[يمان Rooooonaldo]

اقتباس:
-
3- يمنع منعا باتا السب بالشتيمة او الاهانة او انتقاص من قيمة اي من اعضاء الموقع بطريقة مباشرة كان او بغير مباشرة.

4- يمنع منعا باتا الاستهذاء برأي اي كان من اعضاء الموقع الاخرين مباشرة كان او بغير مباشرة.

5- يمنع منعا باتا الاستهذاء بالعقيدة (عقيدة الاخر او عقيدة الشخص) جملة وتفصيلا .. وانما تتناول المواضيع بما يخص العقائد على سبيل النقاش الموضوعي المنطقي فقط.


هدول النقاط من احكام واعراف الكتابة بالمنبر ...
طبعاً بحكم انو بالعادة هيك انواع من النقاشات ما بتصير الا فيه ..
بس برأيي ، في حال انتقل هيك نقاش - ديني / عقائدي - لبرّا المنبر ، متل الصالون فرضاً ، فـ هالاعراف والاحكام المفروض تتطبــّق بالمكان التاني اللي انفتح فيه النقاش .. من باب انــّو هيي " عامـــّة " من حيث الفكرة - انو لو انطرحت بأي قسم فـ واجــبـــ ..نـــــــــــــــااااا " كلنا اعضاء ومشرفين " الالتزام بهالاحكام -

ومتل ما قال محمد ، تقرير المشاركة العاطلة كتير منيح ، انــّو بتنبّه المشرف ع هالنقطة في حال ما كان منتبه .. وفي حال كان منتبه وعاجبو الجو ، بتقدر تشتكي بالبريد ، و وقتا لكلّ حادث حديث ..

اهلين ديمة .. ومشكورة عمرورك .

تمام .. كلامك موزون .. وعلى العين والراس .. وهاد الحكي اللي كان مفروض انو يطبق ويصير ..

بس اللي صار ما هيك.. انو وقت بتكون كامل .. او جميع الاقسشام عم يصير فيا موضوع شتم الاله ..

بوجود الكل .. عم يكون اعتبار هاد الشي حرية ما .. للشخص المعين اللي عم يحكي ..

يعني ما بعرف الا ازا كل الشبيبة اللي عم تراقب .. غطت النظر .. او ما انتبهت .. او في حال عاجبا الوضع .. !!

وقت عم تفوتي على موضوع فيو مزح .. عمي كون التكفير عماد الموضوع الاساسي .. وقت عم تفوتي على موضوع .. ما معين .. بتلاقي من ضمن سياق الحديث انو تم سب الله بشكل عادي وعالماشي ..

بكون الواحد بدو يعبر عن سخرية ما .. بيدحش كلمة معينة .. بكون انو بدال ما يتوجه للمسخرة للعضو او شي

بما انو ممنوع المسخرة على العضو بتم المسخرة على " الله " !!

انو ما بعرف .. معقول يكون الكل شايف وما منتبه .. او اتعودنا على الكلمة .. وصارت اعتبارا كلمة عادية ..

ما في الها ايا مشكلة !!!

بعرف بجوز في اعضاء كتير لح تتدايق من حكيي .. وهنن من اقرب الاعضاء بالنسبة الي بجوز ..

وعنجد في معرفة منيحة بيني وبينون .. ومنضحك ومنمزح ..

بس يعني سؤال ممكن يتوجه .. وقت بتكون عم تحكي كلمة .. ما عم تسب على الله .. عم تدايق غيرك بهي الشغلة .. ممكن انها تتوقف من قبلك .. ممكن انو يكون في ضوابط لهاد الشي ولا للا؟!!

* شغلة المشاركة العاطلة .. انا معك انو عليي حق كان .. في حالة اني ما رحت وعزبت حالي وكبست على ايقونة الرد العاطل .. بس سؤال !!

