[butterfly]

كاتب النص الأصلي : LaMoUsH

صحيح كلام موزون
بس مش دايما بيجي للواحد نفس يحكي
مرات بيفضل ينسحب شوي عشان بيكون أحسن وأريح؟
ليش ؟
لأنو بكل صراحة مش حابب " مش موضوع خايف " يفتح ع حالو طاقة جهنم خصوصي ازا كان العضو الي تعدى على حرية الناس التانيين بتقليل احترامهم بطريقة مباشرة أو غير مباشرة
حد الو مركزو واسمو بين الأعضاء
فبيقوم العضو بدل ما يبعت مشاركة عاطلة بيقول خليني أكبر عقلي و اطنش البني ادم \ البني ادمة اللي غلطو بحقي !
الحرية اللي اخوية معطيتها حرية تعبير عن الرأي والمعتقدات والأفكار
حرية النقاش بأي موضوع كان بس مش دايما الضوابط موجودة !
أخوية معطية حرية ومفروض معها يجي التزام واحترام للاخر بس هاد كتير غايب !
يعني حعطيكي مثال زغير باترفلاي وما تزعليش مني
بموضوعك " انماط من الشخصيات بأخوية أعطيتي لحالك حق نقد الكل بدون استثناء وبلشتي بالاعضاء عن ابو جنب
وبلشتو تتلغازو بيناتكو والشاطر هو اللي بيحزر مين الضحية اللي قررت باترفلاي انو تنتقدها بأسلوبها الساخر
للغاية " سخرية ناقدة بتبلش بأولها وبتقلب بعدين لتصير نصائح بتوجهها للاعضاء كيف يتعاملو مع الضحية اللي اخترتيها وكيف يردو عليه " ... حضرتك كنتي حرة بس لا انت ولا الواصلين التانيين احترمتو جو الحرية اللي بأخوية ولا احترمتو انو مش الكل بيتعاملو مع الأمور زي ما انتو بتتعاملو معها
موضوع نقدي انا للدنجل زمان حرة انتقد الدنجل بس هل كان الاسلوب ملائم ؟!
بصراحة لأ لأني اتخوتت عليه نوعا ما وممكن أكون جرحتو هون هاي مش حرية لأنها تفتقد لاحترام الاخر
ما بعرف ازا حكيت كتير بس عندي فكرة كنت حابة أوصلها وان شا الله تكون وصلت...
احترامي للكل..

هلا لموش ..
انا عم شوف انو الموضوع عم يصير بالعكس تماما ً .. عم شوف انو اللامبالاة .. عم تكون سلبية وردود الفعل عم تكون يا منشعللها يا ما منرد ..
اخي .. عاتبونا .. يمكن يكون في مرات ما شفنا الرد .. ما شفنا الموضوع .. شفناه وما دققنا .. شفناه وكنا بمزاج تاني .. لك عمي شفناه وما فكرنا فيه .. خلونا نرجع نفكر فيه ..
من عندي بعترفلك .. اي منغلط ومنقصر ومنختلف ... طبيعي .. جايين من بيئات مختلفة و شخصيات مختلفة .. لهيك بدا الشغلة مساعدة من الكل ..

بخصوص انماط من الشخصيات ..
الموضوع بيشبه جزء مني ما عم تشوفوه مني .. من وقت الاشراف ..
عمي انا مشاغبة مصروعة ومجنونة وهبلة هيك أنا بحياتي ..
الجزء اللي بيقرا وبيكتب و بيتابع سياسة هوي جزء بس ما كل شي
عدت فترة بأخوية صرت روبوت ما عدت بني ادم حسيت اني بعيدة عن الكل ايجابا ً وسلبا ً ..
متل الساقي وسوسو والشخصيات الالكترونية بالموقع ..
هادا الموضوع مانو ناقد .. وإلا كنت نزلتو بالصالون .. الموضوع مااااازح .. مع لسعة نقد
مع لفحة تفريغ وفش خلق
الموضوع مانو للتجريح .. وإذا حدا زعل .. فأنا ببوس راسو مين ما كان ( بس مو الكل هلق يعمللي فيها زعلان .. ) .. كتبت عن اشخاص بيعنولي كما كتبت عن اشخاص بيزعجوني بأخوية كما كتبت عن اشخاص بتمنى لو يتركو اخوية
كتبت كعضو .. حابب ياخد ويعطي مع الناس .. متل ما كل واحد بيزتولو قائمة من اسماء الأعضاء بالمقلاية وبيعطي رأيو فين .. متل ما عاملين مليون موضوع اعطي رأيك باللي قبلك ..
في كتير من الأوقات كنت عم حاول انتقد سلوك اكتر مما انتقد شخص .. " يعني التعصب ، السبام ، الاعتراض عالفاضي والملان ،النكوشة ، ... " في اوقات كتير ما نجحت .. وزودتا وانتقلت لنقد الشخص اكتر من السلوك ... وفي اوقات طلعو الردود مهضومين ومزح .لا اكتر ولا اقل ...
بس ..