[ظل جيفارا]

والله ما بعرف .... انا اللي بعرفه انو من طرق التعبير عن الحب لمسة الإيد بمرحلة معينة القبلة بمرحلة اخرى
هيدي كيف بدها تصير بالماسنجر ؟
انسوا كلشي خلينا نحكي ببساطة اكبر.
اتنين حبوا بعضهن عن طريق الماسنجر حلو تزوجوا والمهر كان غرفة دردشة مفروشة جاهزة طبعا بفترة الخطوبة كان دايما يجبلها سمايليز صغار حلوين هدية وكانت هيي كمان تعزموا على اكلة ندجات بتجنن
المهم وصلوا لمرحلة راح هو طلبها من اهلا على الياهو مسنجر " لإنو ابوها ما عنده هوتمايل " و الزلمة وافق عملوا عرس بأفخم غرفة شات بكل مواقع التشات السورية والعربية ومن ثم الله رزقهن بعد نطرة عمر طويل ولدين " بلوجين ومسنجر " بس المسنجر اذا بتشوهات خلقية .... الزلمة بلش يتضايق من قعدة الماسنجر صار يطلع يلعب هو ورفقاته بالمنتديات وما يرجع لنص الليل وهيي تضايقت منه قام طرقها يمين البلوك جاب اجلها ورجعت لغرفة ابوها الصوتية زعلانة وعلى ايدها بلوجين ومسنجر
خلاصته اي حب هدا اللي بكبستين بتخلص كل العلاقة ... ومستحيل تتجدد كمان .
اي حب اللي ما فيني شوف عيون حبيبتي اي حب اللي ايدها ما فيها تنام بين دياتي وايدي ما فيها تسبح بشعرها ؟
مو حب ابدا اللي جرب الحب الحقيقي مستحيل يصدق انو هيدا حب
تحياتي الحارة
ظل جيفارا