[اممي]

كاتب النص الأصلي : matya

يعني ما يجي حدا يقول انها كلمة ما رح تغير شي .. رح تغير.. وتغير ... وتغير.. والتغيير هون مو انو والله بيحس بـ راحة.. التغيير هون هو احساسه بـ انو هالكلمة بكل ما تحمله من معنى عميق عم تترسخ بـ عقله وبداخله.. وعم يصير عنجد بيحب..!


ماهاد الهدف منها انها تغير
وان بنصير بنحس ببعظنا اكثر وتعمل اثرها فينا لان هيه بالفعل كلمة كتير عميقة ...
وياسيتي خلينا عنجد بنحب وبلا ماتبقي هالكلمة كشي شكلي او حبر علي ورق
انت مابتحبي رفقاتك؟ انسة المدرسة تبعك؟ خالاتك ؟الاطفال الي عم يمشي بحفوظتهن متل البطة عالطريق؟
فليش لا ...وشو بيمنع ؟؟
فـ انا بـ رايي متل ما انت حر برايك.. انو هالكملة (اللي رح تأثر وتحرك مشاعر وتغير مشاعر واللي رح تخلق احاسيس يمكن لاول مرة اتجاهـ شخص ما ) ما بقولها الا بـ محلها.. ومحلها هو لحبيب مو لكل مين حكيت معو.. طبعاً الحبيب هنا .. يمكن يكون "الحبيب", "الاخ" , "الاب" الخ... اما اني قولها لصديق فهذا غير وارد (قطعاً) لانو صدقني انها ما رح تكون كلمة عفوية وما رح تترك مجرد احاسيس متل بقية الاحاسيس.. هي بحقيقة الامر كلمة عميقة رح تترك احاسيس عميقة كمان.. لهيك ما بيصح نقولها للكل.

واسفين ع الاطالة

ياسيتي انا واعز رفيقاتي دائما بنذيلها تحت
بحبك رفيقتي وبحط بين قوسين (سلميلي علي شب الكبة وهوة رفيقي والي بيكون خطيبها) وهيه بتكتب نفس الكلمة علما ان هيه بتكتب هالايميلات مرات والرفيقة الاعلي (خطيبتي ) بتكون حدها
وصراحة لما بقرا الرسالة فهالكلمة بتحسسني ان هنن لساتن مناح ولساتني ما انقطعت عن البلد
مابعرف اذا فيني اقنعك بس جربيها ماراح تندمي
طبعا في مشكلة بمجتعنا مافي اقلك لا ..لان الناس صار عندن تحفظ لهالكملة ولاتنسي في عوائل بتطبق اشد العقوبات علي بناتن اذا حس ان هالبنات عم يفكرو يحب وباعتبار ان نحن موروثنا الاجتماعي مشترك
فشي طبيعي بنحس بخجل او خوف من هالي محيطين فينا ان بيفهم هالكلمة غلط
بالنهاية الهدف الحيقيقي من هالموضوع من الكلمة ...بل مابعد الكلمة
فينا نقول بحبك بمساعدة حدا معاق ليقطع الطريق
او بقطعة ثياب بدفي ولاد بردانين
يمكن حتي بسمة صغيرة لحدا محتاج ان يشوف شي نور صغير بحياة ...بتعبر عن الاف الكلمات الي بتنقال
بحبك هيه بحد ذاتها الاه مابيوقف عن حروف وكلمات بس بيحب العالم دائما يحس فيه ويذكرو
اممي