طبعا اول شي احب اشكر الحكومة السورية والشعب السوري الي حضنوني ببلدي الثاني سوريا لاكثر من ثلاث سنوات 
واشكر اختي وردة بغداد على الموضوع الجميل الي انطرح
واشكر سريويو على الردود الي كنت ناوي انا اردها بس سبقتني بالكلام
وطبعا اشكر كل من رد على الموضوع لان الموضوع يهمني
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ
طبعا انا بقيت بسوريا اكثر من ثلاث سنين مثل ماحكيت سابقا .. كان الي بيت خاص وكان الي شغل بسوريا .. بس طبعا مو خاص ..بس بسبب الظروف لي مرت علي بالعراق قررت ان اترك العراق واسافر الى اقرب بلد قريب الى قلبي (سوريا ) .
بحياتي ماشفت معاملة معي وقت الي يعرف احد انه عراقي اكثر من معاملة الشعب السوري الي .. بحيث بوقت قليل كونت صداقات كبيرة بين الشباب السوري .. الي اعتبرهم اكثر من اختي ..طبعا عداك عن تسهيل اموري بدوائر الدولة وغير شي .... وكل هل شي ترك بنفسي اثر كبير .. بحيث كل لحظة فيها افكر انه ارجع لسوريا لان سوريا تعني كثير الي .. بوقت التهديد والظروف الي لا تطاق بالعراق مااحد فتح ايديه وبابه الي غير سوريا ... يعني هل فضل ماانساه بحياتي طبعا وماانسى الايام الحلوة الي مريت بيها بسوريا الى ان تركت سوريا قبل اربع شهور تقريبا وبقلبي حنين لسوريا !! ياترى ليش كل هل شي؟؟؟؟
ـــــــــــــــــــــــــ
وجود العراقين بسوريا لاسباب عديده اهمها التدهور الامني في العراق والطائفية الي تمر على العراق والي زرعها الامريكان بدخولهم للعرق لان قبل ماكان عدنا هل شي .. يعني القتل على بطاقة الهوية الشخصية فاكيد الي يخاف على نفسه راح يترك كل شي ويتجه لاقرب دولة ... وهل سبب نتج عنه اسباب اخرة .. مثل قلةالموارد .. كثة السرقات والاختطافات .. فاامن طريق للخلاص هو السفر وكانت سوريا والدكتور بشار الاسد طبعا الي وقف مع العراقيين وقفة اخ ووقفة لاتنسى ونشكره عليها .. هي الدولة الوحيدة الي فاتحة ابوابها للعراقيين بوقت الي كثير من الدول ماتسمح بدخول العراقيين
طبعا مع دخول العراقين لسوريا قام اصحاب العقارات برفع الاسعار خصوصا اذا عرفو انه المستاجر عراقي او المشتري عراقي .. يعني اذكر انه كان ايجار البيت 5000 ليرة بالفترات الاولى قام صاحب الدار بزيادة الاجار علي الى ان صل ضعف السعر 10000 ليرة .. طبعا مجبور ادفع .... وكثير من المناطق الموجودة بالعاصمة السورية او بالمحافظات الثانية دبت فيها الحياة من جديد ( مثل جرمانة ودويلعه والست زينب ) بوقت دخول العراقين ..
ودخول العراقين اكيد اثر على غلاء اسعار المواد الغذائية نتيجة التزايد السكاني المستمر بالبلاد ونتيجة التصدير للعراق لان التدهورالامني اثر على الزراعة ( تقريبا شل الحركة بالعراق )
وماننسى مع زيادة الاسعار يزيد الطمع عند التجار .. يعني يقول بدل مايربح 1000 بالمادة الفلانية خليني اربح 2000 وهو العراقي يدفع ويدفع مو خسران شي ... مايعرف ومايقدر وضع هل لاجئ يجوز هو يدين حق العيش في سوريا الى ان تهدا الاوضاع في العراق ويرجع اليها ...
وطبعا الي متواجدين في سوريا حاليا اكثرهم منتظرين عوده الاوضاع الامنية والاستقرار في البلاد وشفنا كثير من العوائل العراقية بدت ترجع للعراق ومع رجوع العوائل بدت اسعار البيوت تنزل وهل شي راح ياثر كثير بالاقتصاد السوري وراح يلاحظ الشارع السوري هل تغير
وطبعا الي منتظر سفر لحتى يسافر لدول اوروبا او امريكا ( مثل حالي يعني والحمد لله مشي الحال )
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــ
واسف لان طولت عليكم بس انا براي واقول انه وجود العراقيين في سورياهو وضع مؤقت محلول بالوقت القريب ان شاء الله والله يديم سوريا وشعب سوريا وبشار الاسد .. ويرجع الامن والامان للعراق