[MaTyA]

كاتب النص الأصلي : اممي

ياريتك قارية كل المشاركات مشان كنت بتعرف ان الكلمة هي مابتوقف علي شب او بنت
وبالعربية كلمة احبك بتفرق عن اعشقك الاولي بين الناس والثانية بين العشاق
والمشكلة ان اليوم عم نستخدم كلمة عشيق او عشيقة بشكل كتير خاطي و جارح
كلمة بحبك منها غزل هيه شعور بيفعم حياتك بالالوان وبعتقد اثرها الايجابي بيدوم اكثر من باي او مع السلامة
وبتظل عم تحسي فيها حتي بعد هالانسان او الانسانة الي كان معك راح عبيت
يسلمو علي مرورك

حقيقة ما كان الي مزاج اقرأ كل الردود.. ولا الي مزاج ارجع اقرأها لانو قرأت شي بسيط منها وعرفت من اي نوع هي.. وحتى لو قرأتها ما رح تغير شي من وجهة نظري بخصوص انو نقول هالكلمة للكل.

بالنسبة لقولك انو كلمة ( بحبك ) مو غزل لكان شو هي كلمات الغزل اذا (بحبك) مو غزل يا اممي؟؟

وخليني اجي معك وافترض انها مو غزل وقلك انو هالكلمة (حتى لو على افتراض انها مو غزل) عم تترك اثر وعم تحرك مشاعر وعم تغير مشاعر كمان.. وانت بنفسك قلت ( بتظل عم تحسي فيها ...) يعني في احاسيس من ورا هيك كلمة.. وما بدنا نخبي على حالنا انو هالاحاسيس مو متل بقية احاسيس .. احاسيس نوعية ( ان صح التعبير ).. يعني ما يجي حدا يقول انها كلمة ما رح تغير شي .. رح تغير.. وتغير ... وتغير.. والتغيير هون مو انو والله بيحس بـ راحة.. التغيير هون هو احساسه بـ انو هالكلمة بكل ما تحمله من معنى عميق عم تترسخ بـ عقله وبداخله.. وعم يصير عنجد بيحب..!

فـ انا بـ رايي متل ما انت حر برايك.. انو هالكملة (اللي رح تأثر وتحرك مشاعر وتغير مشاعر واللي رح تخلق احاسيس يمكن لاول مرة اتجاهـ شخص ما ) ما بقولها الا بـ محلها.. ومحلها هو لحبيب مو لكل مين حكيت معو.. طبعاً الحبيب هنا .. يمكن يكون "الحبيب", "الاخ" , "الاب" الخ... اما اني قولها لصديق فهذا غير وارد (قطعاً) لانو صدقني انها ما رح تكون كلمة عفوية وما رح تترك مجرد احاسيس متل بقية الاحاسيس.. هي بحقيقة الامر كلمة عميقة رح تترك احاسيس عميقة كمان.. لهيك ما بيصح نقولها للكل.

واسفين ع الاطالة