[TheLight]

كاتب النص الأصلي : was616im

كيفك دكتور حسان
حاليا منيح...بس ما بعرف بعد شوي...
الك عندي هيك كم سؤال خفاف نضاف :

1-برايك الديمقراطية بتلبق للعرب شي؟؟
الديمقراطية ممكن تلبق العرب...بس مش حاليا....
المشكلة بالديمقراطية أنو قابلية تطبيقها مرتبطة بالبنية الاجتماعية للمجتمع...
بمعنى تاني....الديمقراطية بالبلدان العربية بتصدم بشغلتين أساسيتين...هن أولا التعددية الدينية والطائفية....تنين التعددية الاقليمية والشعوبية.....
من الصعب والصعب جدا تطبق ديمقراطية حقيقية ببلد متل لبنان او سوريا مثلا....والتجربة في لبنان نسبيا بعدها نوعا ما ناجحة بحكم وجود اتفاق الطائف...
وكمان من الصعب جدا تطبيق الديمقراطية بشكل حقيقي ببلد متل الجزائر بوجود العرب والامازيغ مثلا...أو ببلد متل العراق فيه عرب واكراد....
دائما حيكون في طرف مظلوم وهو الاقلية...
وبالتالي في خطوات أولى لازم تنخطى قبل محاولة تطبيق الديمقراطية....وبرأيي مستحيل تتحقق...

2-اذا اتعينت سفير سورية بفرنسا عددلي اهم 7 شغلات بتسعى بكل جهدك انك تحققن
حاليا ماني بوارد صير سفير لسوريا بفرنسا....بس بالمستقبل بيجوز...
المهم...الشغلات يللي بدي حاول حققهن هن ذو طابع ثقافي فكري حصرا كونه ما عند السفير دور بتحسين العلاقات السياسية بين البلدين...
1- نقل صورة ايجابية للمواطن الفرنسي عن البلد عن طريق تنظيم مهرجانات*رعاية حفلات* معارض جوالة*
2- محاولة تعزير العلاقة بين السوري المغترب بالبلد...أمسيات*حفلات*الخ
3- محاولة تفعيل دور الملحقية الثقافي باتفاقيات التبادل الطلابي ومحاولة تخصيل منح من الحكومة الفرنسية للطلاب السوريين
4- كل الخطوات التشجيعية لاصحاب الاعتمادات المالية بفرنسا لتشجعيهم لاقامة مشاريع اقتصادية مشتركة سواء بسوريا او بفرنسا
5- تنظيم برامج سياحية باشراف كادر عمل من السفارة السورية بالتعاون مع مكاتب الرحلات والسفر الفرنسية
6- أمنع شرب المتة والتدخين جوات السفارة (وهي حقيقة)
7- أستقدام كادر عمل وموظفين يجيدون اللغة الفرنسية (وهي كمان حقيقة)

3-ليش اخترت هالاختصاص تبعك؟
بالبداية مو رغبة...انحكمت بمعدلي كوني كنت صايع بالجامعة فما كان عندي خيارات عديدة بس كان خيار الاختصاص كوني كان من البداية عندي فرصة السفر ع فرنسا اذا كانت الاشعة هي الخيار...

4-ليش تحديدا فرنسا؟
صدفة...فرصة...ومساعدة من قريب...
5-اذا قلتلك اني حابب بس اتخرج اني اختص عيون ف بتنصحني اجي احتص بفرنسا او روح
ع دولة تانية؟
نو...فرنسا مو افضل دولة للعينية بالاضافة انو مش كتير مفتوحة للاجانب ببعض الاختصاصات ومنها العينية....
وما بعرف أي دولة تانية ممكن تكون أفضل...بسب نظريا ألمانيا....

6-طيب واذا كان بدي اختص جراحة تجميلية؟
أمريكا أو البرازيل...
7-بدي منك 10 نصائح الي كطالب طب لساتني باول الطريق يعني لساتني سنة اولى
و شكرا الك
1- أدرس
2- حدد من البداية الاختصاص
3- كتر مراجعك
4- استخدم اسلوب البحث
5- أرشف
6- حللّ
7- اسأل اذا ما فهمت
8- خفف أخوية
9- نظم علاقاتك الاجتماعية وخاصة النسائية
10- نظم وقتك وخفف سهر.

احتمال يكون الي رجعة لا تروح

حاسس حالي