اقتباس:
كاتب النص الأصلي : TheLight
محمد ابراهيم ما فيني قيمه كشخص لأنو اكيد سابقني بمراحل وخصوصا فكريا...برأيي انو مثقف جدا...بتمنى شوفه مشرف بأخوية...قادر يستنر بعطاء...
رغم اختلاف قناعاتنا الفكرية بحكم اختلاف الخلفية الدينية...ما بقدر ما ارفعله القبعة...
|
حسون كان عالماسينجر وقالي روح شوف رأي ذا لايت فيك
قلتلو وين ، قالي بالمقلاية
قلت الزلمة كان قايل رح احكي بلا مجاملات ووو (قلت احسن ما تروح تشوف )
كنت معتقد انو رح تكتب حكي رح يزعلني (لهالسبب قلت مافي داعي اقرا , كانو انت ما كتبت وكاني ماعرفت)
بس حب الاستطلاع غلبني وقلت مهما تكون كاتب فهاد مش بس حرية (لاء كمان حقك).
رح اعترفلك بسر (ما صار سر)
انتا الوحيد بالاخوية اللي بدي احكي معو وماقادر لاني خجلان , على نفس القدر اللي انا سعيد فيه برجوعك للاخوية هو نفسو قدر زعلي من اني ما قادر احكي معك .
حتى اقتباس على رد الك باي موضوع وتعليق بسيط ما قادر .
اذا بتتذكر موضوع بيحكي عن فساد في بعض الاشخاص من الطائفة العلوية .شارك فيه ابو طريق وانت وانا .
هالموضوع كل لما اقرا منو شي بزعل جدا جدا من اسلوبي في الحكي معك ومع طارق (بس لانو مع طارق الموضوع ما طول وما تناقشت معو بالموضوع متلك واصلا بحكي ويا طارق عطول عالماسينجر لذلك مابحس بالذنب معو بنفس الدرجة اطلاقا"بس لازلت وانا بحكي مع طارق في نفسي شيء من الضيق ) اما بالنسبة الك عطول حاسس بالذنب لاني ماقادر اعبرلك عن اللي حاسو ولا حتى قادر انسى اسلوبي واتجاوز عن الموضوع .
بعد الي كتبتو عني هلاء حسيت اني قادر اكتب الك وأوضح .انو بتاريخي بالاخوية هالموضوع اكتر موضوع كنت اتمنى اني ماشارك فيه عالاطلاق (هاد على الرغم من اني لازلت عند رئيي بخصوص كتير من اللي كتبتو بهالموضوع) وما بستنكر من اللي كتبتو شيء. انما ما كان لازم يكون اسلوبي بهالطريقة ، بهالموضوع تحديدا اسلوبي كان "احمق" ،"غبي" وكتير شغلات سلبية ولو رجع بي الزمن لورا تاني بعد هالتجارب اكيد رح يكون قراري هو عدم المشاركة "اذا افترضنا اني هاقرأ الموضوع اصلا" وعلى فرض اني كنت مضطر اشارك بهالموضوع فكنت رح عيد معظم اللي كتبتو باسلوب تاني مغاير 180 درجة .
هاي كان امانة لاقيت فرصة اردها لصاحبها .
أما عن رأيك في ، رح اعترف انو خرج دمعة مني "غصب عني"
بدي خبرك انو انا متاكد انو اللي كتبتو عني ما بستحقو (والله والله والله كتير جدا عليا )
لكني متاكد اكتر بكتير انك انتا "روحك طيبة جدا جدا " وجواك انسان كبير .
انا مش حاسس انو انا سابقك بمراحل فكريا على الاطلاق , حاسس انو انتا سابقني انسانيا بمراحل .
المفكر اذا كان فعلا مفكر فبعتقد لازم يكون انسان قبل مايكون مفكر.
انتا سابقني في الاصل (الاساس) لذلك ما عطيتني فرصة اسبقك بالبناء او الفروع .
*بعتقد لازم تعيد تفكير بجملة سابقك فكريا لانو مغلوطة وما استحقا
بالعكس .