مرحبا شباب. انا بحب اتناول عدة نقط
-النقطة الأولى: للي عم يقولو انو السحاق نسبتو قليلة جدا او مانو موجود بمجتمعاتنا بنصحو يفوت عالفيس بوك ويتجول شوي بصفحاتو وانا بضمنلو انو رح يتفاجىء مش بس بوجود هذه الظاهرة بل بشيوعها ونسبتها العالية جدا بين الفتيات العربيات.
-النقطة التانية: للي عم بقولو انهن مع عرض هذه "المشكلة" لكن دون تمثيل المشاهد يعني بالاشارة اليها دون تمثيلها. هلق نص الافلام العربية والاجنبية فيها قتل, هل فينا نعالج مشكلة الاجرام دون عرض مشاهد قتل؟!! ولا هل فينا نعالج مشكلة الادمان دون عرض مشاهد عن كيفية وقوع الفرد في هذا الوباء وطريقة ممارسته؟ ولا نعالج السرقة دون مشهد واحد سارق؟؟
هلء مشاهد القتل والتعاطي والسرقة كلها موجودة بمعظم الافلام وما حدا اعتبرا تشجيع على هيدا الشي بل بأغلب الأحيان بتكون لمعالجة هيدا الواقعز انا بعتبر انو هيدي المشاكل كلها اعظم من السحاق او المشاكل الجنسية بشكل عام فليش بدو يضل الجنس اكبر التابويات, هل لأنو حينئذ سيعتبر اغلبنا مجرمين؟؟
بيبقى طريقة عرض المشهد وكيفية اثارته انوهل بطريقة تهدف الى اثارة الحاجة الجنسية ام بطريقة عقلانية متوازنة فهيدا بيحتاج الى مشاهدة الفيلم ونشالله بكون الي رد تاني
تصبحون على وطن...
|