الاعراف والاحكام .. الموجودة .. والمفروض يكون الكل عرفانا .. او خلينا نحكي على نطاق .. انو المشرف او المراقب الموجود يكون عرفانا ... ما المفروض انو انحط ليضبط ويشتغل على الاحكام الموجودة ..

مفروض انو يتصرف فيا لحالو ومن تلقاء نفسو .. !!

بجوز يكون ما شافا اوك .. وهون بكون حقو على راسي اني انا ما نبهت عليا .. !!

بس انو عم يشارك .. عم يضحك معو .. عم يصير الشغلة اعتيادية .. وعادية ..

انو ايا حدن لح يفوت هلا .. لح يشوف انو الوضع عادي وما اشكال اني اكتب ..
.



" للصراحة " اكتر شي اللي دايقني الفترة الماضية .. حتى كون واضح هوة موضوع ابو جوزيف اللي نزل ..

واللي تمت المشاركة فيو من قبل مجموعة كبيرة من الاعضاء .. من المشرفين !!

وصلت فيو درجة الحكي لدرجة دايقتني بشكل كبير " الي شخصيا .."

انو سؤال بس لفت نظري وقت تكون عم تحكي على شي معين .. انا بامن فيو .. عم يتم الحكي عنو بهي الطريقة تبع المسخرة والمهزئة اللي صارت .. ما بكون


5- يمنع منعا باتا الاستهذاء بالعقيدة (عقيدة الاخر او عقيدة الشخص) جملة وتفصيلا .. وانما تتناول المواضيع بما يخص العقائد على سبيل النقاش الموضوعي المنطقي فقط.

!!

هلا .. وقت بتفوت وبتقرا الموضوع .. وبتقرا انو اللي مشاركين بالموضوع .. اللي عم يكبتو .. هنن عبارة عن مشرفين ومسؤولين عن القسم ..

طيب انو السؤال بقلي انو انا وقت لح ابعت المشاركة العاطلة .. لح تروح لالهم.. يعني لح تروح .. للشخص المشارك جوا الموضوع .. لزلك بعتقد ما عاد في الها داعي يمكن .. !!

لانو المشاركة العاطلة .. ما بتكون الا لتدل عشي .. مانو منتبهلو .. المنسق .. مانو منتبهلو الشخص المسؤول .. !!

(وقت منعتمد انو الاحكام الموجودة .. باخوية .. لازم انها .. تتطبق بشكل محايد .. سواء عجب الموضوع المسؤول عن الوضع او لا )

برجع بحكي شوي بشكل عام .. انا بجوز اتدايقت اكتر شي .. وكان اكتر شي اللي عنجد زعجني بشكل .. هوة هاد الموضوع .. بس بشكل عام شوي .. الوضع كتير وصل لمرحلة سيئة ..

وقت صرنا عم نشوف .. كل مسخرة لازم يدخل فيا كلمة الله .. لازم يكون عم يتخوت على رب هاد وعلى رب هاد

وقت بدو يتمرجل بكون عم يروح ويحكي على الله تبع هاد والله تبع هاد .. !!

ما بتوقع انو هي من ضمن تعريف الحرية بتبقى ..

انا هلاء بهالموضوع اعتذرت مع اني مامقتنع اني غلطت (بس مافي مشكلة طالما اشتركت مع عالم في جرح مشاعرك ودايقناك )
صدقا هاد صار دون قصد

محمد ..

انا ما طلبت منك اعتذار .. وقلتلك الموضوع مانو شخصي بيني وبينك .. ولا ايا شي وانت بتعرف وحكينا مبارح بالموضوع .. عالمسنجر .. بس النقطة ابو شريك كانت بس .. بالوضع اللي صفي فيه اخر شي

وضع الحرية اللي دايقتني .. واللي بتوقع مانا بتضل تحت تعريف الحرية ..

.. ومشكور ..

وهلاء عندك رد من احد اعضاء الطاقم الاداري "يعني مانو راي عادي" شوف رد ديما بعتقد انو رد ايجابي جدا
ما كل العالم في الادارة متل ما انت فاهم ( بتوضح الك هلاء انو المسئولية مشتركة) .

