[كهربجي]

كاتب النص الأصلي : dimozi

سلام خيو


هلاء اذا الغسالة بالبيت عملت شورط, فضربت لمبة الصالون و احترق التلفزيون و شريط البيشون انقطع و مروحة الكومبيوتر عم تطالع شرر,






و معك مفك فاحص و بكرة شرطيطيون حمرا








شو بيكون غدا سعدو ؟؟؟

خيو بستل هالتلفون و بحكي مع شي كهربجي وبطلبلو لسعدو غدا نخاعات وجمبري.. والتحلاية بقلاوة مع تارت


fady juventus
السيد كهربجي المحترم
شفلنا هالأسئلة و يا ريت تكون صريييييح بإجاباتك
إي بعيوني ليش لأ
1- الأخ اللي قبلي سألك عن معنى اسمك و أنا بدي أعرف بعد إذنك اسمك الحقيقي.
علاء
2- من خلال مشاركاتك بينتلنا إنك لاديني ... عندك مشكلة باتخاذ أصدقاء متدينيين (متدين و ليس متطرف) ولا بتحس بنفور من هيك شخص ؟
لا ما عندي مشكلة.. على عكس ما بيتوقعو الناس عادة انا عندي اصدقاء متدينين، شي بيصلي خمس مرات باليوم وشي بيروح عالكنيسة كل أحد.. وبما أني أنقز من هاد الموضوع... وطبعاً مو هدول هنن اللي بدي ياهون يكونو أصدقائي.. أصدقائي بيفهموني
3- كمان إنت من أشد أعداء الطائفية بالأخوية ... بصراحة ما مر عليك موقف إنت تصرفت فيه بميل لطائفتك ؟ وإذا كان إي شو هوي الموقف ؟ (الموقف بالحياة العادية أو حتى بأخوية)
إي مرة حسيت حالي طائفي ضد طائفة أهلي نفسها.. والسبب أنو كنت عم دافع عن حدا من طائفة تانية على مبدأ أنو كلو أضرب من بعضو لما بيكون متعصب
4- شو رأيك بالمشرفين بأخوية ؟ شو النسبة اللي بتعطيها للمشرفين الجيدين من مية ؟
بيجننو.. من أحسن الناس اللي بحياتك بتتعرف عليهن.. رغم أنو كتير أحيان منختلف..المشكلة أنو الناس ما بتقدر الشغل اللي منشتغلو..