[مالك الحلبي]

السلام عليكم
تحياتي لكاتب الموضوع ولجميع من ساهم وللقائمين على المنتدى
........
موضوع الثقافة بتحطوه على جنب وموضوع العلم بطرف تاني
وبعدين في شي اسمه طبقات المجتمع طبعا لا تقاس بالمال لكن بالفكر
وطبعا لا عبنظر ولا عبأفلم عليكم
هلق كل شي بالدنيا في شي أسمه مثلا رئيس ووزير وشعب
يعني ولي الأمر
وطبعا ولي أمر المنزل هو الرجل
البنات بيقلولي ليش طيب البنات مالازم يكونو ولي أمر بقلكم أيه بيكونو وقت الرجال بيكون غايب مثلا
ما بدنا نخدق بتعشبات فلسفية بالموضوع لأنه أله مية شعب بشعب
هلق انا زلمة مالي مثقف بتجوز دكتورة وبتبرك بتغازلني وبتقلي
أحباط وتكنوقراط ميتافيزيقية
بحياتا ما بدا تصير عيشة
معناتا المتل بيقول :
ألي متلنا تعو لعنا
المثقف بياخد مثقفة
والعامي بياخد عامية
طيب أرتفاع مستوى الثقافي عن شريكه الثقافي الأخر إذا أرتفع رينجه
هل هذا يسبب وجع راس
طبعا حسب عقلية الشخص
في ناس إذا حفظو قصيدة بصيرو المتنبي
بس بالأول والأخير هو الحب وهو فلتر كربرتور شاحنة الحياة
يعني بمعنى أصح أنا بحب خطيبتي وهي بتحبني هل وهنا منبع السؤال هل ؟
هل إذا ترفعت في المناصب وبلغت درجات العلم والمركز أنا بتحسس من هالموضوع ؟
بالنسبة ألي ايه بتحسس بيجوز أنا رجعي أو جاهل أو شرقي
إن أسمى عمل يقوم بفعله الكائن الحي هو المرأة في تربية أولادها
بقى أهم شي الأولاد
طيب سؤال شلون المرأة بدها تعلم أولادها والوضع الأقتصادي دائر شوي
هلق تنسيقات ترتيبات هندسات بيقدرو يظبطو العيشة
وألي بده يتسقف منشان يعلم أولاده بيتسقف ولو كان بالحديقة العامة عنا بحلب
طيب موضوع الأمر والنهي بالمنزل
هذا بيعود للرجل
وموضوع الأمر والنهي بالخطبة هذا بيعود لنوايا ومأرب الأطراف المتصارعة
منرجع منقول شغلة وهي الزبدة ألي بده يهرب من بنت أو
لاحظو بكلمة أو بنت تهرب من شب منشان برشانة بوظة كرز بيفكو عن بعض
وألي البنت بدها الشب والشب بده البنت إذا قامت الحرب العالمية التالتة ما بتركو بعض
ودمتم ودام فضلكم وعلمكم وأهلكم وزريتكم
تقبلو أشواقي وتحياتي وقبلاتي
كان معكم مالك الحلبي من جورة الهم