اقتباس:
بدك إلحشلك هالكم سؤال من دون مقدمات هيك خبط لزق
|
أي استغل الفرصة العرض محدود
اقتباس:
|
-من أنت "فيك تحكي عن حالك شو اعتقاداتك هواياتك شو بتحب شو بتكره الى ما هنالك"
|
و الله ما بعرف شو بدي احكيلك... خيو القيلك نظرة عالردود السابقة اذا بيكفو تمام اذا ما بيكفو احكيلي شو بدك تعرف
اقتباس:
|
-أين تحب ان تجد نفسك " المكان الذي يدخل البهجه في قلبك.
|
أكيد الأماكن حسب الشعور... لكن طبعا المكان اللي يكون عندي فيه طمأنينة الحرية هو الأفضل.. و اذا هالمكان مسموح فيه التدخين و في قهوة و كومة كتب و انترنت يكون تمام تمام
اقتباس:
|
-من خلال وجهه نظرك..... -ما الشيئ الذي لم تقدمه المسيحيه للمسيحيين.
|
أتصور انو لما المسيحي يكون معتنق الفكر المسيحي بشكل كامل و مقتنع فيه بيكون حاز على كل الأجوبة على تساؤلاتو و هالأمر عطاه الطمأنينة و أبعد عنو عذاب الشك. لذلك ما بعتقد انو ناقصو شي روحي أو فكري.... بعدين كحالات فردية يعني كل واحد عندو نواقص أكيد بس الدين ما بعتقد الو علاقة فيها
اقتباس:
|
-ما الشيئ الذي لم يقدمه الاسلام للمسلمين.
|
نفس الاجابة الفوقانية بس بدل مسيحي مسلم
اقتباس:
|
-ما هي نسبه المثقفين في "أخويه"
|
ما عندي مقدرة فكرية أو سلطة معرفية لحتى احكم على شخص انو مثقف أو لأ.. حتى على نفسي.. ممكن يكون الي رأي بس.
الأخوية فيها ناس كتير مستواهون الثقافي عالي, و الأحلى انو في تنوّع فكري جميل جدا
اقتباس:
|
-هل العرب مازالو يتخبطون في غياهب التخلف... أم أنهم قد خطوا الخطوات الاولى على سلم التطور.
|
ما بعتقد بالعرب ككيان موحّد... يعني اذا بتسمحلي خليني احكي عن سوريا لأنو هوي البلد "العربي" الوحيد اللي بعرفو, و الباقي ما بعرفهون لذلك ما عندي الحق انو احكي عنهون.
سوريا بلد ذو طاقات و قدرات فكرية و علمية هائلة... ناقصنا يمكن انو نؤمن بامكانياتنا الفكرية أكتر و ننال قدر أكبر من الثقة بالذات... بمعنى آخر انو لازم تنتهي عقدة الخواجة اللي تخلينا نعتقد انو الاجنبي أفضل لأنو أجنبي فقط.
اقتباس:
|
-من وجهه نظرك... ما هو جوهر الحرب على الاديان
|
ما في حرب عالأديان. اذا قصدك الهجمة العسكرية و الامبريالية فأنا مقتنع انها ليست على الاديان انما السبب اقتصادي بحت. هاد بما يخص الاسلام. بالنسبة للمسيحية أكيد الرفض هو عالسلطة الكنسية اللي يبدو أحيانا انو كانت نايمة و ما حست شو صار بآخر 500 سنة. مو عالدين كفكر..
اقتباس:
|
-نصيحه تقدمها لصاحب النظره المحدوده أو الشخص الذي لا يرى أبعد من أنفه.
|
ما فيني أحكم ع شخص انو ذو فكر محدود... ما عندي هالامكانية الفكرية.. ممكن يكون رأيي فيه هيك و ساعتها بنصحو انو يفتح افقو, أو عالأقل انو يحاول هالشي, و الاتجاه مو أنا بحددو...خليه لحالو
كلمة غرب ظالمة. و السبب هو التالي... بالنسبة النا من اليونان نحو الغرب (كاتجاه جغرافي) كلو غرب بالنسبة النا و هالشي مو صحيح, في خليط غير متجانس من الشعوب مجتمعة الآن لمصلحة اقتصادية سياسية و هالاجتماع مرحلي..
فيني احكي عن الجزء من "الغرب" اللي بعرفو... هنن شعوب رغم كل مشاكلهون و مساوئهو عرفو يقولو لهون و بس و عرفو يتخلصو من قيود سابقة كانت ماسكتهون (مو شرط قيد ديني) غلطو كتير أكيد في فترات كبيرة من التاريخ و هنن مدينين لكتير من الشعوب الاخرى على الأقل باعتذار.. أكيد ليسو الشعب المثالي بس عرفو يتخلصو من التابوهات و الأحكام الدوغماتية.. و كلفهون كتير هالتخلص, حربين عالميات عدا المشاكل الاخرى
اعتقد لازم ناخد منهون هالمبدأ بس نتعلّم نعيد صياغتو بما يناسبنا ... متل ما عملت اليابان مثلا. اللي هي من أكتر دول العالم تطورا و مع ذلك من أكثر الدول حفاظا على تراثها و هويتها لأنو عرفت تاخد من الغرب ما يناسبها و "قولبته" بما يناسب خصوصياتها مع الاحتفاظ بحضارتها.
اقتباس:
- " إن لم يكن ما تريد...فلا تكن ما يراد"
هل انت مع هذه المقوله..هل هي شيئ من اعتقادك الشخصي.؟
|
اذا شي بيخصني بذاتي لازم يكون كما أريد أنا لأنو هاد أمر أنا و فقط أنا اللي أحددو... فيما تبقى حسب القضية يكون الاختيار
المقتنع بنفسو و اللي ضميرو مرتاح.... شخص ضميرو حي و مرتاح أقوى من كل جيوش الدنيا حتى لو فيك تلغيه برصاصة وحدة
اقتباس:
|
-لماذا اعتناق اللا دينيه.؟ هل الاديان السماويه قاصره على التشريع و تحقيق العداله و المساواة.؟
|
اللادينية مانها جاكيت ينلبس و لا هي كتاب يندرس.... هي عدم الاكتفاء بالموجود و الجاهز من الاجوبة و البحث عن أجوبتك الخاصة لكل مسألة من المسائل.. مهما كانت صغيرة... أكيد عندي أجوبة أجت من الدين بكونه مرحلة من مراحل التطور الانساني و لا أنكر الدين لمجرد اني أنا شخص لاديني... اذا الجواب المقنع لسؤالي المرحلي نابع من الفكر الديني ما عندي مشكلة أبد باني أتبناه...
عدم اكتفائي بالموجود و الجاهز لا يعني فقط عدم اكتفائي بالفكر الديني انما ايضا فكر فلاسفة اللادين... مو شرط اكون متبني شي لمجرد او مفكر لا ديني حكاه... باخد اللي يناسبني من أي مكان
اقتباس:
|
-هل أنت لاديني شمولي أو جزئي.
|
أعتقد جاوبتك بالسؤال السابق
