[TheLight]

شو رأيك بهالشخصيات الفنية

أم كلثوم

للأمانة...من أكثر من غنى فأطرب...جمل لحنية رائعة...قدرة غنائية متميزة وأحساسيس حقيقية....
شخصيا مو من اشد المعجيبن فيها ولو أني بسمعها بس قليل...

عبد الحليم حافظ

بيقولو انو العندليب الاسمر...وبيقولو انو من العمالقة....
شخصيا بعتبره وبشكل عام مطرب جيد ولكنه مو من العمالقة...
المرحلة يللي عاش وفيها وظروف وفاته بعمر نسبيا مبكر كانت من العوامل يللي كتير عطت لاسمو رونق...

ميرسيل خليفة

مظلوم ومظلوم ومظلوم جدا....
رغم كل المعاناة يللي عاناها...بالمعتقلات الاسرائيلية...برغم هدر دمه بسبب أغنية (أنا يوسف يا أبي)...ورغم شهرته الجماهيريا محدودة بالوطن العربي عدا ببلاد الشام...برأيي من أهم موسيقيي ومطربين القرن العشرين...
عطا للقضية أبعاد انسانية ورومانسية اضافية....
متميز بكل شي....

جوليا بطرس

أول مطربة عربية اتعلقت بصوتها...حجزت مكانها جواتي قبل ماجدة الرومي وقبل فيرزو....
بعدها أغنية وين مسافر أكتر أغنية بتأثر فيي لهد هلق.....

أصالة نصري

رغم عدم دراستها الموسيقية...بتضل من اجمل الاصوات بسوريا وبالوطن العربي....
دليل قاطع ع ان الموخبة وحدها ممكن تصنع فنان....

وردة

بيقولو عنها من العمالقة...الها معجبينها....
شخصيا ما بحب غناءها باستثناء بتونس بيك....(والجزائر باشا)

كاظم الساهر

كمطرب بحترم خامة صوته وقدرة الغنائية....كملحن معجب جدا فيه وبعتبر من اجمل الملحنين المعاصرين....
أما كأسلوب...فكتير غنى القصيدة وهو بحد ذاته انجاز بس قتل نفسه بقصائد نزار قباني وأفقد الناس متعة هائلة بقراءاة قصائد نزار والاستمتاع فيها كنص مكتوب....

فيروز

ليالي الشمال الحزينة....
أبي وأمي....
شقفة من كل سوري او لبناني وين ما كان بالعالم.....
بيوم من الايام راح ننحسد لأنو عشنا بزمن عاشت فيه......


صباح فخري

أطربني حتى الثمالة....ثم أطربني....ثم أطربني....

ماجدة الرومي

ذكريات الطفولة....
بترجعلي كل ذكريات الغربة مع أهلي لما كنت صغير وكنا برات سوريا....
كان الكاسيت الوحيد يللي عنا بالسيارة لمطرب او مطربة عربية....ياما سمعناه وعدناه بكل مشوار من مشاويرنا...
حاليا....متعلق بألبومها يللي نزل من سنتين وفيه بالقلب خليني.....بيذكرني بشغلات ما بنساها بعمري...