[Leonardo da vinci]

فيلم جديد هوليوودي أمريكي

فيلم القصة تبعيتو حلوة وما بها شي ، بينشاف يعني ، بس يعني حسيتها مكررة كتير القصة

بدور معظم أحداث الفيلم بروسيا و خصوصاً بالعاصمة الروسية موسكو و مدينة سان بطرس بيرغ

البطل بيكون أسمو بالفيلم العميل 47 أو Agent 47 وهو بيكون موظف من قبل ال CIA الأمريكية لتنفيذ مهمات خارج الولايات الملتصقة الأمريكية

وكالعادة بالأفلام الأمريكية بتخرط مشطو بنت ولا أروع شي فاخر عالآخر ، يعني هيك شي شيك و على كيف الشبيحة الطيبة

وبيكون عندو الأفندي مهمة أغتيال الرئيس الروسي الي عم يجري إنتخابو من قبل الشعب و لازم كمان يقتل مجموعة من الشخصيات الروسية

وبتعلق ، و بيشتغل الطاخ و الطيخ ، وأخونا بالفيلم بيكون خريج مدرسة لتخريج القتلة المأجورين من إفريقيا و شغلة كبيرة

بيصير عمك الأنتربول الدولي يلاحقو و بدو يلقي القبض عليه بس ما باليد حيلة ، بتصير الشرطة السرية الروسية بالتعاون مع المخابرات الروسية تتدخل بالقضية لحتى تزيح الإنتربول عن الدرب بس ما بتظبط القصة

المهم بالأخير بينفذ المهمة بنجاح ، وبأنقذوه ال CIA من أيدي الإنتربول بعد معركة دامية بآخر الفيلم بينو و بين الإنتربول و بين الشرطة الروسية

الفيلم أخد بموقع IMDB حوالي 6.4/10 بعد ما صوتلو شي 14510 منغولي
و يصنف الفيل تحت خانة الأكشن و الجريمة و تعليم فن القتل (هي الأخيرة من عندي )


هالعلاك كلو بيكون من بطولة الممثل الغير معروف مسبقاً بكتير من الأفلام

Timothy Olyphant



و الممثلة الشقفة
ولييييي على طولي بالفيلم ، أي بيعرضي بتشل أي لاتشيلي ولا طل الخبر
Olga Kurylenko


حاج ممثلين لأنو هدول هنه أبطال الفيل و الباقي شغلة مقطع أو مقطعين


المهم منكمل

الفيلم من إنتاج شركة Anka Film


ومن إخراج المخرج Xavier Gens


والكاتب السيد Skip Woods


شو كمان بدنا نلعي عن الفيلم
والله ما بعرف


طيب أنتو شوفو الفيلم و يلي ما عجبو مو يجي يسبني لأنو مادخلني أنا

ومشان الفرجة شباب ، ما بنصح وجود الأهل وشبيحة البيت معك
يعني قعود هيك لحالك بالليل و تفرج على كيفك
لأنو و بصراحة في لقطتين بالفيلم هيك شغلههههههههههه

و فينك تنط على أي محل سيديات تحت البيت شيتك أو شي محل بعيد يعني انت ومروتك و تشتريه
حقو 25 عالبسطة واذا أنغشيت بتتخورف بشي 25 تانية

ويلي قليل مروة يعني ، وهيك **زو تقيلة
هي رابط ، حملو و تفرج
http://rapidfile.net/?d=5B7801EB4

بس مو تجي تقلي الصورة مو حلوة و ما بعرف شو
أخي هادا الموجود

و دمتم