[dimozi]

النصيحة لا تطلب كحول بكل سوريا .......... لا تشرب غير بيرة , مرة يا جماعة كفرت و طلبت بلدي ميري , و مدري يومها شو صرلي , انو تخيلوا حاطين رب البندورة بدال البندورة الطازة , يعني شلون بدها تصير الطعمة ,

عنجد جبتها بقطع الطريق , انا لما بجي على ابو ظبي بكون اساتني متعود على القطع بسوريا , فبمشي بنص الطريق و ما بطلع ...... فبشوف الموت بين عيوني , و لما برجع بتعود على الوضع و بصير نظامي , بقوم برجع على سوريا بضل شي نص ساعة ناطر لاقطع الشارع , ايام بقعد دور على ممر المشاة و ما بلاقيه

و هاي نصيحة مني ..... دفعت تمنها غالي كتير لتعلمتا ..... اذا طلعت بتاكسي لا تغلط و تحط حزام الامان . لانو اول شي بيطلع فيك الشوفير انو شو وجعوا هاد و بعدين بيتدايق و بيحس انو انت ما واثق من مهارتوا بالسواقة , و اسوأ شي انو ما حدا حاطط الحزام من شي قرن فمليان غبرة , و خود عاد شو صار بالكنزة المكوية هلاء , او القميص الابيض, بتطلع متبهدل بخطين سود على تيابك هاي اذا ما اتهموك الناس الطالعين معك انك .......... نظامي