مشكورة عمرورا .. وبتوقع كان لازم حد يرد .. لان هالموضوع لازم يكون من عندن .. لحتى الباقي ممكن انو يلتزم

شباب صدرنا رحب ورحب جدا للمناقشة باي اي اي اي شيييييييييي ... الي عندو اعتراض ما اقتراح ما يجي يحكيه ... الي زاعجتو مشاركه موضوع .. يستعمل زر المشاركه العاطله .... وبنوعدكن بالتعاون ...

اذا انتو ما قلتولنا صدقا صدقا لو بضلو المشرفين 24ساعه ع اخوية عم يتفتلو باقسامهن ما بلحقوا...

كيفك ريمو ..

عبالي احكي كم كلمة .. بما انو .. السقيفة حاليا هية .. اكتر الاقسام اللي عم يصير فيا الحكي بهاد المستوى ..

انو ... وقت منشوف .. حدن عم يكفر .. هل يعتبر زلك اعتداء على حرية الاخرين اما لا ؟

وقت بكون سب الله مسموح .. وعم ينقرا ويتغاضى عنو .. شو حيكون فائدة المشاركة العاطلة هون ..

لانو وقت انا لح اكبس على المشاركة العاطلة .. ما حيكون المشاركة عاطلة برايي انا .. لاني ما بقدر اني اعمل الحرية محدودة على حدود رايي وتفكيري .. بس بما انو الاحكام موجودة .. مفروض يكون في تصرف ..

يمنع هيك حركة ..

هلا أخواتي ...
الفكر حر وحر جدا ً .. حر مو لأنو أخوية رادت هيك
ولا لأنو الحكيم قال هيك .. ولا لأنو الإشراف عم يقول هيك
الأفكار لها اجنحة .. هادا حق .. من حقوق الإنسان .. أنو يقدر يفكر بحرية .. يعني وقت اخوية عم تقول انو الآخر حر يعبر عن رأيو .. هية ما عم تقول بيستحق يعبر / او سمحنالو يعبر / او والله نحنا بأخوية عاطين حرية رأي ..
الموضوع انو الحرية حق .. وأخوية ببساطة ما حابة تتعدى عحقوق حدا ..

معك بكل كلمة قلتيها .. وما في تنين بالعالم بيختلفو فيا ..


" كمان .. لازم هي الحرية ما تكون فيا تعدي على حرية حدن تاني .. لزلك انحطت الاحكام والاعراف العامة .. بحال عجبك الوضع .. بتكمل معنا .. حسب الاعراف اللي بتنحط للمجتمع اللي انت موجود فيو ..

يعني بمعنى اخر ... بجوز يكون هون مسموح .. بشيئ ما معين .. بيحددو المجتمع اللي انت موجود فيو .. اللي هوة هلا هون بحالتنا ال " اخوية "

اما بجوز بمنتدى تاني .. يكون في اختلاف .. ويمنع شغلة ما معينة .. بتكون هية .. حدودك هنيك .. عجبك ممكن انك تقبل .. ما عجبك .. ببساطة ممكن انك تنسحب . !


مو لايا شي . بس لو كل واحد .. بدو يعرف ويعبر عن حريتو بالطريقة اللي بحبا .. لح يكون في تعدي على حريات الغير لزلك لازم يكون في شي اساسي .. وشغلات تانية .. بتكون بسيطة .. بس الاساس بالاحكام !

حرية النقاش بأي موضوع كان بس مش دايما الضوابط موجودة !
أخوية معطية حرية ومفروض معها يجي التزام واحترام للاخر بس هاد كتير غايب !

..



برجع بحكي اخر شي ... انو عنجد انا ماني ضد الحرية ولاني ضد ايا شي .. بس وقت بتكون الحرية فيا تعدي على حريتي .. لا اكيد لح كون معترض .. !!

سلام ..