[يمان Rooooonaldo]

مرحبا ..

هلق بنجي للموضوع تبع جارك بالنار يلي سوا ازمة دولية شايف

هلق انو يعني مافي غير هالموضوع يلي ماتعرض لا لدين ولا ل آلهة ولا ل نبي هيك طلع بلاخير

طيب شو مشان انو معقول انت يا زلمة بتزعل على النار وما بتزعل عن الحكي عن الله

ما معقول يزعل عالنار ومايزعل عالله ومحمد و عيسى وموسى الخ...

انو ما تعرضنا لحدا منون غير النار بس

علاؤو ..

بتمنى منك كنت قبل ما انك ترد وتحكي هالحكي .. لو قريت ردودي .. او قريت شي من اللي انكتب .. كان ممكن انك ترد بطريقة .. احسن .. اقرا وردلي خبر ..

لك عمي .... رح انفلج قسما بالله ...

شحاري ... شو نحنا اوتوماتيك؟؟؟

حبيباتي نحنا بشررررر بشرررررر متلنا متلكن ... يعني النا حياتنا الخاصه والاجتماعيه الي لازم انلحق عليها ... يعني انا عندي اهلي وشغلي ورفقاتي ومشاويري مو كل حياتي اخوية ... ومراقبه الاعضاء شو عم يكتبو...انا عم بشتغل باخوية تطوووووووووعي ... بما يناسب وقتي ... يعني لا انا ولا اي حد بهالدني مستعد يترك حياتو ويقعد يتفرغ قدام الشاشه ليشوف شو عم تكتبو...

بعدين في مشرفين اخدين اكتر من قسم ..بربكن اذا ما تعاونا كيف رح نصير... اذا ما الاعضاء بلغونا بالمشاركات العاطله شلون رح نعرفها ....

بعدين في مواضيع بظرف ساعه بتكونو قلبتوها خمس صفحات .... واغلبها ع حكي فاضي!!!!!!!!!!1 اي نعم حكي فاضي ... بدي ضيع من وقتي بما يعادل ساعه عم لاحق سبام ... ؟؟؟؟؟؟؟؟ بالوقت الي بقدر اعمل شي مفيد اكتر بكتير للبشريه ؟؟؟؟؟

اخوية مو بس للمشرفين ولو هيك كنا سكرنا التسجيل وطفشنا الاعضاء وتركنا اخوية بس النا نقعد نحكي ونغر فيها ....

((تنويه هام .... هالرد مو موجهه بشكل شخصي لبنفسجة وابو عمير موجه للكل .... (بالمناسبه بنفسجه انا بحبك مع اني ما بعرفك بكفي انك من ريحة البلد ومحسوبه ع جبله ) ))

ريمو .. حكيك عالعين والراس ..

واكيد ما حدا حكا هالشي .. وبنفسجة .. قالت انو هية ما بتحب الزر .. وقلنالا انو ساعتا ما بحقلك انك تحكي اصلا .. لانو بهي الحالة ممكن انو المشرف او المنسق او المسؤول او او .. انو ما ينتبه ما يشوف .. وبهي الحالة ما حدا ممكن يحكي ..


بس شغلة ريم .. وقت بكون من قوانين واحكام المنتدى الموجودة ..

احكام واعراف اخوية :

اقتباس:
لمساس بالشخصيات العامة بيشمل كل الشخصيات العامة، الفنانين ، والمطربين والسياسيين ... المعادين و الموالين ، (هاي النقطة ما منتدخل فيها إحنا - بمعنى هذا الشخص معادي او موالي هذا موضوع شخصي و فق منظورك الخاص فقط ) ،
بمعنى قدح حسن نصر الله هو كقدح بوش و لا بلير.. (يعني احنا هون ما منتعامل مع هال المواضيع انطلاقا من مواقف شخصية حتى و لو كان هذا يتنافيى وقناعتنا .. بمعنى انو يابا لانو كوندا وزيرة خارجية بأميركا ف = بيحقلك تسبها ، ولانو الشرع نائب رئيس بسوريا فما بيحقلك! او لأنو خدّام ليها موقف منو حكومتنا فمنسبو، اما نجاد فما منسبو ، اي و مجددا المساس بالشخصيات العامة بما يتجاوز أصول الكتابة الحرة المسؤولة هو خرق لقوانين المنتدى و بغد النظر تماما شو موقفك منها او موقفنا منها او موقف الأمة بنظرك منها ..........)
اقتباس:

