[ريتــا]

كاتب النص الأصلي : التقرير الجوال

بصراحه عزيزتي ريتا " الكلمات عاجزه عن التعبير"
عم حاول ادخل بالموضوع دخله منطقيه بس عم افشل.
بدي منك تتقبلي محاواتي التي سأطرح.!
هل للمراه مهارات حياتيه مثل ما يملك الرجل.؟
بدي احكي اذا سمحتي عن علم الحياه او ممارسه الحياه و اكتساب خبرات منها.. المجتمعات العربيه بتكون فيها المراه مقيده نوعاً ما بالظهور خارج البيت و بكل الاحداث الاجتماعيه مما يؤدي غلى اضعاف خبرتها الحياتيه...يعني التعرف على كامل المجتمع بصالحه و طالحه.
أما فكرياً ففكرتك قائمه بشرط حصر الثقافه ضمن العلوم "دراسات و تكنلوجيا, أدب فن فكر طب " هون بتلاقي تفوق المرأه ثقافياً...طبعا ما بدي احكي عن الوجه الآخر بس بدي قللك اذا كانت شريكتي اكثر ثقافه مني فرح ارفعلها الـ
Chapeau و قللها I"m so proud of you darling .

شكراً .

ما بدي جاوبك ع سؤالك و بالاخير تحكي اني متحيزة , و اني بدي انصر المرأة و خلص
بس راح جاوبك بطريقة منطقية
هلأ انو ضروري انو تكون المرأة بتعرف كل شي بيصير بالبلد من مناسبات لحفلات لمش عارفة شو ...
و لازم تكون كل يوم بتضهر و بتروح و بتجي عشان يكون عندا مهارات حياتية
بتعرف , لو الرجل يحاول يعيش حياة المرأة , يوم , راح يشوف اديش بيكتسب مهارات
لانو المراة كل يوم بتتعامل مع اشيا الها اول ما الها اخر
مثلا المرأة المتزوجة الي ما بتضهر
كل يوم بتتعامل مع متطلبات زوجها , و ولادها , و بيتها , و جيرانها, و اهل زوجها ....
لازم تكون كل يوم ظاهرة بشكل منيح قدامون هيدول كلون
و بعتقد من كتر التعامل معون بتكتسب مهارات كتير
و بعدين المرأة بتربي ولادا, و بتوقف حدون, و بتساعد جوزا
و كل الي بتعمله ببيتها ما بدا تكتسب مهارات حياتية
ما ضروري تكون بتشتغل
ولا كل يوم بتضهر , عشان يكون عندها خبرات

ما بعرف اذا هيك الجواب مفروض يكون
بس اعذرني ملخبطة شوي
المهم ننتقل للشي التاني
انا ما قصدت بالثقافة (( العلوم و التكنولوجيا و الطب)) و بس , انا قلتا قبل , انو ما ضروري كل واحد مثقف يكون بيقرا و يكتب
اوكى في جزء من الثقافة بيجي من العلم
بس انا قصدت كمانا ثقافتها بالحياة
طريقة تفكيرها و ادراكها للامور , و ذكائها...

و المفروض بايامنا هاي الرجل يدور ع المرأة االعصرية الي بتجمع بين الوعي والثقافة
و بيكفي انو الي بيلاقي امرأة مثقفة بيكون لقى سند اله, في حياته و مماته من بعدو,و عقل مخلص اله, و كتاب ممكن يرجع بكل امور حياته و يستشيره

طولت بالرد , اسفة ع التاخير
بس احترت كتير انا و عم اكتب
اني واي
بحكيلك الله يوفقك
و ان شاء الله بتفرح بنجاح و تقدم شريكتك المستقبلية