[TheLight]

كاتب النص الأصلي : butterfly

انو السنة كرمو سهيل عرفة بمناسبة " دمشق عاصمة الثقافة " ..
هادا يا سيدي سهيل عرفة لحن
" عالبساطة البساطة "
والغنية بتقول .. ( يوه شو معلاقي كبير اليوم )

هلق أنت بالرد اللي ضربلي ععصبي


1) - برأيك الزواج ؟ علاقة شراكة وحب ؟ ولا علاقة منفعة ؟ عطيني تعريف للزواج بمفهومك .. لأنو حسب ما فهمت من الرد ... حسيتو اقرب لعلاقة الطفيلي بالمضيف
أي هاد يللي عم حاول أحكيه من مدري قديش...الزواج مش علاقة تطفل هو علاقة تكامل بين التنين...قائم ع المساندة والتعاضد....اوالمقلب يللي بياكلو الواحد انو ما بيحصل ع شريكة بتحقق ه المعادلة...

2) - برأيك كنت منصف للمرأة اليوم ؟ المرأة اللي صارت عم تنزل عالشغل وتنتج قد الرجل ويمكن أكتر ؟
مابعتقدت أني ظلمت المرأة بردودي...كل ما اعربت عنه عدم قناعتي بسهولةايجاد المرأة المثالية يللي ممكن فكر بالارتباط فيها (كما هو برأي بعض النساء صعب ايجاد الرجل المثالي)
بالنهاية هي مغامرة وقد لا امتلك الجرأة ع خوضها...

3) - شو رأيك بالبساطة ؟
هل انت شخص بسيط ولا التعقيد و القصص تبعون الثقافة وهالقصص سرقت منك بساطتك ؟
أنا شخص مو بسيط لاء...بعترف أني بحمل الامور كتير...بعقدها كتير...بعقد حياتي كتير....
اما شو يللي سرق مني بساطتي فما بعرف اذا القصص تبعون الثقافة وهالقصص هن يللي سرقوا مني هالشي...
ما سألت ولا مرة حالي شو الاسباب....
بعدين كل هالردود بالمقلاية ما بينت قديشني معقد ومفزلك؟؟؟؟
- رح حطلك صورتين .. وبدي تقلي أول ذكرى بتتذكرا فين ... ديل ؟


و




أول صورة بتذكرني بسطح بيت جدي...قعدات سلق القمح والنزلة ع قبر الزير (وهو منطقة بقلب الوادي)

تاني صورة بتذكرني بمكتب أبي...تاني طابق ع اليسار...