[TheLight]

كاتب النص الأصلي : أسير التشرد

هلا بكل الحلوين..
بصراحة...وبكل صراحة..انا معصب ومتدايق كتير.. شنو مبارح كتبت اسئلتي وكنت كلي امل انو الاسئلة تطلع..بس وبسبب تنعيت السيرفر طار كل شي...وع اساس كنت عامل احتياطاتي عملت نسخت من اسئلتي..لكن للاسف هالنسخة كمان طارت..لاني اخدت كوبي ونسيت حطو بشي ملف..وبعدين اخدت كوبي لشي تاني قام طار الكوبي الاولاني..لذلك فانني عم احترق داخلياً من هاظا السيرفر...ومن هالمنبر رح اعلن الحرب عليه..
بنرجع لصب البيتون(بمعنى الباطون.. او لصلب الموضوع..اسئلتي..)..

* ..كيفك حسان...؟
أنا منيح....وانت كيف؟؟؟


ترا انت من ريحة الغوالي..مولانا الشيخ لايص..(الله يرحمو ويقدس سرو ويجعلنا من المنتنورين بنهجه والسائرين ع منواله..وهيك يشرفنا برؤيته المقدسة..)
الله يذكرو بالخير...من
المهم خدلك كم اوقية اسئلة مني عندي..
1- هجرتك إلى فرنسا هجرة دائمة..بمعنى انك اعلنت فرنسا بلدك النهائي..ووطنك الاخير..؟(ام انك رح ترجع لارض الوطن..بعد هالاغتراب..)..؟
أكيد ماهي هجرة نهائية...عندي مشروع بالعودة ع سوريا...ورغبة أني أرجع ع سوريا...بس قبل في مجموعة من الاهداف لازم حققها...وباليوم يللي بتكون صارت محققة وموجودة بين أيدي حتكون الرجعة ع البلد....

2- بمفهوك للحرية.. لأي قدر ممكن نكون احرار..(بغض النظر ع حرية الطرف التاني والجار..)..؟
قادرين نكون أحرار وجدا..ولازم كمان نكون أحرار بغض النظر عن مما يفرض علينا من الاخرين....
فكريا....هي حرية بدون حدود...مافي شي بيحددها...حتى الاخرين...
اجتماعيا...هون شوي الامور بتختلف حسب المجتمع الموجودين فيه وسقف الحرية فيه...كل ما وطي السقف كل ما كان لازم نعلي راسنا ونرفعه للسقف...بيبقى المقيد هو الاسلوب والطريقة برفع خامش الحرية...
دينيا...حريتي مطلقة...وحرية كل انسان مطلقة الا يللي اختار بملء أرادته أنو يكون تابع للفكرة...

3- بصريح العبارة ازا امكن انت بتأيد حاكم جائر مع امن للبلد..ام حاكم عادل من دون امن للبلد..؟
طبعا بفضل تأييد حاكم بدون أمن للبلد....لانو أمن البلد مرتبط بعدالة الحاكم...
الحاكم العادل ممكن يحقق الامن ام الحاكم الجائر ما بيحقق من امن البلد الا مافيه مصلحته الخاصة....


4- بشوية كلمات.. بتعتقد انو لكل علاقة بين الذكر والانثى الها نصيب من الجنس..؟
حسب نوع العلاقة...
الشكل الوحيد من اشكال العلاقات يللي بشوف انو الجنس أساسي فيه...هو علاقة الحب...يللي ما ممكن تكمل بدون جنس...
أما الجنس باطار علاقة سمتها الاساسية مش الحب...فهو موضوع بيعتد بالنهاية ع قبول وتقبل الطرفين....


5- شو الفرق بين جهاز MRI Scan و جهاز CT Scan..؟
الMRI scan بيعتمد من حيت المبدأ ع تحريض ذرة الهيدوجين بحقل معناطيسي...ودراسة سلوك ذرة الهيدروجين وقف ايقاف التحريض....
أما ال CT scan فهو بيعتمد ع المبدأ الكلاسيكي للتصوير الشعاعي بالاشعة السينية....يعني اختراق الاشعة السينية للجسم يللي بيمتصها بدرجات مختلفة حسب نوع النسيج....واستقبال الجزء المتبقي من الاشعة واحليل كثافته....
وممكن المرا الحامل باول 3 شهور الاولى للحمل انها تعمل تصوير بجهاز MRI Scan..؟
ممكن كونو مافي دور مشوه لتقنية المرنام المغناطيسي ع الجنين...
الحالة الوحيدة يللي بيصير فيها تحفظ خو اجرا المرنان مع حقن المادة الظليلة (الغادولينيوم)...كونه مش مثبت عدم وجود تأثيرات سلبية ع مسير الحمل رغم عدم وجود أي اثبات ع دوره المشوه...بس كمان مو مثبت انو ما اله تأثيرات

وعلل وجود النواعير بحماة ع نهر العاصي وعدم وجودها ع نهر بردى بدمشق..؟
سبب وجود النواعير بحماة...هو الحاجة لاستجرار مياهه لري الاراضي المجاورة بحكم (وبتقديري الشخصي) أنو ما كان اله فروع تشكل شبكة كافية لتكون الاراضي المجاورة خصبة بالكامل....وبالتالي أنشئت النواعير الاربعة.
اما نهر بردى فكانت فروعة منتشرة وكانت تشكل شبكة تروي مجمل اراضي المنطقة المحيطة والمزروعة...وبالتالي ما كان في مبرر لتعمير نواعير....
والله أعلم...

وسؤال هيك شخصي..رأيك انو منيح اني اتزوج ع الصيف ام انو اجل الموضوع شوي..؟شنو ما فينا نصبر اكتر من هيك يازلمة..
يا سيدي أنا محلك بشيل الفكرة كلها من راسي...
أو فيك تتجوز بسرعة منشان تتعلم ع قولة المغني اللبناني بغنيته...
على فكرة...رح أتجوز...
حتى أرجع طلق...
حتى هالغلطة ما أرجع...
مـا أرجع عيدها....


وشكراً لوقتك..


_________________
هامش خاص للسيرفر.. وحياتك هالمرة عامل اكتر من كوبي واكتر من ملف للاسئلة بس منشان ما تغدر فيني..يا انا يا انت..

هلكتني سيد أسير...