بنفس الوقت بتكفي المخالفة كبند لتقول "خارج اصول الكتابة الحرة المسؤولة" اي انو هذا البند مش للحد من الحريات اطلاقا ، بس الحرية مش تسيب ولا عشوائية وفوضى ، .. وهذا ينطلي على كل المجالات ، اذا عم تحكي عن حاخام يهودي فمخالفة ان تشتمه او تأتي على انتقاصه ، متل ما هوي مخالفة تسب خوري.. بترك ، او شيخ ...
...كيف لكن بيصير الموضوع؟ ، بيصير تحكي عن التصرف و تقوم بتقييمه، تعالج الفعل و تقييم الفعل والعمل، وليس الشخص، (بالعموم ما حدن مخول بتقييم اي شخص وهذا الأمر مرفوض بأخوية) ،
يعني كمثال ضيّق جدا: في مستهل الحديث عن موقف السعودية من الحرب السادسة، ان تقول" خادم الحرمين شخص اخرق" مرفوض، في حين ان تقول "موقف خادم الحرمين موقف غير جيد لكذا من الأسباب و كذا و كذا " مقبول

انو .. ازا كان المساس .. بالشخصيات العامة .. ممنوع ك قوانين ..

فبعتقد مفروض يكون .. المساس ب شي انا بامن فيو .. كمان يكون ممنوع .. !!

و اللهي عال ,

يعني اللي بآمن بـ الله تبارك و تعالا مؤمن أشد الإيمان بعظمتوه , فهل رح يأثر على العظمة الإلهية شقفة " عبد " عم يسب " مـَعبود "..

كيف هالبشر بتفكر ما بعرف ..

عابد ..

الرد على ردك اللي كاتبو .. بتوقع صار مجاوب عليو اكتر من مرة .. لو قريت الردود منيح اللي كانت موجودة قبل ..

وهلا برجع بحطلك ياهم ولا يهمك ..

بس شغلة صغيرة .. * انو كيف بفكر .. او كيف منفكر ازا بدك .. منفكر بطريقة انو الاحترام مفروض يكون موجود بين التنين .. تحترم الشي اللي بيدايقني ..

انك ما يكون بكلامك في مدايقة الي .. لاني انا وقت بكون مامن بشي ما معين ..

بكون من حقي .. انو دافع عن الشي اللي بمان عنو .. وما بحق لحدا انو يدايقني .. تحت نطاق حريتك انو تحكي شو ما بدك ..

لزلك بتوقع .. انو تفكيري .. بكون ضمن الشي اللي بامن فيو . وبامن بوجود .


