[نيقولا]

؟؟؟؟؟

شي بيحيّر .. يعني هلق بألف نعمة كل الناس عايشين ومتساويين بس تحت
إذا هالمخطط الأميركي بدو يمشي فأنا بعتقد أنّو من الصعب حدا يوقفو لأنو أميركا مستعدّة تغير العالم لوحدها متل ما صار بحرب العراق التانية
إذا شمل هالتغيير سوريا - الله لا يقدّر - فالتشدد الإصولي راح يزدهر من تاني يوم متل ما ازدهر بالعراق
بس مو ضد الإحتلال إنما لتصفية الحسابات وتقليب الدفاتر
وعند الحسابات كاّ الناس راح تدفع الثمن .. واللي راح يدفع أكتر شي هوي البلد .. سوريا
نحنا هلق نظام يتسربل بالعلمانية , ولو افترضنا أنو مو مؤمن فيها بس حسناتها الإيجابية واضحة للعيان وهيدا ما حدا بينكرو غير اللي بدو يرجع بالبلد لوَرا
أنا مو مع حزب أو تجمع أو تكتل أو ما شابه يضم المسيحيين .. وأنا ضد وجود أي حزب ببلادنا بياخد صفة دينية أو إثنية
لكن أنا مع العمل المكثف للتقريب بين أبناء البلد الواحد وتعزيز الروابط بين المجموعات والألوان في المجتمع السوري
بيقلي واحد : شو هادا حكي نظري ومستحيل وإذا صار بدو مية سنة ...
طيب المهم الواحد يبدا . ومن حالو وبعدين من بيتو.. ومن رفقاتو وهوي وماشي
هلق بدها مية سنة بس يمكن بعد خمس سنين بدها ميتين سنة حتى تزبط وعلى هالحال
أكتر بلد عربي مستقر طائفياً و عرقياً وإثنيّاً هوي سوريا :P .. لازم نحافظ على هالنعمة لأنو الناس عنا بتاكل بعضها لو غير هيك
ما بعرف .. هادا رأيي وأنتو شو بتقولوا ؟