اقتباس:
كاتب النص الأصلي : باشق مجروح
القرف والوساخة والنشح برأيي الها سبب بعيد شوي
وهو احساس المواطن بإنو هالبلد مو ملكو فبصير يخرب فيه
يعني لما تحس انو هالبلد بلدك وانت بتحبو مستحيل توسخو
أما لما تنظلم وتنهان بأي مكان بتحس انو هالبلد لناس تانيين
أنا عم احكي بشكل عام لحتى ما حدا يفهمني غلط
يعني لما بالمدرسة عم يمننوك بصوبة جربانة وما بتدفي حالا وأدوات تعليم بدائية وتنضرب لأسخف سبب لحالك بتوسخ وبتكسر
الشغلة مو بهالبساطة
شعبنا نضيف والزمن خلا مئنشح
ميرسي علاء عالموضوع......... |
جزء كبير من كلامك صحيح مية بالمية!
بس انو كمان احيانا بتكون بمدرسة موفرتلك كلشي (متل مدرستي يعني
) ومع هيك بتلاقي "بشر" بيكبوا زبالة بالساحة حتى ما يعزبوا حالهن ويمشوا كام متر ليوصلوا السطل (مع انو الله وكيلك مليان سطولة
)..بس يعني لاحكي بصدق وبصراحة ظاهرة العفن بمدرستي قليلة وتكاد تكون معدومة
بس انو بردو بتفاجىء وبتدايق وبتسائل انو ليه في ناس بكبوا بالطريق مع انو متوفرلهن تقريبا كلشي؟! انو هالشي بيجي من عقدة نفسية؟ حب ظهور؟ تمرد على السلطة؟؟ يمكن كلهن مع بعض
شكرا ع التوبيك