^
^

نقطة تانية عالسريع ..
انا من شوي حاولت بحبش ع رد للحكيم ، ما بعرف وين نزل او بأي قسم ، المهم ، كان ذاكر فيه انو لو بدّك تسب عالشيطان فـ ما بيحقّلك ، بركي يا اخي الشيطان الو اتباعو اللي بينزعجو اذا سبيت عليه !؟ لو بدّك تسب عالبقر ، فـ في عالم بيعبدوها .. بأي حق تغلط بحقّــون !؟
هو بالبداية ، الواحد بيتضحك ع الرد .. بس بعدين لو تجي للحق ، الافضل ما تسبّ ع شي لانــّو ما بتعرف مين بيقدسو ..
بس مو هون نقطتنا ... النقطة انو العالم تركو كل شي ، ولحقو الله .. ومع انو هالبند موجود ( متأكدة متأكدة يا جماعة واللي بيلاقيه يا ريت يحط اللينك وبكون ممنونة .. ) ، اي .. مع انو هالبند موجود بس العالم ضاربينها طناش ... ما بعرف يعني ليش مسموح للكل يغلطو بحق العالم اللي بتآمن فيه ، والمفروض فيهون - للي بيآمنو - ياخدوها بروح رياضية وانو " مزح عمي مزح " و " يعني الله رح ينزعج لو قلنا عليه هيك ؟ " .. لاء اتطمنــّو الله ما رح ينزعج ، بس في عالم بتحبّو بتنزعج ..
متل ما في عالم ما بتفرق معون اذا لعنت X من اهلها ، في عالم تانية ممكن تقتلك لو " مزحت " معون بهيك قصة ...
فـ الواجب فيك ، متل مو الطرف التاني محترمك ومحترم معتقداتك ، انت كمان بدورك تحترمو وما تغلط ع مقدّساتو..
وللمناسبة بما انو حكينا وحكينا ، من فترة صار بيني وبين واحد من الزملاء المشرفين " احتكاك " عالخفيف مشان هالقصة .. وانتهت بانــو قللي " حقكون علينا " .. هيي صح الشغلة صارت وصارت ، بس ما في مانع الواحد ينبّه التاني ع شغلة قالها ودايقتو ، وحتى لو ما كان الشخص التاني مقتنع بانو غلطان ، بس احتراماً لمشاعرك المفروض يوقّف عن هالفعل او القول بالمنتدى لانو مافيه يمنعك ما تشوف ردودو ...
وهاد اللي صار .. ع حدّ علمي لهلأ .. بس كمان ما كتير متابعة لاجزم !

هو عظمته تعالى ما بتتأثر..
لكن .. انا بالنسبه الي هو اله معبود .. بالنسبه إلك معتقد يحتمل الصحه والخطأ ..
إلك معتقد انا بحترمو بغض النظر شو رأيي فيه .. وإلي معتقد لازم تحترمو بغض النظر عن رأيك فيه
يعني ما رح أطلب منك تحترم " الله " وانت مو مؤمن بوجوده .. انا بطلب منك تحترمني لأني مؤمنه فيه
بتوقع هيك هالبشر بتفكر

بتوقع ما في داعي اني ارجع .. احكي ..

طيب , هيك البشر بتفكر , أما الخنفشارين الزئبقيين الإستغلايين أمثالي .. ما بفكرو هيك ..

لنتفرض يفوت عنا حدا هندوسي بيعبد البقر , و حضرتك و حضرتي مناكل البقر

يا حسافة عم ناكل إلهوه ..

عم نهين متعقدوه أشد إهانة ,

شو مشانو ..

طيب حلو الحكي ..

انا وقت طلبت منك انك تحترم المعتقدات .. والشي اللي انا بامن فيو .. ما طلبت منك ك شخص انك ما تعد تسب الله .. او تحكي اللي بدك ياه وانت لحالك ..

وقت انا عم اعد وعم اكل البقر .. ما بكون عم ازي صاحبنا اللي هنيك .. لانو مالو علاقة بحياتي الخاصة هوة ..

وقت بكون انا وياه قاعدين بمجتمع واحد .. وانا قاعد قدامو .. عم دايقو .. بكون الو حق يعترض ..

انا ماني طالب منك بحياتك انك ما تعد تكفر عكيفك .. وتحكي اللي بدك ياه ..

لاني بكون عم اتخطى شي انا مع اطلب فيو ..

وقت منكون كلنا موجودين جوا مجتمع ما معين .. ومنكون كلنا النا حرياتنا .. لزلك لازم يكون في ضوابط واحكام لهي الحرية ..

وبتوقع احكام الاخوية مكتوبة .. و حتىلو من دون احكام .. مفروض تكون الاحترام .. شغلة موجودة بين الشخصين الموجودين .. وقت انت بتحكي عن شي انا مدايقني شخصيا .. وعم تسب عشي انا بمان فيو بمعتقداتي .. وحياتي .. بتكون عم تتخطى حريتك .. وتتجاوزا ..


100


* وما في داعي للتجريح .. بباقي الردود ..