربعه كامله من شان اشوف

ومقارنة كل هذا بالتحريم القاطع فى الاسلام بل ومعاقبة شاربها بالجلد ثمانين جلدة اليس هذا تشديد لينفر الناس منها اما انتم فبم تعاقبون شارب الخمر

اول اشي بلاها المقارنه , بعدين السكير او السارق او القاتل او الزاني شو ما بدك ما حدا بحقلوا يعاقبوا في الله وبفكر ما حدا منا حابب ياخد محل الله

انتم تقولون ان النبى محمد هو رسول الشيطان وانا اتسائل هل يشدد الشيطان هكذا ليمنع شرب الخمر نهائيا

احنا لا منقول رسول الله ولا رسول السلطان , انا من جهتي مش فارقه معي ولا بفكر بالموضوع
انا الحمدالله مأمنه بالله بالمسيح وبالروح القدس ومرتاحه ومبسوطه كتير بحياتي (شايف انا بنت يعني يا اخت اوكي ؟ )

والرب كما تدعون يسمح بالقليل اذن فانظر ماذا فعل هذا القليل بالغرب المسيحى وباتباع يسوع لقد حولكم الى امه من شاربى الخمر اهذه هى ثماركم كما قال يسوع من ثمارهم تعرفهم

هدا حكي كتير كبير .. اتباع المسيح مش كم واحد بتشوفن بالتلفزيون او بتسمع عنون واتباع المسيح مش اللي خلقو وبهويتهن مكتوب "مسيحي" اتباع المسيح هني اللي بمشي على تعاليم المسيح
بعدين الغرب اللي عم بتفكر فيهن ما بمتلوا اتباع المسيح وما الون علاقه بالمسيحيه .

الغريب هو حالة الصمت المطبق التى تعتريكم فمن يرد انما يوضح فقط كم هو السكر حرام

الكل بعرف انو السكر حرام , وكل واحد حر بحياتو يعمل شو ما بدو الكل بعرف الله واللي ما بعرفوا في كتير طرق انو يتعرف عليه .. والانسان لازم يلحق الدين مش الدين يلحقوا
كمان شغله عسيرة حالة الصمت .. شوفو شو بدكو تعملو بالنسبه للوضع العام عندكو !!!

فهل اعجزتكم تساؤلاتى لهذا الحد

مش شافه بالموضوع ولا اي تعجيز ومش شايفه اي مشكله بالموضع

ام انكم تخجلون من موقف دينكم من الخمر وخصوصا مع التغليظ الشديد على الخمر فى الدين الاسلامى

مستحييل انو نخجل بدينا بالعكس انا كتير فخوره بديني وبشكر الله 100 مره بالنهار انو خلقني حاطه صليب برقبتي.


وما تنسى انو الممنوع مرغوب , وانا حسب رايي انو الكبت اللي عايشينو بالاسلام بخليه الكتير منكو لما يحسوا حالون بعدو شوي عن مجتمعون بانجرفوا ورى كل هاي الاشيا اللي محرمه بالاسلام

مبدأ التحريم كلو عبعضوا ما بتقبلوا الواحد ازا ما قتنع هو من حالو ولا ممكن اي دين او اي مجتمع يقدر يردوا عن اللي ببالو

من شان هيك ليش تنستنى الدين تنو يقلنا ما تلبس هيك , وما تعمل هيك و ما تاكل ولا تشرب كزا كزا ..
هاي اشيا تافه وسطحيه كتير اكتر ما محملينا , الدين شغلتو اعمق من هيك بكتير