ليش الرجل بيهرب .. من المرأة المثقفة ..
هلق غير المثقف ما بيحب البنت المثقفة لأنو ما بيقدر يتحمل تفوق الأنثى عليه ما بيقدر يتنازل عن تفوقه الذكوري ( مثلا من الجمل اللي منسمعا كتير .. انو ما باخد وحدة شهادتا أعلى من شهادتي *)
هلق المثقف كمااااااان ما بيحب البنت المثقفة لأنو بيحب بغروره .. فأنو لازم يقلا
حبيبي الأرض بتدور
فهي تتفاجئ وتقلو عن جد حبيبي بتدور .. وتصفقلو " انو ما معقول شو زكي وفتح " 
انو لازم يحكي وهية تصفق ..
لازم يكون الضو عليه وهو الرجل العظيم اللي " وراءه " إمرأة .. لازم يحس حالو مميز بخمسة .. 
الرجل لا يبحث عن الثقافة في المرأة .. لأنو عم يبحث عن أشياء تانية ..
فالمرأة اللي بتلون وشا وبتلبس كعب ما بيريحا وبتلبس تنورة وبتقعد بتشد فيها طول الوقت مشان تلفت نظرو للرجل وبتعمل مليون شغلة بتسبب ألم يمكن .. للفت نظر الرجل
لو كان أغلب الرجال بيحتاجو ثقافة لينلفت نظرو .. كانت سعت تكون ثقافة
( من القصص المضحكة اللي بتذكرن وقت قررت سجل تاني كلية .. انو وحدة سألتني ما بتخافي انو ما تتجوزي من وين بدو تحوشي واحد بيرضى مرتو يكون معها شهادتين )
|